Click it and Unblock the Notifications
Just In
Don't Miss
-
സ്വർണവില കേട്ട് തലകറങ്ങരുത്, ഉടൻ തന്നെ പവന്റെ വില 60,000 കടക്കും, ഇന്നത്തെ നിരക്കറിയാം -
T20 World Cup 2024: ആരേയും ഭയമില്ല, അടിച്ചുതകര്ക്കും; അഷുതോഷ് ടി20 ലോകകപ്പ് ടീമില് വേണോ? -
ആ തെറ്റിദ്ധാരണ മൂലം അവസരങ്ങള് വരാതായി, കാസ്റ്റ് ചെയ്യണമെന്ന് ആഗ്രഹിച്ചവര് പോലും വരാതായി: അനന്യ -
കാത്തിരുന്നൊരു കാമുകിയെ കിട്ടിയോ; കൈവിട്ടു പോകാതിരിക്കാന് ശ്രദ്ധിക്കേണ്ട 8 കാര്യം -
അവധി ഇത്തവണ ഹൗറയിൽ... ബെംഗളുരുവിൽ നിന്ന് കൊൽക്കത്തയുടെ ഇരട്ട നഗരത്തിലേക്ക് പോകാം, സ്പെഷ്യൽ ട്രെയിൻ -
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി
സ്‌കൂളുകളില്‍ ഫീസിനത്തില്‍ തീവെട്ടിക്കൊള്ള!കീശ കാലിയായ രക്ഷിതാക്കള്‍ സ്വന്തം സ്കൂള് തുറന്നു....
ഫീസിനെ സംബന്ധിച്ച് രക്ഷിതാക്കളുമായി ആലോചിച്ച ശേഷമേ തീരുമാനമെടുക്കൂ.
ബെംഗളൂരു: സ്വകാര്യ സ്‌കൂളുകളിലെ അന്യായമായ ഫീസ് വര്‍ദ്ധനവ് താങ്ങാനാകാത്ത രക്ഷിതാക്കള്‍ ചേര്‍ന്ന് സ്വന്തമായി സ്കൂള് തുടങ്ങി. ബെംഗളൂരു വൈറ്റ്ഫീല്‍ഡ് നിവാസികളായ ഏതാനുംപേര്‍ ചേര്‍ന്നാണ് സ്കൂള് ആരംഭിച്ചിരിക്കുന്നത്. നഗരത്തിലെ മറ്റ് സ്‌കൂളുകളിലെ അന്യായമായ ഫീസും നിലവാര തകര്‍ച്ചയുമാണ് രക്ഷിതാക്കളെ സ്വന്തം സ്കൂള് തുടങ്ങുന്നതിലേക്ക് നയിച്ചത്.
ഗുരുകുല്‍ എന്ന പേരില്‍ ചാരിറ്റബിള്‍ ട്രസ്റ്റ് രൂപീകരിച്ച്, അതിന് കീഴിലാണ് സ്കൂള് പ്രവര്‍ത്തിക്കുക. സ്‌കൂളുകളിലെ ഉയര്‍ന്ന ഫീസിനെക്കുറിച്ചുള്ള സോഷ്യല്‍ മീഡിയയിലെ ചര്‍ച്ചകളിലൂടെയാണ് പുതിയ സംരഭത്തിന്റെ തുടക്കമെന്ന് ട്രസ്റ്റ് സ്ഥാപകരിലൊരാളായ അഭിലാഷ് മട്‌ലപുടി പറഞ്ഞു. ഈ ചര്‍ച്ചകളില്‍ നിന്നാണ് രക്ഷിതാക്കളെല്ലാം ചേര്‍ന്ന് ഒരു സ്കൂള് ആരംഭിച്ചാലോ എന്ന ആശയം ഉടലെടുത്തത്.
വൈറ്റ്ഫീല്‍ഡിലും പരിസരത്തുമുള്ള രക്ഷിതാക്കളെ കൂടി സോഷ്യല്‍ മീഡിയ ഗ്രൂപ്പുകളില്‍ അംഗമാക്കുകയും, പദ്ധതിയെക്കുറിച്ച് അഭിപ്രായം തേടുകയും ചെയ്തു. എല്ലാവരില്‍ നിന്നും പിന്തുണ ലഭിച്ചതോടെയാണ് സ്കൂള് തുടങ്ങാനുള്ള പദ്ധതികളുമായി മുന്നോട്ട് പോയത്. ആദ്യഘട്ടമായി 14 പേര്‍ പതിനായിരം രൂപ വീതമാണ് സ്‌കൂളിന്റെ പ്രാരംഭ പ്രവര്‍ത്തനത്തിനായി നീക്കിവെച്ചത്.
ഈ അധ്യയന വര്‍ഷം മുതല്‍ തന്നെ അധ്യയനം ആരംഭിക്കാനാണ് ഗുരുകല്‍ ട്രസ്റ്റ് അംഗങ്ങളുടെ തീരുമാനം. ഫീസിനെ സംബന്ധിച്ച് രക്ഷിതാക്കളുമായി ആലോചിച്ച ശേഷമേ തീരുമാനമെടുക്കൂ. ലാഭയിനത്തില്‍ ലഭിക്കുന്ന തുക സ്‌കൂളിന്റെ ക്ഷേമപ്രവര്‍ത്തനങ്ങള്‍ക്കും അധ്യാപകരുടെ ശമ്പളത്തിനും ഉപയോഗിക്കാനാണ് തീരുമാനം. മറ്റു സന്നദ്ധ സംഘടനകളില്‍ നിന്നും സഹായം പ്രതീക്ഷിക്കുന്നതായും അറുപതോളം കുട്ടികളുമായി ഈ അധ്യയന വര്‍ഷം സ്കൂള് പ്രവര്‍ത്തനമാരംഭിക്കുമെന്നുമാണ് അഭിലാഷ് പറഞ്ഞത്.
