Click it and Unblock the Notifications
Just In
Don't Miss
-
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
അച്ഛനെ പോലെ തന്നെയാണ് മകനും, യാതൊരു കഴിവുമില്ല! മുന്ഭര്ത്താവിനെ പറ്റിയും മകനെ കുറിച്ചും മലൈക അറോറ -
ഒരു വർഷത്തെ നേട്ടം 1932%, നിക്ഷേപകരെ കോടീശ്വരനാക്കിയ ഓഹരി, നിങ്ങൾ വാങ്ങുന്നോ..? -
കാലിഫോര്ണിയയില് ആകാശത്ത് കണ്ടത് അന്യഗ്രഹ ജീവി? മനുഷ്യരൂപത്തോടും കുരിശിനോടും സാദൃശ്യം -
വാഗ്ദാനങ്ങൾ പാലിച്ചില്ല, 'നവകേരള ബസ്' കറിവേപ്പിലയായി! കോടികൾ മുടക്കിയ ബസ് പൊടിപിടിച്ചു കിടക്കുന്നു -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
വായ്‌പേയി മരിച്ചെന്ന് വ്യാജ വാര്‍ത്ത... പണികിട്ടിയതിങ്ങനെ!!!
ബലാസോര്‍(ഒഡീഷ): പ്രമുഖരുടെ മരണ വാര്‍ത്തകള്‍ വ്യാജമായി സൃഷ്ടിയ്ക്കുകയും പ്രചരിപ്പിയ്ക്കുകയും ചെയ്യുന്നത് ഇപ്പോള്‍ ഒരു പതിവ് സംഭവമായി മാറിക്കഴിഞ്ഞിരിയ്ക്കുകയാണ്. അടുത്തിടെയാണ് ഹോളിവുഡ് സൂപ്പര്‍ സ്റ്റാര്‍ അര്‍ണോള്‍ഡ് ഷ്വാസ്‌നെഗറിനെ വ്യാജവാര്‍ത്തയിലൂടെ കൊന്നത്.
എന്നാല്‍ ഇപ്പോള്‍ പുറത്ത് വരുന്ന വാര്‍ത്ത ഇന്ത്യയില്‍ നിന്ന് തന്നെയാണ്. മുന്‍ പ്രധാനമന്ത്രിയും ബിജെപിയുടെ സമുന്നത നേതാവും ആയ അടല്‍ ബിഹാരി വായ്‌പേയി മരിച്ചു എന്ന വ്യാജവാര്‍ത്ത വിശ്വസിച്ച് പണികിട്ടിയത് ഒരു സ്‌കൂളിലെ പ്രധാനാധ്യാപകനാണ്.
മറ്റൊരു അധ്യാപകന്‍ പറഞ്ഞത് കേട്ടപാതി കേള്‍ക്കാത്ത പാതി വിശ്വസിച്ച ഇദ്ദേഹം കാണിച്ച് കൂട്ടിയത് എന്തൊക്കെയാണെന്നറിയാമോ....
വാജ്‌പേയി
ബിജെപിയുടെ പ്രഥമ പ്രധാനമന്ത്രിയാണ് വാജ്‌പേയി. ഏറെനാളായി അദ്ദേഹം രോഗശയ്യയിലാണ്.
സംഭവിച്ചത്
വാജ്‌പേയി മരിച്ചു എന്ന വാര്‍ത്ത കേട്ട് ഒഡീഷയിലെ ബലാസോര്‍ ജില്ലയിലെ സ്‌കൂളിനാണ് അവധി പ്രഖ്യാപിച്ചത്. മൗന പ്രാര്‍ത്ഥനയും നടത്തി.
കമലാകാന്ത ദാസ്
സ്‌കൂളിലെ പ്രധാനാധ്യാപകനായ കമാലാകാന്ത ദാസ് മറ്റൊരു സ്‌കൂളില്‍ അധ്യാപക പരിശീലനത്തിന് പോയതായിരുന്നു. അവിടെവച്ച് മറ്റൊരു അധ്യാപകനാണ് തെറ്റായ വിവരം നല്‍കിയത്.
അനുസ്മരണ സമ്മേളനം
പ്രധാനാധ്യാപകന്‍ നല്‍കിയ വിവരം അല്ലേ... സ്കൂള് അധികൃതര്‍ മൗന പ്രാര്‍ത്ഥനയും അനുസ്മരണ യോഗവും നടത്തിയതിന് ശേഷമാണ് അവധി പ്രഖ്യാപിച്ചത്.
നാട്ടുകാര്‍ ഇളകി
സ്‌കൂളിന് അവധി കൊടുത്തുവെന്ന വിവരം അറിഞ്ഞതോടെ നാട്ടുകാര്‍ ഇളകി. സംഭവം ജില്ലാ കളക്ടര്‍ക്ക് മുന്നില്‍ പരാതിയായി എത്തി.
ഒടുവില്‍ സസ്‌പെന്‍ഷന്‍
വ്യാജ വാര്‍ത്തയുടെ അടിസ്ഥാനത്തില്‍ സ്‌കൂളിന് അവധി നല്‍കിയ പ്രധാനാധ്യാപകനെ സസ്‌പെന്റ് ചെയ്തു. ആവശ്യമെങ്കില്‍ ക്രിമിനല്‍ നടപടിക്രമങ്ങള്‍ സ്വീകരിയ്ക്കുമെന്നാണ് ജില്ലാ കളക്ടര്‍ അറിയിച്ചിരിയ്ക്കുന്നത്.
