മേല്വിലാസവും ഇനി ഡിജിറ്റല്: മാപ്പ്മൈഇന്ത്യ പണി തുടങ്ങി, വിലാസങ്ങള്ക്ക് പകരം ഇനി ആറക്കം മാത്രം!!
ദില്ലി: വ്യക്തികളുടെ ബയോമെട്രിക് വിവരങ്ങള് ഉള്പ്പെടുത്തിക്കൊണ്ട് ആധാര് കാര്ഡുകള് തയ്യാറാക്കിയതിന് പിന്നാലെ മേല്വിലാസവും ബന്ധപ്പെട്ട വിവരങ്ങളും ഉള്പ്പെടുത്തി ഡിജിറ്റല് മേല്വിലാസം തയ്യാറാക്കാനുള്ള നീക്കവുമായി കേന്ദ്രസര്ക്കാര്. വാര്ത്താ വിനിമയ പ്രക്ഷേപണ മന്ത്രാലയത്തിന് കീഴിലുള്ള തപാല് വകുപ്പാണ് അഡ്രസുകള്ക്ക് പകരമായി ആറ് അക്കമുള്ള ആല്ഫാന്യൂമെറിക് ഡിജിറ്റല് അഡ്രസ് തയ്യാറാക്കാന് ഉത്തരവിട്ടിട്ടുള്ളത്.
രാജ്യത്തെ മൂന്ന് പോസ്റ്റല് കോഡ് ലൊക്കേഷനിലുള്ള ഭൂസ്വത്തുക്കള്ക്കും ആല്ഫാ ന്യൂമെറിക് നമ്പര് തയ്യാറാക്കുന്നതിനാണ് ആദ്യ ഘട്ടത്തില് ഉത്തരവിട്ടതെങ്കിലും ഇത് ഏറെ വൈകാതെ രാജ്യത്തിന്റെ മറ്റ് ഭാഗങ്ങളിലേയ്ക്ക് കൂടി വ്യാപിപ്പിക്കും. തപാല് വകുപ്പുമായി ചേര്ന്ന് ഗൂഗിള് മാപ്പ് രൂപത്തിലാണ് സര്ക്കാരിന്റെ ഡിജിറ്റല് മേല്വിലാസം തയ്യാറാക്കുന്ന പദ്ധതി ഒരുങ്ങുന്നത്. ദില്ലി, നോയിഡ എന്നിവിടങ്ങളിലെ രണ്ട് പോസ്റ്റ് ഓഫീസുകള്ക്ക് കീഴിലുള്ള പ്രദേശങ്ങളിലായിരിക്കും ആദ്യഘട്ടത്തില് പദ്ധതി ആരംഭിച്ചിട്ടുള്ളത്.
ഡിജിറ്റല് അഡ്രസ്
ഭുസ്വത്തിന് ആറക്ക അല്ഫാ ന്യൂമെറിക് ഡിജിറ്റല് അഡ്രസ് നല്കുന്നതിനൊപ്പം സ്വത്തിന്റെ ഉടമസ്ഥാവകാശം, ഭൂസ്വത്തിന്റെ നികുതി വിവരങ്ങള്, ഇലക്ട്രിസിറ്റി, വെള്ളം, ഗ്യാസ് എന്നിവയുടെ ബില് എന്നിവ സംബന്ധിച്ച വിവരങ്ങളും ഡിജിറ്റല് അഡ്രസില് ഉള്പ്പെടുത്തിക്കൊണ്ടുള്ളതാണ് ഇ - ലൊക്കേഷന് സംവിധാനം.
