പബ്ജി വഴി പരിചയം, പ്രണയം മൊട്ടിട്ടു: 22കാരനെ വിവാഹം കഴിക്കാന് പാക് യുവതി മക്കളുമായി ഇന്ത്യയില്
നോയിഡ: പബ്ജി ഗെയിമിലൂടെ പരിചയപ്പെട്ട യു പി സ്വദേശിയെ വിവാഹം കഴിക്കാന് നേപ്പാള് വഴി അനധികൃതമായി ഇന്ത്യയിലെത്തിയ പാകിസ്ഥാന് യുവതിയെ പൊലീസ് അറസ്റ്റ് ചെയ്തു. ഇവരുടെ കയ്യില് നിന്ന് പാകിസ്ഥാന് പാസ്പോര്ട്ട് കണ്ടെടുത്തിട്ടുണ്ട്.
പബ്ജിയിലൂടെ പരിചയപ്പെട്ട 22കാരനെ വിവാഹം കഴിക്കാന് നാല് മക്കളുമായാണ് യുവതി അനധികൃതമായി ഇന്ത്യയില് എത്തിയത്. ഗൗതം ബുദ്ധ നഗര് പൊലീസാണ് ഇവരെ പിടികൂടിയത്. യുവതിയും കുട്ടികളും പാകിസ്ഥാനില് നിന്നാണെത്തിയതെന്ന് അഡീഷണല് പൊലീസ് കമ്മിഷണര് സുരേഷ് റാവു കുല്ക്കര്ണി പറഞ്ഞു.
'പ്രാഥമിക അന്വേഷണത്തില്, ഗ്രേറ്റര് നോയിഡയിലെ റബുപുര സ്വദേശിയായ സച്ചിന് എന്ന യുവാവുമായി താന് പബ്ജി വഴി പരിചയപ്പെട്ടെന്ന് യുവതി വെളിപ്പെടുത്തിയിട്ടുണ്ട്. പിന്നീട് സുഹൃത്തുക്കളായെന്നും ബസും മറ്റ് യാത്ര സൗകര്യങ്ങള് ഉപയോഗിച്ച് നേപ്പാള് വഴി ഇന്ത്യയിലെത്തുകയായിരുന്നു എന്നാണ് യുവതി പൊലീസിനോട് പറഞ്ഞത്'- കമ്മിഷണർ പറഞ്ഞു.
കഴിഞ്ഞ കുറച്ച് ദിവസങ്ങളായി യുവതിയും നാല് കുട്ടികളും സച്ചിനൊപ്പം ഒരു വാടക വീട്ടില് താമസിച്ചു വരികയായിരുന്നു. ഒരു പലചരക്ക് കടയിലെ ജീവനക്കാരനാണ് സച്ചിന്. ഞങ്ങള് പബ്ജി വഴിയാണ് പരിചയപ്പെട്ടതെന്നും പിന്നീട് നല്ല സുഹൃത്തുക്കളായെന്നും സച്ചിന് പൊലീസിനോട് പറഞ്ഞു.
യുവതി സച്ചിനൊപ്പം താമസിക്കുന്നുണ്ടെന്ന് സച്ചിന്റെ കുടുംബത്തിന് അറിയാമായിരുന്നു. എന്നാല് യുവതിയുടെ ഭര്ത്താവ് സൗദി അറേബ്യയിലാണെന്നാണ് സച്ചിന് പറഞ്ഞത്. സച്ചിനെ വിവാഹം കഴിക്കുന്നതിനുള്ള നടപടികളെ കുറിച്ചറിയാന് യുവതി നഗരത്തിലെ ഒരാളെ സമീപിച്ചിരുന്ന. യുവതി പാകിസ്ഥാന് സ്വദേശിയാണെന്ന് അറിഞ്ഞതോടെ ഇയാള് പൊലീസിനെ വിവരം അറിയിക്കുകയായിരുന്നു. കൂടുതല് വിശദാംശങ്ങള് ശേഖരിക്കുന്നതിനായി അന്വേഷണ ഏജന്സികള് ഉള്പ്പെടെ ഒന്നിലധികം ഏജന്സികള് യുവതിയെ ചോദ്യം ചെയ്യുന്നുണ്ട്.
യുവതിയെ കുറിച്ചുള്ള കൂടുതല് വിവരങ്ങള് എംബസി വഴിയും ശേഖരിക്കുന്നുണ്ട്. യുവതിയുടെ ഭര്ത്താവ് സൗദയിലാണ്. കഴിഞ്ഞ നാല് വര്ഷമായി ഭര്ത്താവിനെ കണ്ടിട്ടില്ലെന്നാണ് യുവതി പൊലീസിനോട് പറയുന്നത്. ഭര്ത്താവ് പതിവായി തന്നെ ഉപദ്രവിച്ചിരുന്നതായി യുവതി പൊലീസിനോട് പറഞ്ഞു.
പാകിസ്ഥാനിലെ സ്ഥലവും വീടും വിറ്റതിന് ശേഷമാണ് യുവതി ഇന്ത്യയിലേക്ക് എത്തിയത്. 12 ലക്ഷം രൂപയ്ക്കാണ് യുവതി വീടും സ്ഥലവും വിറ്റത്. തുടര്ന്ന് ഈ പണത്തിന് വിമാന മാര്ഗം വഴി നേപ്പാളിലേക്ക് എത്തുകയായിരുന്നു. യുവതിയുടെ സഹോദരന് പാക് സൈന്യത്തിലാണെന്നും മൊഴി നല്കിയിട്ടുണ്ട്.
-
"മോഹൻലാൽ ജീവിക്കുന്നത് ശരിക്കും ഒരു രാജാവിനെ പോലെ, ഗുഡ് മോർണിംഗ് പറഞ്ഞിട്ടും മമ്മൂട്ടി മൈൻഡ് ചെയ്തില്ല" -
സ്വർണം ഇനിയും താഴേക്ക് പോകുമെന്നത് സ്വപ്നം മാത്രം; 1.40 ലക്ഷത്തിലേക്ക്..പണിതരുന്നത് ചൈന അടക്കമുള്ള രാജ്യങ്ങൾ -
വിദേശത്തുളളവർ ജോലി പോയി നാട്ടിലേക്ക് മടങ്ങേണ്ടി വരും, വീട് പണി നിർത്തേണ്ടി വരും, നാൾഫലം അറിയാം -
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും'
Click it and Unblock the Notifications
Sign in with Google