പന്സാരയെ വധിച്ച സനാതന് സന്സ്ഥയ്ക്ക് ശിവസേനയുടെ പിന്തുണ
മുംബൈ: പ്രമുഖ യുക്തിവാദി ആയിരുന്ന ഗോവിന്ദ പന്സാരയെ വധിച്ച സനാതന് സന്സ്ഥയ്ക്ക് ശിവസേനയുടെ പിന്തുണ. അന്ധവിശ്വാസങ്ങള്ക്കെതിരെ നിരന്തരം പോരാടിയിരുന്ന ഗോവിന്ദ് പന്സാരയെ വെടിവച്ച് കൊല്ലുകയായിരുന്നു.
പന്സാരയെ വെടിവച്ച് കൊന്നതിന് പിന്നില് സനാതന് സന്സ്ഥയാണെന്ന് കണ്ടെത്തിയിട്ടുണ്ട്. സംഭവത്തില് സംഘടനയുടെ പ്രവര്ത്തകനായ സമീര് ഗെയ്ക്ക് വാദിനെ അറസ്റ്റ് ചെയ്യുകയും ചെയ്തു.
ശിവസേനയുടെ മുഖപത്രമായ സാമ്നയില് ആണ് ഗോവിന്ദ് പന്സാരയെ വിമര്ശിച്ചും സനാതന് സന്സ്ഥയെ പ്രശംസിച്ചും മുഖപ്രസംഗം പ്രസിദ്ധീകരിച്ചിരിയ്ക്കുന്നത്. പന്സാരയെ മതവിരുദ്ധന് എന്നാണ് സാമ്ന വിശേഷിപ്പിയ്ക്കുന്നത്.
സമീര് ഗെയ്ക്ക് വാദിനെ അറസ്റ്റ് ചെയ്ത സംഭവത്തേയും സനാതന് സന്സ്ഥാന് നിരോധിയ്ക്കണം എന്ന ആവശ്യത്തേയും രൂക്ഷമായി പരിഹസിയ്ക്കുകയും ചെയ്യുന്നുണ്ട് ശിവസേന. അതോടൊപ്പം തന്നെ പന്സാരയെ വധിച്ചതില് ദു:ഖം രേഖപ്പെടുത്തുന്നും ഉണ്ട്. പ്രായമായ ഒരാള് മഹാരാഷ്ട്രയില് കൊല്ലപ്പെട്ടതില് ആണ് ശിവസേനയ്ക്ക് ദു:ഖം.
സനാതന് സന്സ്ഥയാണ് ഗോവിന്ദ് പന്സാരെയുടേയും ധബോല്ക്കറുടേയും കൊലപാതകത്തിന് പിന്നില് ഹിന്ദു സംഘടനകഴാണ് എന്ന രീതിയിലാണ് അന്വേഷണം പുരോഗമിയ്ക്കുന്നത്. ഇത് യഥാര്ത്ഥ പ്രതികളെ രക്ഷപ്പെടാന് സഹായിക്കുമെന്ന് സാമ്ന ആരോപിയ്ക്കുന്നു.