ആശ്വാസം..!! എല്പിജി സിലിണ്ടറിന്റെ വില കുറച്ചു; പുതുക്കിയ നിരക്ക് ഇങ്ങനെ
ന്യൂദല്ഹി: വിലക്കയറ്റത്തിനിടെ ആശ്വാസമായി എല് പി ജി ഗ്യാസ് സിലിണ്ടറുകളുടെ വില കുറച്ച് എണ്ണക്കമ്പനികള്. 19 കിലോഗ്രാം വാണിജ്യ എല് പി ജി സിലിണ്ടറുകളുടെ വില 25 രൂപ 50 പൈസ കുറച്ചു. എന്നാല് ഗാര്ഹിക ആവശ്യങ്ങള്ക്ക് ഉപയോഗിക്കുന്ന എല് പി ജി സിലിണ്ടറുകളുടെ വിലയില് മാറ്റമില്ല.
പുതുക്കിയ വില പരിഷ്കാരത്തോടെ ദല്ഹിയില് 25.5 രൂപയും കൊല്ക്കത്തയില് 36.5 രൂപയും മുംബൈയില് 32.5 രൂപയും ചെന്നൈയില് 35.5 രൂപയും വില കുറയും. ദല്ഹിയില് നേരത്തെ 1,885 രൂപ വിലയുണ്ടായിരുന്ന 19 കിലോഗ്രാം എല് പി ജി സിലിണ്ടര് ഇപ്പോള് 1,859.5 രൂപയ്ക്ക് ലഭിക്കും.
മുംബൈയില് നേരത്തെ 1,844 രൂപ ഉണ്ടായിരുന്ന 19 കിലോഗ്രാം എല് പി ജി സിലിണ്ടര് 1,811.5 രൂപയ്ക്ക് ലഭിക്കും. ചെന്നൈയില് 2,045 രൂപ ഉണ്ടായിരുന്ന 19 കിലോഗ്രാം എല് പി ജി സിലിണ്ടര് 2,009.5 രൂപയ്ക്ക് ലഭിക്കും. കൊല്ക്കത്തയില് 1,995.50 രൂപ ഉണ്ടായിരുന്ന 19 കിലോഗ്രാം എല് പി ജി സിലിണ്ടറിന്റെ വില 1,959 രൂപയാകും.
ഈ കേസിന് കാരണമായ എന്തോ ഉണ്ടെന്ന് ഇപ്പോള് തോന്നുന്നു... പക്ഷെ ദിലീപ്..?; കൊല്ലം തുളസി
കൊച്ചിയില് 19 കിലോഗ്രാം എല് പി ജി സിലിണ്ടറിന്റെ വില 1896.50 ല് നിന്ന് 1863 ആകും. ഗാര്ഹിക ആവശ്യത്തിനുള്ള എല് പി ജി സിലിണ്ടറുകളുടെ വില കുറയ്ക്കാത്തത് സാധാരണക്കാരുടെ ജീവിതത്തെ സാരമായി ബാധിക്കും. ജൂലൈ ആറിന് 14.2 കിലോഗ്രാം എല് പി ജി സിലിണ്ടറുകളുടെ വില യൂണിറ്റിന് 50 രൂപ കൂട്ടിയിരുന്നു.
പ്രതിപക്ഷ നേതൃസ്ഥാനം രാജിവെച്ച് ഖാര്ഗെ, പകരം ഇനി ആര്? പരിഗണനയില് ഇവര്...
നിലവില് ദല്ഹിയില് യൂണിറ്റിന് 1,053 രൂപയാണ് ഗാര്ഹികാവശ്യത്തിനുള്ള എല് പി ജിയുടെ വില. കൊല്ക്കത്തയില് ഇത് 1079 രൂപയാണ്. മുംബൈയില് ഗാര്ഹികാവശ്യത്തിനുള്ള എല് പി ജിയുടെ വില 1052 രൂപ 50 പൈസയാണ്.
കല്ലെറിഞ്ഞത് ആരാണെന്ന് അറിയില്ല; കോടതിയിലെത്തി മൊഴി നല്കി ഉമ്മന്ചാണ്ടി
ചെന്നൈയില് ഗാര്ഹികാവശ്യത്തിനുള്ള എല് പി ജിയുടെ വില 1,068 രൂപ 50 പൈസയുമാണ്. പ്രാദേശിക വാറ്റ് അനുസരിച്ച് നിരക്കുകള് ഓരോ സംസ്ഥാനത്തിനും വ്യത്യാസപ്പെടും