പാര്ലമെന്റ് സമ്മേളനം നാളെ തുടങ്ങും; രാഷ്ട്രപതിയുടെ പ്രസംഗം ബഹിഷ്കരിക്കുമെന്ന് പ്രതിപക്ഷം
ദില്ലി: പാര്ലമെന്റിന്റെ ബജറ്റ് സമ്മേളനം വെള്ളിയാഴ്ച തുടങ്ങും. രാഷ്ട്രപതിയുടെ നയപ്രഖ്യാപന പ്രസംഗത്തോടെയാണ് സമ്മേളനത്തിന്റെ തുടക്കം. സംയുക്ത സഭയെ രാഷ്ട്രപതി രാംനാഥ് കോവിന്ദ് അഭിസംബോധന ചെയ്യുമ്പോള് സഭ ബഹിഷ്കരിക്കുമെന്ന് പ്രതിപക്ഷം അറിയിച്ചു. 16 പ്രതിപക്ഷ പാര്ട്ടികളുടേതാണ് തീരുമാനമെന്ന് കോണ്ഗ്രസ് നേതാവ് ഗുലാംനബി ആസാദ് പറഞ്ഞു.
വിവാദമായ കാര്ഷിക നിയമങ്ങള് പാസാക്കിയത് ബലം പ്രയോഗിച്ചാണ്. പ്രതിപക്ഷ അംഗങ്ങളെ പുറത്താക്കിയാണ് ബില്ലുകള് നിയമമാക്കിയത്. ഇതില് പ്രതിഷേധിച്ചാണ് രാഷ്ട്രുപതിയുടെ പ്രസംഗം ബഹിഷ്കരിക്കാന് തീരുമാനിച്ചതെന്ന് ഗുലാംനബി ആസാദ് പറഞ്ഞു.
കോണ്ഗ്രസ്, എന്സിപി, നാഷണല് കോണ്ഫറന്സ്, ഡിഎംകെ, തൃണമൂല് കോണ്ഗ്രസ്, ശിവസേന, സമാജ്വാദി പാര്ട്ടി, ആര്ജെഡി, സിപിഐ, സിപിഎം, മുസ്ലിം ലീഗ്, ആര്എസ്പി, പിഡിപി, എംഡിഎംകെ, കേരള കോണ്ഗ്രസ് എം, എഐയുഡിഎഫ് എന്നീ കക്ഷികളാണ് സഭ ബഹിഷ്കരിക്കുന്നത്.
Click it and Unblock the Notifications
Sign in with Google