പ്രധാനമന്ത്രിക്ക് ഉപദേശവുമായി പി ചിദംബരം; ദില്ലി തിരഞ്ഞെടുപ്പില് സംസാരിക്കേണ്ട കാര്യങ്ങള് ഇവയാണ്
ദില്ലി: പ്രധാനമന്ത്രി നരേന്ദ്ര മോദിക്ക് ഉപദേശവുമായി മുന് കേന്ദ്ര ധനകാര്യമന്ത്രിയും കോണ്ഗ്രസ് നേതാവുമായ പി ചിദംബരം. കേന്ദ്ര ബജറ്റിന് മൂന്ന് ദിവസം മാത്രം അവശേഷിക്കവെയാണ് പ്രധാനമന്ത്രിക്ക് നേരെ ആഞ്ഞടിച്ച് കൊണ്ട് ചിദംബരം രംഗത്തെത്തിയിരിക്കുന്നത്. അധിക്ഷേപങ്ങളില് നിന്നും വാചകമടികളില് നിന്നും മോദി വിട്ടു നില്ക്കണമെന്നും എന്ത് കൊണ്ടാണ് 6 വര്ഷമായിട്ടും അച്ഛേ ദിന് രാജ്യത്ത് വരാത്തത് എന്നതിനെ കുറിച്ച് ദില്ലിയിലെ വോട്ടര്മാരോട് വിശദീകരിക്കണമെന്നും ചിദംബരം ആവശ്യപ്പെട്ടു. ട്വിറ്ററിലാണ് ചിദംബരത്തിന്റെ പ്രസ്താവന.
പ്രധാനമന്ത്രിയും മന്ത്രിയും യാഥാര്ത്ഥ്യത്തില് നിന്ന് വളരെയധികം അകലെയാണ്. അതിനാല് ദില്ലി തിരഞ്ഞെടുപ്പില് മൂന്ന് കാര്യങ്ങളെ കുറിച്ച് അവര് വിശദീകരിക്കണം. രാജ്യത്തെ ഉപഭോക്തൃ വില സൂചിക 2019 ജനുവരിയിലെ രണ്ട് ശതമാനത്തില് നിന്ന് 2019 ഡിസംബറിലെത്തുമ്പോള് 7.35 ശതമാനമായി ഉയര്ന്നിട്ടുണ്ട്. ഇപ്പോഴത്തെ സൂചനകള് പ്രകാരം നികുതി വരുമാനം 2019-20 ബജറ്റില് പ്രതീക്ഷിച്ചതിനേക്കാളും 2.5 ലക്ഷം കോടി രൂപയായി കുറയും. പട്ടികജാതി, എസ്ടി, ഒബിസി, ന്യൂനപക്ഷങ്ങള്, സ്ത്രീകള്, കുട്ടികള് എന്നിവര്ക്കായി ഉദ്ദേശിക്കുന്ന പരിപാടികളില് ചെലവ് ചുരുക്കേണ്ടിവരുമെന്നും അദ്ദേഹം ട്വീറ്റ് ചെയ്തു.
ആളുകള് ആഗ്രഹിക്കുന്നത് സമ്പദ്വ്യവസ്ഥയെക്കുറിച്ചുള്ള വസ്തുതകള് അറിയാനാണ് മറിച്ച് ആക്ഷേപങ്ങളും വാചകമടിയുമല്ല. 6 വര്ഷം കഴിഞ്ഞിട്ടും അച്ഛേ ദിന് രാജ്യത്ത് എന്തു കൊണ്ട് എത്തിയില്ലെന്ന് ആളുകള്ക്ക് അറിയാന് ആഗ്രഹമുണ്ടെന്നും ചിദംബരം പറഞ്ഞു. ഭക്ഷ്യവിലക്കയറ്റം 14.12 ശതമാനം, പച്ചക്കറി വില 60 ശതമാനം ഉയര്ന്നു, ഉള്ളി വില കിലോഗ്രാമിന് 100 രൂപയില് കൂടുതല് ബിജെപി വാഗ്ദാനം ചെയ്ത അച്ചേ ദിന് ഇതാണെന്നും ചിദംബരം പരിഹസിച്ചു.
ഐഎന്എക്സ് മീഡിയ കുംഭകോണക്കേസുമായി ബന്ധപ്പെട്ട് 100 ദിവസത്തിലേറെ ദില്ലിയിലെ തിഹാര് ജയിലിലായിരുന്ന ചിദംബരം ജാമ്യത്തിലിറങ്ങിയ ശേഷം മോദിയെയും കേന്ദ്ര സര്ക്കാരിനെയും ലക്ഷ്യം വെച്ച് ശക്തമായ വിമര്ശനവുമായി രംഗത്തെത്തുന്നത് പതിവാണ്. സമ്പദ്വ്യവസ്ഥയിലെ മാന്ദ്യത്തെച്ചൊല്ലിയാണ് ചിദംബരത്തിന്റെ പരാമര്ശങ്ങളില് ഭൂരിഭാഗവും. പടവലങ്ങ പോലെ താഴേക്ക് പോകുന്ന ഇന്ത്യന് സാമ്പത്തിക വ്യവസ്ഥയെ കുറിച്ചുള്ള ആശങ്ക പങ്കുവെച്ച ചിദംബരം യുവാക്കളും വിദ്യാര്ഥികളും പൊട്ടിത്തെറിക്കുമെന്ന് കേന്ദ്രസര്ക്കാരിന് മുന്നറിയിപ്പ് നല്കുകയും ചെയ്തു. ഷഹീന് ബാഗിലെ പൗരത്വ വിരുദ്ധ നിയമ പ്രക്ഷോഭങ്ങളില് ദില്ലി തിരഞ്ഞെടുപ്പ് തന്ത്രം കേന്ദ്രീകരിക്കാനുള്ള പാര്ട്ടിയുടെ തീരുമാനത്തെ തുടര്ന്നാണ് ചിദംബരം ബിജെപിക്ക് പ്രചരണ ഉപദേശം നല്കുന്നത്.
-
''കോൺഗ്രസ്സ് കേരളത്തിൽ മതരാഷ്ട്രം നടപ്പിലാക്കാൻ ശ്രമിച്ചാലും അത്ഭുതപ്പെടാനില്ല..'', തുറന്നടിച്ച് അഖിൽ മാരാർ -
പ്രചാരണത്തിന് ‘ഇന്ദിര ഗ്യാരന്റി’ വരുന്നു, വാഗ്ദാനങ്ങളുമായി കേരളം ചുറ്റും -
ആത്മവിശ്വാസവും പ്രതീക്ഷയും സ്വപ്നവും ഒഴുകി നടക്കുന്ന എറണാകുളം -
പശ്ചിമേഷ്യ പ്രതിസന്ധി; മുഖ്യമന്ത്രിമാരുടെ യോഗം വിളിച്ച് കേന്ദ്രം, എണ്ണ ക്ഷാമം ഇല്ലെന്ന് സര്ക്കാര് -
ട്രംപിനെ വിളിച്ച് മോദി: സമാധാന ചര്ച്ചകള്ക്ക് പൂര്ണ പിന്തുണ; വിമര്ശനവുമായി കോണ്ഗ്രസ് -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ
Click it and Unblock the Notifications
Sign in with Google