ഇന്ത്യയ്ക്കുള്ള മുന്നറിയിപ്പോ? ഉപരിതല ബാലിസ്റ്റിക് മിസൈല് പരീക്ഷിക്കാന് പാകിസ്ഥാന്
ഇസ്ലാമാബാദ്: ഇന്ത്യയുമായുള്ള സംഘര്ഷം വര്ധിക്കുന്നതിനിടെ ഉപരിതല ബാലിസ്റ്റിക് മിസൈല് പരീക്ഷിക്കാന് പാകിസ്ഥാന്. ശക്തി പ്രകടനമായി മേഖലയില് മിസൈല് പരീക്ഷണങ്ങള് നടത്തുമെന്ന് ഭീഷണിപ്പെടുത്തി പാകിസ്ഥാന് നിരന്തരം നോട്ടാമുകള് (വിമാനസേനാംഗങ്ങള്ക്ക് നോട്ടീസുകള്) പുറപ്പെടുവിച്ച് വരികയാണ്. അതിനിടെയാണ് ഈ ആഴ്ച പാകിസ്ഥാന് ഉപരിതല ബാലിസ്റ്റിക് മിസൈലുകള് പരീക്ഷിച്ചത്.
ഇത് ഇന്ത്യയുമായുള്ള സംഘര്ഷം വര്ദ്ധിപ്പിച്ചിട്ടുണ്ട്. പാകിസ്ഥാന്റെ ഈ നടപടിയെ 'അശ്രദ്ധമായ പ്രകോപനപരമായ പ്രവൃത്തി'യായാണ് ഇന്ത്യ വിശേഷിപ്പിച്ചത്. ഏപ്രില് 22 ന് പഹല്ഗാമില് നടന്ന ഭീകരാക്രമണത്തില് വിദേശിയടക്കം 26 പേര് കൊല്ലപ്പെട്ടതിന് പിന്നാലെയാണ് ഇന്ത്യയും പാകിസ്ഥാനും തമ്മിലുള്ള ശത്രുത ഗണ്യമായി വര്ധിച്ചത്. ഇതിന് പിന്നാലെ ജമ്മു കശ്മീരിലെ നിയന്ത്രണ രേഖയിലും അന്താരാഷ്ട്ര അതിര്ത്തിയിലും ദിവസേന വെടിവയ്പ്പ് സംഭവങ്ങള് നടക്കുന്നുണ്ട്.
ഭീകരാക്രമണത്തിനു ശേഷം ഇന്ത്യ, പാകിസ്ഥാന് പൗരന്മാര്ക്കുള്ള വിസ താല്ക്കാലികമായി നിര്ത്തിവെക്കുകയും പാകിസ്ഥാന് ഹൈക്കമ്മീഷനിലെ ജീവനക്കാരെ കുറയ്ക്കുകയും അട്ടാരി അതിര്ത്തി അടച്ചുപൂട്ടുകയും ചെയ്തിരുന്നു. പാകിസ്ഥാന് ഉപരിതലത്തില് നിന്ന് ഉപരിതലത്തിലേക്ക് തൊടുക്കുന്ന ബാലിസ്റ്റിക് മിസൈലുകള് പരീക്ഷിക്കാന് തയ്യാറെടുക്കുകയാണെന്ന് വൃത്തങ്ങള് എഎന്ഐയോട് പറഞ്ഞു.
അത്തരം അസ്ഥിരമായ സാഹചര്യങ്ങളില് ആസൂത്രണം ചെയ്ത മിസൈല് പരീക്ഷണം ഇന്ത്യയുമായുള്ള പിരിമുറുക്കം വര്ദ്ധിപ്പിക്കാനുള്ള തീവ്രശ്രമം ആണെന്നും വൃത്തങ്ങള് പറഞ്ഞു. പഹല്ഗാം ഭീകരാക്രമണത്തിനുശേഷം, പരീക്ഷണ വെടിവയ്പ്പിനായി 24 മണിക്കൂറില് താഴെ സമയത്തിനുള്ളില് അറിയിപ്പ് നല്കി ഏപ്രില് 23 ന് രാത്രി പാകിസ്ഥാന് ആദ്യത്തെ നോട്ടാം പുറപ്പെടുവിച്ചിരുന്നു.
എന്നിരുന്നാലും, ബാലിസ്റ്റിക് മിസൈല് പരീക്ഷണം നടന്നില്ല. അതിനുശേഷം ഏപ്രില് 26-27 തീയതികളില് കറാച്ചി തീരത്ത് പാകിസ്ഥാന് നാവിക കപ്പലുകളില് പരീക്ഷണം നടത്തിയതായി അറിയിപ്പുകള് പുറപ്പെടുവിച്ചു. എന്നിരുന്നാലും, വെടിവയ്പ്പ് പരിശീലനങ്ങളൊന്നും നടത്തിയില്ല. രണ്ട് ശ്രമങ്ങള് നടത്താത്തതിന് ശേഷം, ഏപ്രില് 30 മുതല് മെയ് 2 വരെ ഇന്ത്യയുടെ എക്സ്ക്ലൂസീവ് ഇക്കണോമിക് സോണിന് സമീപം പാകിസ്ഥാന് മൂന്നാമത്തെ ശ്രമം ആവര്ത്തിച്ചു.
ജമ്മു കശ്മീരിലെ അതിര്ത്തിയില് തുടര്ച്ചയായ വെടിവയ്പ്പുകളും പാകിസ്ഥാന് രാഷ്ട്രീയക്കാരുടെ അപകടകരമായ പ്രസ്താവനകളും പിരിമുറുക്കങ്ങളും വര്ധിക്കുന്ന സാഹചര്യത്തില്, പാകിസ്ഥാന്റെ ഉപരിതലത്തില് നിന്ന് ഉപരിതലത്തിലേക്ക് മിസൈല് പരീക്ഷണം നടത്തുന്ന നാലാമത്തെ പ്രകോപനം ഇന്ത്യയുമായുള്ള സംഘര്ഷങ്ങള് നാടകീയമായി വര്ധിപ്പിക്കാനുള്ള സാധ്യതയുണ്ട്.
അതേസമയം പഹല്ഗാം ആക്രമണത്തിന് മറുപടി നല്കാന് പ്രധാനമന്ത്രി നരേന്ദ്ര മോദി സൈന്യത്തിന് പൂര്ണസ്വാതന്ത്ര്യം നല്കിയിട്ടുണ്ട്. തിരിച്ചടിയുടെ സമയവും സ്ഥലവും സൈന്യത്തിന് തീരുമാനിക്കാം എന്നാണ് മോദി പറഞ്ഞിരിക്കുന്നത്.
Click it and Unblock the Notifications
Sign in with Google