നെറ്റ്, ജെഎന്യു, ഇഗ്നോ ... ദേശീയ തല പ്രവേശന പരീക്ഷകളുടെ അപേക്ഷ തീയതി നീട്ടി
ദില്ലി: കോവിഡ് വ്യാപനത്തിന്റെ പശ്ചാത്തലത്തില് ദേശീയ തലത്തിലുള്ള പ്രവേശന പരീക്ഷകൾക്ക് അപേക്ഷിക്കാനുള്ള തീയ്യതി നീട്ടി. യുജിസി നെറ്റ്, ഐസിഎആർ, ഈഗ്നോ (IGNOU), സിഎസ്ഐആർ - യുജിസി നെറ്റ്, ദില്ലി ജവഹര്ലാല് നെഹ്രു സര്വകലാശാല പ്രവേശന പരീക്ഷ എന്നിവയാണ് നാഷണല് ടെസ്റ്റിങ് ഏജന്സി (എന്ടിഎ). നീട്ടിയത്.
കോവിഡ് ഭീഷണിയും ലോക്ക് ഡൗണും തുടരുന്നതിനാല് പ്രവേശന പരീക്ഷകള്ക്ക് അപേക്ഷിക്കേണ്ട അവസാന തീയതി നീട്ടണമെന്ന ആവശ്യ വിവിധ കോണുകളില് നിന്നും ഉയര്ന്നിരുന്നു. പുതുതായി വന്ന നിര്ദ്ദേശം അനുസരിച്ച് ജൂൺ 15 വരെ അപേക്ഷ നൽകാം. പഴയ ഉത്തരവ് പ്രകാരം മെയ് 31 വരെയായിരുന്നു അപേക്ഷിക്കാനുള്ള അവസാന തീയതി. പരീക്ഷകള് നടത്താനുള്ള തീയ്യതി പിന്നീട് അറിയിക്കും.
മാനവ വിഭവ ശേഷി വകുപ്പ് മന്ത്രി രമേഷ് പൊക്രിയാലാണ് ഇക്കാര്യം അറിയിച്ചത്. കൊവിഡ് വൈറസിന്റെ വ്യാപനത്തിന്റെ പശ്ചാത്തലത്തില് ഇത് മൂന്നാം തവണയാണ് പ്രവേശന പരീക്ഷകള്ക്ക് അപേക്ഷിക്കാനുള്ള തീയതി എന്ടിഎ നീട്ടുന്നത്.