Parliament special session LIVE:ചരിത്രം, രാജ്യസഭയും കടന്ന് വനിതാ സംവരണ ബിൽ

Updated: Thursday, September 21, 2023, 22:22 [IST]

Sep 21, 2023, 10:21 pm IST

വനിതാ സംവരണ ബില്‍ രാജ്യസഭയില്‍ പാസായി. 215 എംപിമാര്‍ ബില്ലിനെ അനുകൂലിച്ച് വോട്ട് ചെയ്തു

Sep 21, 2023, 10:04 pm IST

വനിതാ സംവരണ ബില്ലില്‍ രാജ്യസഭയില്‍ വോട്ടെടുപ്പ്‌.

Sep 21, 2023, 9:52 pm IST

വനിതാ ബില്ലിനുള്ള പിന്തുണയില്‍ എല്ലാവര്‍ക്കും നന്ദി പറഞ്ഞ് പ്രധാനമന്ത്രി നരേന്ദ്ര മോദി. എല്ലാ രാഷ്ട്രീയ പാര്‍ട്ടികളും അതില്‍ സംഭാവന നല്‍കിയിട്ടുണ്ടെന്നും മോദി

Sep 21, 2023, 9:51 pm IST

വനിതാ ബില്ലിനെ പൂര്‍ണ മനസ്സാലേ പിന്തുണയ്ക്കുന്നു. പക്ഷേ തെരഞ്ഞെടുപ്പ് വാഗ്ദാനമായി അതിനെ മാറ്റാതിരിക്കണമെന്നാണ് ആഗ്രഹമെന്നും കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ

Sep 21, 2023, 8:34 pm IST

മുമ്പ് പലതവണ വനിതാ സംവരണ ബില്‍ പാസാക്കാന്‍ ശ്രമിച്ചിരുന്നു. എന്നാല്‍ അതെല്ലാം പരാജയപ്പെട്ടു. ബില്ലിന്റെ കാലാവധി പോലും പൂര്‍ത്തിയായത് കൊണ്ട് നിയമമാകാതെ പോയിട്ടുണ്ട്. അത്തരം കാര്യങ്ങള്‍ ഇനിയുണ്ടാവില്ലെന്നും ധനമന്ത്രി

Sep 21, 2023, 8:07 pm IST

ധനമന്ത്രി രാജ്യസഭയെ അഭിസംബോധന ചെയ്യുന്നു. വനിതാ സംവരണ ബില്‍ ചരിത്രപരമെന്ന് നിര്‍മല സീതാരാമന്‍.

Sep 21, 2023, 7:49 pm IST

ഒബിസി ക്വാട്ടയില്‍ ഭേദഗതി ആവശ്യപ്പെട്ട് കോണ്‍ഗ്രസ് എംപിമാര്‍. വനിതാ സംവരണ ബില്‍ വേഗത്തില്‍ നടപ്പാക്കണമെന്നും കോണ്‍ഗ്രസ് എംപിമാര്‍.

Sep 21, 2023, 6:19 pm IST

വനിതാ സംവരണ ബില്ലിനെ ആരും വിമർശിക്കരുത്, എല്ലാവരും പിന്തുണയ്ക്കണമെന്നും കേന്ദ്രമന്ത്രി കിരണ്‍ കിരൺ റിജിജു.

Sep 21, 2023, 3:48 pm IST

ലോക്‌സഭയില്‍ ഭരണഘടന (നൂറ്റി ഇരുപത്തിയെട്ടാം ഭേദഗതി) ബില്‍ 2023നെ പിന്തുണച്ചതിനും അര്‍ത്ഥവത്തായ സംവാദത്തിനും എല്ലാ അംഗങ്ങള്‍ക്കും പാര്‍ട്ടികള്‍ക്കും അവരുടെ നേതാക്കള്‍ക്കും നന്ദി രേഖപ്പെടുത്തി പ്രധാനമന്ത്രി

Sep 21, 2023, 3:26 pm IST

ഇന്ത്യ-കാനഡ തർക്കം രമ്യമായി പരിഹരിക്കണമെന്ന് അകാലി ദള്‍

Sep 21, 2023, 3:00 pm IST

“ഞങ്ങൾ വനിതാ സംവരണ ബില്ലിനെ ശക്തമായി പിന്തുണയ്ക്കുന്നു, അത് ഉടൻ തന്നെ (രാജ്യസഭയിൽ) പാസാക്കുമെന്ന് ഞാൻ പ്രതീക്ഷിക്കുന്നു,” ഒഡീഷ മുഖ്യമന്ത്രി നവീന്‍ പട്നായിക്ക്

