• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

കോണ്‍ഗ്രസ് പൗരത്വ പ്രതിഷേധത്തില്‍ പങ്കെടുക്കരുത്... കാരണം ഇതാണ്, ജയറാം രമേശ് പറയുന്നത് ഇങ്ങനെ

കൊല്‍ക്കത്ത: പ്രതിപക്ഷ പാര്‍ട്ടികള്‍ പൗരത്വ സമരങ്ങളില്‍ നിന്ന് ഒരു വിട്ട് നില്‍ക്കണമെന്ന് കോണ്‍ഗ്രസ് നേതാവ് ജയറാം രമേശ്. കോണ്‍ഗ്രസിനും കൂടിയുള്ള അദ്ദേഹത്തിന്റെ നിര്‍ദേശമാണിത്. ജനകീയ പ്രക്ഷോഭമാണ് ഇപ്പോള്‍ സിഎഎ, എന്‍ആര്‍സി, എന്‍പിആര്‍ സമരങ്ങളില്‍ നടക്കുന്നത്. രാഷ്ട്രീയ പാര്‍ട്ടികള്‍ അത് തട്ടിയെടുക്കാന്‍ ശ്രമിക്കരുതെന്നും ജയറാം രമേശ് പറഞ്ഞു. അതേസമയം പ്രസ്താവന കോണ്‍ഗ്രസ് നേതൃത്വത്തെ അമ്പരിപ്പിച്ചിരിക്കുകയാണ്.

അതേസമയം കോണ്‍ഗ്രസില്‍ നേതാക്കളുടെ വ്യക്തിപരമായ പിടിവാശികളും ആഗ്രഹങ്ങളും മാറ്റിവെച്ച് പ്രവര്‍ത്തിച്ചാല്‍ മാത്രമേ മുന്നോട്ട് പോകാന്‍ സാധിക്കൂ എന്നും ജയറാം രമേശ് വ്യക്തമാക്കി. മുതിര്‍ന്ന നേതാക്കള്‍ ഒരു പ്രായം കഴിഞ്ഞാല്‍ യുവ നേതാക്കളെ വളര്‍ത്തി കൊണ്ടുവരാനും അവര്‍ ഉപദേശങ്ങള്‍ നല്‍കാനും തയ്യാറാവണം. അവരെ ഇല്ലാതാക്കാന്‍ സീനിയര്‍ നേതാക്കള്‍ ശ്രമിക്കരുതെന്നും അദ്ദേഹം പറഞ്ഞു.

കോണ്‍ഗ്രസിനെ വളര്‍ത്താന്‍ ഒരു വ്യക്തിക്ക് സാധിക്കില്ല. കൂട്ടായ പ്രവര്‍ത്തനമാണ് പാര്‍ട്ടി നടത്തേണ്ടത്. എല്ലാവര്‍ക്കും പാര്‍ട്ടിയില്‍ ഉന്നത സ്ഥാനങ്ങളില്‍ എത്തണമെന്ന് ആഗ്രഹമുണ്ടാവും. പക്ഷേ അതെല്ലാം മാറ്റിവെക്കണം. കോണ്‍ഗ്രസിനെ ശക്തമാക്കുക എന്ന ലക്ഷ്യം മാത്രമായിരിക്കണം മുന്നിലെന്നും രമേശ് പറഞ്ഞു. കഴിഞ്ഞ കുറച്ച് വര്‍ഷങ്ങളായി കേന്ദ്രത്തില്‍ മാത്രമല്ല, പല സംസ്ഥാനങ്ങളിലും കോണ്‍ഗ്രസിന് അധികാരം നഷ്ടമായി. ചിലയിടത്ത് മാത്രമാണ് ചെറിയ തോതില്‍ കുതിപ്പ് ഉണ്ടായത്. പക്ഷേ ഇനിയും ഒരുപാട് മുന്നോട്ട് പോകാനുണ്ടെന്നും അദ്ദേഹം വ്യക്തമാക്കി.

തിരഞ്ഞെടുപ്പ് പ്രവര്‍ത്തനത്തില്‍ അതിശക്തരായവര്‍ക്കെതിരെയാണ് കോണ്‍ഗ്രസ് പോരാടുന്നത്. അടല്‍ ബീഹാരി വാജ്‌പേയ്, എല്‍കെ അദ്വാനി എന്നിവരുമായി മത്സരിക്കുന്നത് വ്യത്യസ്തമാണ്. അതുപോലെയല്ല നരേന്ദ്ര മോദിയോടും അമിത് ഷായോടും മത്സരിക്കുന്നതെന്നും ജയറാം രമേശ് പറഞ്ഞു. കോണ്‍ഗ്രസ് നേതാക്കള്‍ എന്താണ് പറയുന്നതെന്ന് കൃത്യമായി ആലോചിക്കണം. ബിജെപി ധ്രുവീകരണമുണ്ടാക്കാനും വര്‍ഗീയപരമായി കാര്യങ്ങളെ മാറ്റാനും ശേഷിയുള്ളവരാണെന്നും അദ്ദേഹം പറഞ്ഞു.

പൗരത്വ നിയമ പ്രക്ഷോഭത്തെ അതിന്റെ വഴിക്ക് വിടാന്‍ രാഷ്ട്രീയ പാര്‍ട്ടികള്‍ തയ്യാറാവണം. ഇത് സര്‍ക്കാരിനോടുള്ള ജനങ്ങളുടെ എതിര്‍പ്പില്‍ നിന്നാണ് വരുന്നത്. ചില വിഷയങ്ങളില്‍ രാഷ്ട്രീയ പാര്‍ട്ടികള്‍ ഇടപെടാന്‍ പാടില്ല. കോണ്‍ഗ്രസിന് ചെയ്യാന്‍ പറ്റുന്നത് ചെയ്യുന്നുണ്ട്. പാര്‍ട്ടി ഭരിക്കുന്ന സംസ്ഥാനങ്ങളില്‍ സിഎഎയ്‌ക്കെതിരെ പ്രമേയം പാസാക്കി. ഇതെല്ലാം ജനാധിപത്യമായ മാര്‍ഗമാണ്. രാഷ്ട്രീയ പാര്‍ട്ടികള്‍ പാര്‍ലമെന്റിലാണ് പ്രതിഷേധിക്കേണ്ടത്. കോടതിയെയും സമീപിച്ചിട്ടുണ്ടെന്നും ജയറാം രമേശ് പറഞ്ഞു.

അസംഖഡില്‍ പ്രിയങ്കയുടെ പരീക്ഷണം.... അഖിലേഷിന് നെഞ്ചിടിപ്പ്, മുസ്ലീം വോട്ടില്‍ നോട്ടമിട്ട് കോണ്‍ഗ്രസ്

English summary
opposition should maintain arms length from caa protests says jairam ramesh
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more