ഇവരെല്ലാം കോണ്ഗ്രസ് നേതാക്കളായിരുന്നു; ഇന്ന് ബിജെപി മുഖ്യമന്ത്രിമാര്, താമര വിരിഞ്ഞ വഴി
ന്യൂഡല്ഹി: ത്രിപുരയില് മുഖ്യമന്ത്രി ബിപ്ലബ് കുമാര് ദേബ് രാജിവച്ചത് ശനിയാഴ്ച ഉച്ചയ്ക്കാണ്. വൈകീട്ട് ബിജെപി നേതൃത്വം പുതിയ മുഖ്യമന്ത്രിയെ പ്രഖ്യാപിച്ചു. മാസങ്ങള് കഴിഞ്ഞാല് നിയമസഭാ തിരഞ്ഞെടുപ്പ് നടക്കാനിരിക്കുന്ന ത്രിപുരയില് ചില പരീക്ഷണങ്ങള് നടത്തുകയാണ് ബിജെപി. 25 വര്ഷത്തെ സിപിഎം ഭരണത്തിന് ശേഷം ബിജെപിക്കൊപ്പം നിന്ന ത്രിപുരയില് വരുന്ന തിരഞ്ഞെടുപ്പില് വിജയിക്കാനുള്ള തന്ത്രങ്ങള് അമിത് ഷാ ആവിഷ്കരിക്കുന്നുണ്ട്.
ഇതിന്റെ ഭാഗമായിട്ടാണ് മുഖ്യമന്ത്രിയെ മാറ്റിയത്. സമാനമായ നീക്കം ഗുജറാത്തിലും കര്ണാടകത്തിലും ഉത്തരാഖണ്ഡിലുമെല്ലാം നടത്തിയിരുന്നു. എല്ലായിടത്തും പാതി വഴിയില് മുഖ്യമന്ത്രിമാരെ മാറ്റി ബിജെപി. നാല് വടക്കുകിഴക്കന് സംസ്ഥാനങ്ങള് ബിജെപി ഭരിക്കുന്നുണ്ട്. എല്ലായിടത്തും കോണ്ഗ്രസില് നിന്ന് രാജിവച്ച് ബിജെപിയില് ചേര്ന്നവരാണ് മുഖ്യമന്ത്രിമാര് എന്ന പ്രത്യേകതയുമുണ്ട്. രസകരമാണ് വടക്കുകിഴക്കന് മേഖലയിലെ ബിജെപിയുടെ രാഷ്ട്രീയക്കളികള്....
അസമിലെ മുഖ്യമന്ത്രി ഹിമന്ത ബിശ്വ ശര്മയാണ്. കഴിഞ്ഞ വര്ഷം അസമിന്റെ 15ാം മുഖ്യമന്ത്രിയായിട്ടാണ് ശര്മ അധികാരമേറ്റത്. സര്ബാനന്ദ സോനോവാളിന് പകരക്കാരനായിട്ടാണ് ശര്മ എത്തിയത്. കോണ്ഗ്രസ് നേതാവിയിരുന്നു ശര്മ. 2015ലാണ് അദ്ദേഹം കോണ്ഗ്രസ് വിട്ട് ബിജെപിയില് ചേര്ന്നത്. 2016ലെ നിയമസഭാ തിരഞ്ഞെടുപ്പിലും 2019ലെ ലോക്സഭാ തിരഞ്ഞെടുപ്പിലും അസമില് ബിജെപിക്ക് നേട്ടമായത് ശര്മയുടെ പ്രചാരണമായിരുന്നു.
അസമിലെ ജലുക്ബാരി മണ്ഡലത്തില് നിന്ന് ജയിച്ചാണ് ഹിമന്ത ബിശ്വ ശര്മ എംഎല്എയായത്. തുടര്ച്ചയായ അഞ്ച് തവണ ഇതേ മണ്ഡലത്തില് നിന്ന് ജയിച്ച നേതാവാണ് ഇദ്ദേഹം. കോണ്ഗ്രസിലായിരുന്നപ്പോഴും ബിജെപിയിലെത്തിയപ്പോഴും അദ്ദേഹത്തെ മണ്ഡല വാസികള് കൈവിട്ടില്ല. സോനോവാള് സര്ക്കാരില് മന്ത്രിയായിരുന്നു. 2021ലെ തിരഞ്ഞെടുപ്പില് ഒരു ലക്ഷം വോട്ടിനാണ് ശര്മ ജയിച്ചത്.
