പെപ്സിയുടെ ഈ പരസ്യം കണ്ടുനോക്കൂ, നിങ്ങള് 'നൊസ്റ്റി'യായിപ്പോകും..!
യേ ദില് മാംഗേ മോര്, ആഹാ... ഇന്ത്യയില് ശീതള പാനീയ വിപണിക്ക് അടിത്തറയുണ്ടാക്കിയതില് ക്രിക്കറ്റിന്റെ പങ്ക് ചെറുതല്ല. സച്ചിനും ഗാംഗുലിയും ബോളിവുഡ് താരങ്ങളും പരസ്യങ്ങളില് തകര്ത്ത് അഭിനയിച്ചപ്പോള് പെപ്സിയുടെയും കൊക്കോക്കോളയുടെയും മാര്ക്കറ്റും കുതിച്ചുയര്ന്നു.
ടി വിയില് ക്രിക്കറ്റ് കളി കാണുന്ന കുട്ടിക്കാലത്തെ പരസ്യങ്ങള് കണ്ടാല് ആര്ക്കാണ് കുറച്ച് നൊസ്റ്റാള്ജിയ ഒക്കെ തോന്നാതിരിക്കുക. ക്രിക്കറ്റാകുമ്പോള് തീര്ച്ചയായും അത് തോന്നുകയും ചെയ്യും. സച്ചിനും ഗാംഗുലിക്കും ദ്രാവിഡിനും ലക്ഷ്മണും പിന്നാലെ സേവാഗ് കൂടി വിരമിച്ചപ്പോള് എന്റെ കുട്ടിക്കാലം ഔദ്യോഗികമായി തീര്ന്നു എന്നാണ് ആളുകള് സോഷ്യല് മീഡിയയില് ഷെയര് ചെയ്തത്.
ക്രിക്കറ്റും പരസ്യങ്ങളും തമ്മില് ഇപ്പോഴും നല്ല ബന്ധത്തില് തന്നെയാണ്. ഓരോ ഓവറിന്റെ അവസാനവും വിക്കറ്റ് വീഴുമ്പോഴും മറ്റും ഇഷ്ടം പോലെ പരസ്യങ്ങള്. എന്നാല് പെപ്സിയുടെ ഈ പഴയ പരസ്യം ഒന്ന് കണ്ടുനോക്കൂ. നിങ്ങള് തീര്ച്ചയായും കുറച്ചൊരു ഗൃഹാതുരത്വത്തിലായിപ്പോകും.