Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
പളനിസ്വാമിക്ക് വോട്ട് ചെയ്ത എംഎല്‍എമാര്‍ക്ക് ഒപിഎസിന്റെ വെല്ലുവിളി!! സ്വീകരിക്കാന്‍ ആരുണ്ട് ?
തന്‍റെ രണ്ട് ആവശ്യങ്ങളും നിരസിക്കപ്പെട്ടതായി ഒപിഎസ്
ചെന്നൈ: മണിക്കൂറുകള്‍ നീണ്ട നാടകീയതകള്‍ക്കൊടുവില്‍ മുഖ്യമന്ത്രിക്കസരേ കൈവിട്ട ഒ പനീര്‍ശെല്‍വം ശശികല വിഭാഗത്തിനെതിരേ ആഞ്ഞടിച്ചു. വിശ്വാസ വോട്ടെടുപ്പില്‍ 122 എംഎല്‍എമാരുടെ പിന്തുണ നേടിയാണ് ശശികല നിര്‍ദേശിച്ച എടപ്പാടി പളനിസ്വാമി മുഖ്യമന്ത്രി സ്ഥാനം നിലനിര്‍ത്തിയത്.
തങ്ങളെ വോട്ട് ചെയ്ത് വിജയിപ്പിച്ച് നിയമസഭയിലേക്കു അയച്ച ജനങ്ങളെ കാണാന്‍ ഇപ്പോള്‍ പളനിസ്വാമിക്കൊപ്പം കൂടിയ എംഎല്‍എമാര്‍ക്ക് ധൈര്യമുണ്ടോയെന്ന് പനീര്‍ശെല്‍വം വെല്ലുവിളിച്ചു.
രണ്ട് ആവശ്യങ്ങളാണ് വിശ്വാസ വോട്ടെടുപ്പിന് മുമ്പ് താന്‍ ഉന്നയിച്ചിരുന്നതെന്ന് പനീര്‍ശെല്‍വം മാധ്യമപ്രവര്‍ത്തകരോടു പറഞ്ഞു. ഒന്ന് കൂവത്തൂരിലെ റിസോര്‍ട്ടില്‍ താമസിച്ച എംഎല്‍എമാരെ ഒരാഴ്ചത്തേക്കു സ്വന്തം വീട്ടിലേക്കു അയക്കുക. തങ്ങള്‍ക്കു വോട്ട് ചെയ്ത ജനങ്ങളെ അവര്‍ക്കു കാണാനുള്ള അവസരം കൂടിയായിരുന്നു ഇത്. രണ്ടാമത്തേത് രഹസ്യ ബാലറ്റ് വേണമെന്നായിരുന്നു. ഇതു സ്പീക്കര്‍ നിരസിച്ചതായും അദ്ദേഹം വ്യക്തമാക്കി.
നേരത്തേ ജയലളിതയ്ക്ക് ഒട്ടും താല്‍പ്പര്യമില്ലാത്തവരാണ് ഇപ്പോള്‍ പാര്‍ട്ടിയുടെ പേരില്‍ തമിഴ്‌നാടിനെ ഭരിക്കാന്‍ പോവുന്നതെന്ന് പനീര്‍ശെല്‍വം ചൂണ്ടിക്കാട്ടി. ആവശ്യമുണ്ടെങ്കില്‍ ഗവര്‍ണറെ സമീപിക്കുമെന്നും അദ്ദേഹം പറഞ്ഞു.
പനീര്‍ശെല്‍വത്തിനൊപ്പം ചേര്‍ന്ന മുന്‍ വിദ്യാഭ്യാസ മന്ത്രി കെ പാണ്ഡ്യരാജനും പളനിസ്വാമിക്കെതിരേ വിമര്‍ശനമുന്നയിച്ചു. രഹസ്യ ബാലറ്റ് ഉണ്ടായിരുന്നെങ്കില്‍ പളനിസ്വാമി ജയിക്കില്ലായിരുന്നു. പോരാട്ടത്തില്‍ ഞങ്ങള്‍ തോറ്റെങ്കിലും യുദ്ധം തുടങ്ങിയിട്ടേയുള്ളൂവെന്നും അദ്ദേഹം പറഞ്ഞു.
വൈകീട്ട് മൂന്നു മണിക്കു നടന്ന വിശ്വാസവോട്ടെടുപ്പില്‍ വ്യക്തമായ മേല്‍ക്കൈയോടെയാണ് പളനിസ്വാമി മുഖ്യമന്ത്രി പദം ഉറപ്പാക്കിയത്. 122 എംഎല്‍എമാര്‍ പളനിസ്വാമിക്കു വോട്ട് ചെയ്തപ്പോള്‍ പനീര്‍ശെല്‍വത്തിനൊപ്പം നിന്നത് 11 പേര്‍ മാത്രമാണ്.