വടക്കുകിഴക്കന് സംസ്ഥാനങ്ങളില് ബിജെപി നേതൃത്വം നല്കുന്ന രാഷ്ട്രീയ സഖ്യമായ എന്ഇഡിഎയുടെ കണ്വീനറാണ് ശര്മ. മേഖലയില് ബിജെപിക്ക് സ്വാധീനം ലഭിക്കുന്നതില് മുഖ്യ പങ്ക് വഹിച്ച നേതാവ് കൂടിയാണ് ശര്മ. ബിജെപിയുടെ അജണ്ടകള് ഒരോന്നായി അദ്ദേഹം അസമില് നടപ്പാക്കുകയാണ്. കഴിഞ്ഞ തിരഞ്ഞെടുപ്പില് കോണ്ഗ്രസിന്റെ നേതൃത്വത്തില് പ്രതിപക്ഷം ഒറ്റക്കെട്ടായെങ്കിലും ബിജെപിയെ പരാജയപ്പെടുത്താന് സാധിച്ചില്ല.
ഹായ് സുന്ദരി.... അപര്ണ ബാലമുരളിയുടെ ചിത്രങ്ങള് ഏറ്റെടുത്ത് ആരാധകര്
മണിപ്പൂരിലെ മുഖ്യമന്ത്രിയാണ് എന് ബിരേന് സിങ്. 2016ല് കോണ്ഗ്രസ് വിട്ട് ബിജെപിയിലെത്തിയ ഇദ്ദേഹം തൊട്ടടുത്ത വര്ഷം നടക്കാനിരിക്കുന്ന നിയമസഭാ തിരഞ്ഞെടുപ്പ് ഉന്നമിട്ടായിരുന്നു കരുനീക്കിയത്.തുടര്ച്ചയായി കോണ്ഗ്രസ് ഭരിച്ച മണിപ്പൂരില് 2017ല് ബിജെപി സര്ക്കാര് രൂപീകരിച്ചു. ബിരേന് സിങ് ആയിരുന്നു മുഖ്യമന്ത്രി. മണിപ്പൂരില് ബിജെപിയുടെ ആദ്യ മുഖ്യമന്ത്രിയാണ് ഇദ്ദേഹം.
ഫുട്ബോള് താരമായിരുന്നു ബിരേന് സിങ്. പിന്നീട് അദ്ദേഹം അതിര്ത്തി രക്ഷാ സേനയില് ജോലി ചെയ്തു. ശേഷം മാധ്യമപ്രവര്ത്തകനായി. കോണ്ഗ്രസിലൂടെ സജീവ രാഷ്ട്രീയത്തിലെത്തി. ഇബോബി സിങ് സര്ക്കാരില് മന്ത്രിയായിരുന്നു. കോണ്ഗ്രസില് നിന്ന് രാജിവച്ച് മാസങ്ങള് കഴിഞ്ഞാണ് ബിജെപിയില് ചേര്ന്നത്. മണിപ്പൂരിലെ ബിജെപിയുടെ ആദ്യ മുഖ്യമന്ത്രിയായി. ഇപ്പോള് രണ്ടാംതവണയും അദ്ദേഹം മുഖ്യമന്ത്രിയായി തിരഞ്ഞെടുത്തു.
കഴിഞ്ഞ ദിവസം ത്രിപുരയുടെ മുഖ്യമന്ത്രിയായി തിരഞ്ഞെടുത്തത് മണിക് സാഹയെ ആണ്. അദ്ദേഹം കോണ്ഗ്രസ് നേതാവിയിരുന്നു. രാജിവച്ച് ബിജെപിയില് ചേര്ന്നു. 2016ല് ബിജെപിയിലെത്തിയ മണിക് സാഹ 2020ല് ത്രിപുര ബിജെപി സംസ്ഥാന അധ്യക്ഷനായി. ത്രിപുര ക്രിക്കറ്റ് അസോസിയേഷന് പ്രസിഡന്റുമായി. ശേഷം രാജ്യസഭയിലേക്ക് തിരഞ്ഞെടുക്കപ്പെട്ടു. ഇപ്പോള് മുഖ്യമന്ത്രിയാകുകയും ചെയ്തു.
നാഗാലാന്റ് മുഖ്യമന്ത്രിയാണ് നിഫിയു റിയോ. മുതിര്ന്ന കോണ്ഗ്രസ് നേതാവായിരുന്നു അദ്ദേഹം. 2002ലാണ് കോണ്ഗ്രസ് വിട്ടത്. നാഗാലാന്റ് തര്ക്കത്തില് മുഖ്യമന്ത്രി എസ്സി ജാമിറുമായി ഉടക്കിയാണ് കോണ്ഗ്രസ് വിട്ടത്. ശേഷം എന്പിഎഫില് ചേര്ന്നു. ഇക്കാലത്താണ് കോണ്ഗ്രസില് ആഭ്യന്തര തര്ക്കം രൂക്ഷമായതും നാഗാലാന്റ് ഭരണത്തില് തുടര്ച്ചയായി അസ്ഥിരതയുണ്ടായതും. 2013ല് നാഗാലാന്റ് മുഖ്യമന്ത്രിയായി. 2018ല് എന്പിഎഫ് ബിജെപി സഖ്യം തകര്ന്നതോടെ റിയോ എന്ഡിപിപിയില് ചേര്ന്നു. ശേഷം ബിജെപിയുമായി സഖ്യമുണ്ടാക്കുകയായിരുന്നു.
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google