വോട്ട് ചെയ്തില്ല; ആക്രമികള്‍ വൃദ്ധന്റെ നാക്ക് മുറിച്ച് കൊടും ക്രൂരത, കേട്ടാല്‍ കണ്ണ് നിറയും..

By Siniya

Updated: Saturday, February 13, 2016, 15:55 [IST]

ഉത്തര്‍ പ്രദേശ്: വോട്ട് ചെയ്തില്ലെന്ന് ആരോപിച്ച് ആക്രമികള്‍ വൃദ്ധന്റെ നാക്ക് മുറിച്ചു. ഉത്തര്‍ പ്രദേശിലെ ഝാന്‍സി ഗ്രാമത്തിലെ പഞ്ചായത്ത് തിരഞ്ഞെടുപ്പില്‍ വോട്ട് ചെയ്തില്ലെന്ന് ആരോപിച്ചാണ് ആക്രമികള്‍ നാക്ക് മുറിച്ചു മാറ്റിയത്.

ദിനേഷ് അരിഹാര്‍ എന്ന വൃദ്ധനെയാണ് ഒരു കൂട്ടം ആളുകള്‍ ആക്രമിച്ചത്. പഞ്ചായത്ത് തിരഞ്ഞെടുപ്പില്‍ വോട്ടു ചെയ്തില്ലെന്ന് ആരോപിച്ച് വീട്ടിലെത്തിയ സംഘം വീട് ആക്രമിക്കുകയായിരുന്നു.

പിന്നീട് വീടിനുള്ളി ല്‍ കയറിയ സംഘം ഇയാളെ മര്‍ദ്ദിക്കുകയായിരുന്നു. എന്നാല്‍ വൃദ്ധനെ മര്‍ദ്ദിക്കുന്ന്ത് കണ്ട് തടയാനെത്തിയ ബന്ധുക്കളെയും ഇവര്‍ മര്‍ദ്ദിച്ചു.

തുടര്‍ന്ന് സംഘം ദിനേഷിന്റെ നാവ് മുറിച്ചു മാറ്റുകയായിരുന്നു. ആക്രമികള്‍ പോയതിന് ശേഷം ദിനേഷിനെ ആശുപത്രിയില്‍ എത്തിക്കുകയും നാവ് തുന്നിപ്പിടിപ്പിക്കുകയും ചെയ്തു. സംഭവത്തില്‍ പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.