ഓപ്പറേഷന്‍ ബ്ളൂസ്റ്റാറിന് ബ്രിട്ടന്‍റെ ഉപദേശം?

By Meera Balan

Published: Wednesday, February 5, 2014, 13:53 [IST]

ദില്ലി: ഓപ്പറേഷന്‍ ബ്ളൂസ്റ്റാറിന് ബ്രിട്ടന്റെ ഉപദേശം ലഭിച്ചിരുന്നോ എന്ന കാര്യം തനിയ്ക്കറിയില്ലെന്ന് ദൗത്യത്തിന് നേതൃത്വം കൊടുത്ത ലെഫ്റ്റനന്റ് ജനറല്‍ ബ്രാര്‍. 1984 ല്‍ നടന്ന ഓപ്പറേഷന്‍ ബഌസ്റ്റാറിന് അന്നത്തെ പ്രധാനമന്ത്രിയായിരുന്ന ഇന്ദിരാഗാന്ധിയ്ക്ക് സമകാലീനയായിരുന്ന ബ്രിട്ടീഷ് പ്രധാനമന്ത്രി മാര്‍ഗരറ്റ് താച്ചറില്‍ നിന്ന് ഉപദേശം ലഭിച്ചിരുന്നോ എന്ന കാര്യം തനിയ്ക്കറിയില്ലെന്ന് ബ്രാര്‍.

ചൊവ്വാഴ്ച ബ്രിട്ടീഷ് പാര്‍ലമെന്റില്‍ വിദേശ സെക്രട്ടറി വില്യം ഹേഗാണ് 1984 ല്‍ അമൃത്സറിലെ സിഖ് ആരാധനാലയമായ സുവര്‍ണ ക്ഷേത്രത്തില്‍ ഇന്ത്യന്‍ സൈന്യം നടത്തിയ സൈനിക നടപടിയ്ക്ക് ബ്രിട്ടന്റെ ഉപദേശം ലഭി്ച്ചിരുന്നുവെന്ന് പറഞ്ഞത്.

ഓപ്പറേഷന്‍ എങ്ങനെയായിരിയ്ക്കണമെന്ന് ഇന്ത്യന്‍ സൈനികരെ ബ്രിട്ടന്റെ പ്രത്യേക സേനാ ഓഫീസര്‍ ഉപദേശിച്ചെന്ന റിപ്പോര്‍ട്ടാണ് പുറത്ത് വിട്ടത്. ഈ റിപ്പോര്‍ട്ടിനാണ് വിദേശകാര്യ സെക്രട്ടറി സ്ഥിരീകരണം നല്‍കിയത്. ലോക്‌സഭ തെരഞ്ഞെടുപ്പിന് മുന്നോടിയായി ഇത്തപമൊരു വാര്‍ത്ത പുറത്ത് വന്നത് കോണ്‍ഗ്രസിനെ പ്രതിരോധത്തിലാക്കിയിരിയ്ക്കുകയാണ്.

Published On February 5, 2014