ആദ്യഘട്ടം ദില്ലിയില്
ദില്ലിയിലെ രണ്ട് പോസ്റ്റല് പിന്കോഡ് പരിധിയില് വരുന്ന പ്രദേശങ്ങളാണ് ഇ- ലൊക്കേഷന് പദ്ധതിയ്ക്കായി ആദ്യ ഘട്ടത്തില് തിരഞ്ഞെടുത്തിട്ടുള്ളത്. നിലവിലെ പോസ്റ്റല് അഡ്രസുകള്ക്ക് സമാന്തരമായി ഉപയോഗിക്കാന് കഴിയുന്ന ഇലക്ട്രോണിക് വിലാസമായിരിക്കും ഇതോടെ ലഭിക്കുക. നിലവിലെ പദ്ധതി വിജയകരമാണെന്ന് കണ്ടെത്തിയാല് ദേശീയ തലത്തില് പദ്ധതി പ്രാബല്യത്തില് വരുത്തുമെന്നാണ് സര്ക്കാര് നല്കുന്ന വിവരം. സ്വകാര്യ മാപ്പിംഗ് കമ്പനി മാപ്പ്മൈഇന്ത്യയാണ് തപാല് വകുപ്പിന് വേണ്ടി പദ്ധതി നടപ്പിലാക്കുന്നത്.
കണ്ടെത്താന് എളുപ്പം
നിലവിലെ സങ്കീര്ണ്ണമായ വിലാസങ്ങള്ക്ക് പകരം പുതിയ അല്ഫാ ന്യൂമെറിക് ഡിജിറ്റല് വരുന്നതോടെ ഓരോ വിലാസത്തിലുമുള്ള വീടുകള് കണ്ടെത്താന് എളുപ്പമായിരിക്കും. യാത്രക്കാരെ എളുപ്പത്തില് ഓരോ സ്ഥലങ്ങളും തിരഞ്ഞ് കണ്ടുപിടിക്കാന് സഹായിക്കുന്ന ഇ-ലൊക്കേഷന് സമയം, പണം, ഇന്ധനം, എന്നിവ കുറയ്ക്കുന്നതിനും സഹായിക്കും. ഇ- കൊമേഴ്സ് വെബ്സൈറ്റുകള്ക്ക് ഹോം ഡെലിവറി എളുപ്പത്തില് പൂര്ത്തിയാക്കാനും ഇത് സഹായിക്കുമെന്നും മാപ്പ്മൈഇന്ത്യ എംഡി രാകേഷ് വര്മ ചൂണ്ടിക്കാണിക്കുന്നു.
ഇ- ലൊക്കേഷന് നടപടികള് പൂര്ത്തിയാക്കി
രണ്ട് കോടി ഇ- ലൊക്കേഷനുകളുടെ ഡാറ്റാ ബേസുകള് ഇതിനകം തന്നെ തങ്ങള് തയ്യാറാക്കി കഴിഞ്ഞെന്നും ഇതില് വ്യക്തികള്, ബിസിനസ് സ്ഥാപനങ്ങള്, സര്ക്കാര് സ്ഥാപനങ്ങള് എന്നിവ ഉള്പ്പെടുന്നുണ്ടെന്നും മാപ്പ്മൈ ഇന്ത്യ പുറത്തിറക്കിയ പ്രസ്താവനയില് പറയുന്നു. ഐഎസ്ആര്ഒയുമായും ഐഎസ്ആര്ഒയുടെ നാഷണല് സാറ്റലൈറ്റ് ഇമേജറി സര്വീസ് ഭുവനുമായും ചേര്ന്നാണ് ശരിയായ രീതിയില് മാപ്പിംഗ് പൂര്ത്തിയാക്കിയതെന്നും മാപ്പ്മൈഇന്ത്യ പ്രസ്താവനയില് അവകാശപ്പെടുന്നു.
-
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദേശീയപാത 66 ലെ യാത്ര ഇനി സുഗമാകും; വരാപ്പുഴ പാലം മെയ് മാസം തുറക്കും -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
പശ്ചിമ കൊച്ചിയുടെ തലവര മാറും; നിര്ണായക ചുവടുവയ്പ്പുമായി കൊച്ചി വാട്ടര് മെട്രോ: ടെന്ഡര് വിളിച്ചു -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
പേരൂര്ക്കട ഫ്ലൈഓവര്, വട്ടിയൂര്ക്കാവ് റോഡ് ആന്ഡ് ജംഗ്ഷന്; കുരുക്കഴിഞ്ഞു, നിര്മാണം തുടങ്ങി -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
റഫീഖിനെ ഫോണില് വിളിച്ച് സംസാരിച്ച് മമ്മൂട്ടി, 'മനപൂര്വ്വം അപമാനിക്കാന് ശ്രമിച്ചതല്ല' -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ
Click it and Unblock the Notifications
Sign in with Google