നവജാതശിശുവിന് അംഗവൈകല്യമെന്ന് പറഞ്ഞ് പിതാവ് തറയില് എറിഞ്ഞ് കൊന്നു
ഇന്ഡോര്: നവജാതശിശുവിന് അംഗവൈകല്യമെന്ന് പറഞ്ഞ് പിതാവ് തറയില് എറിഞ്ഞു കൊന്നു. കുഞ്ഞിന്റെ മൃതദേഹം റോഡറികില് ഉപേക്ഷിച്ച് കടന്നുകളഞ്ഞ ദമ്പതികളെ പോലീസ് ചൊവ്വാഴ്ച അറസ്റ്റ് ചെയ്തു.
ജനനത്തില് കുഞ്ഞിന് ഒരു ചെവിക്കുട മാത്രമേ ഉണ്ടായിരുന്നുള്ളൂ. ഇത് അംഗവൈകല്യമാണെന്ന് പറഞ്ഞ് ദമ്പതിമാര് തമ്മില് തര്ക്കം നടന്നിരുന്നു. മദ്യ ലഹരിയില് ആയിരുന്ന യുവാവ് കുഞ്ഞിന് എടുത്ത് തറയില് എറയുകയായിരുന്നു.
വീഴ്ചയുടെ ആഘാതത്തില് കുഞ്ഞിന്റെ തല ചുമരില് ഇടിച്ച് തത്സമയം മരിച്ചു. കൊലപാതകം മറച്ച് വെയ്ക്കാന് കുട്ടിയുടെ മൃതദേഹം മുംതാസ് സര്വ്വീസ് റോഡില് ഉപേക്ഷിച്ചു. പിന്നീട് ഇവര് താമസം മാറി പോലുകയായിരുന്നു. മൃതദേഹം കണ്ടെടുത്ത പോലീസ് പരാതി രജിസ്റ്റര് ചെയ്ത് അന്വേഷണം ആരംഭിച്ചു.
പോലീസ് നടത്തിയ അന്വേഷണത്തില് മൃതദേഹം കണ്ടെടുത്ത സ്ഥലത്തിന് അടുത്തായി ദമ്പതികള് താമസിച്ചിരുന്നതായും പെണ്കുട്ടിയുടെ ജനനത്തിന് ശേഷം ഇവര് സ്ഥലം മാറി പോയതായും സമീപവാസികള് പറഞ്ഞു. തുടര്ന്ന് നടത്തിയ ചോദ്യം ചെയ്യല്ലില് ദമ്പതികള് കുറ്റം സമ്മതിക്കുകയായിരുന്നു.