Sep 21, 2023, 1:35 pm IST

മുൻ പ്രധാനമന്ത്രി എച്ച്‌ഡി ദേവഗൗഡ രാജ്യസഭയിൽ വനിതാ സംവരണ ബില്ലിനെക്കുറിച്ച് സംസാരിക്കുന്നു

VIDEO | Former PM HD Deve Gowda speaks on Women's Reservation Bill in Rajya Sabha. pic.twitter.com/1j5NgJo5q4
— Press Trust of India (@PTI_News) September 21, 2023

Sep 21, 2023, 1:18 pm IST

"ചന്ദ്രയാൻ ഒരു പ്രത്യേക വ്യക്തിയുടെ പ്രയത്നത്തിന്റെ ഫലമല്ല. രാജ്യത്തുടനീളമുള്ള നൂറുകണക്കിന് ശാസ്ത്രജ്ഞർ നടത്തിയ 50 വർഷത്തെ ശാസ്ത്രീയ പ്രവർത്തനത്തിന്റെ ഫലമാണിത്," ടിഎംസി എംപി സൗഗത റോയ്

Sep 21, 2023, 12:22 pm IST

ചന്ദ്രയാന്‍ ദൌത്യത്തെ പ്രകീർത്തിച്ച് ശശി തരൂർ

VIDEO | "On August 23, we scripted history as our unmanned Moon mission's lander module made a flawless soft landing making us only the fourth country to achieve this feat and first to reach the uncharted South pole of Earth's only natural satellite, the Moon," says Congress MP… pic.twitter.com/OYGLnwgv4O
— Press Trust of India (@PTI_News) September 21, 2023

Sep 21, 2023, 12:06 pm IST

രാജ്യസഭയിലും വനിതാ സംവരണ ബില്‍ ഏകകണ്ഠമായി പാസാക്കുമെന്ന് പ്രതീക്ഷിക്കുന്നുവെന്ന് ജെപി നദ്ദ

Sep 21, 2023, 11:32 am IST

നിയമമന്ത്രി സംസാരിക്കുന്നു

VIDEO | "The Women's Reservation Bill, we propose an Amendment in Article 330, insertion of a section Article 332 and and insertion of a section in Article 334. This reservation is both horizontal and vertical," says Union Law Minister @arjunrammeghwal after tabling the 'Nari… pic.twitter.com/VrAPhCVik5
— Press Trust of India (@PTI_News) September 21, 2023

Sep 21, 2023, 11:32 am IST

"വനിതാ സംവരണ ബില്ലിൽ, ഞങ്ങൾ ആർട്ടിക്കിൾ 330-ൽ ഒരു ഭേദഗതി നിർദ്ദേശിക്കുന്നു. ആർട്ടിക്കിൾ 332-ന്റെ ഒരു വകുപ്പും ആർട്ടിക്കിൾ 334-ൽ ഒരു വകുപ്പ് ചേർക്കലും." കേന്ദ്ര നിയമമന്ത്രി പറയുന്നു.

Sep 21, 2023, 11:30 am IST

രാജ്യസഭയില്‍ വനിതാ സംവരണബില്ലില്‍ ചർച്ച ആരംഭിച്ചു

Sep 21, 2023, 11:20 am IST

വനിത സംവരണ ബില്ലിനെക്കുറിച്ച് സർക്കാരിന് വ്യക്തമായ ധാരണയില്ലെന്ന് ആർജെഡി എംപി മനോജ് ഝാ

Sep 21, 2023, 11:13 am IST

പ്രധാനമന്ത്രി നരേന്ദ്ര മോദി സംസാരിക്കുന്നു

#WATCH | Women's Reservation Bill | Prime Minister Narendra Modi says, "Yesterday was a golden moment of India's Parliamentary journey. All the members of this House deserve that golden moment...Yesterday's decision and today when we cross the last mile after Rajya Sabha (passing… pic.twitter.com/s6mRNxPB2G
— ANI (@ANI) September 21, 2023

Sep 21, 2023, 11:12 am IST

ഇന്നലെ ഇന്ത്യയുടെ പാർലമെന്ററി യാത്രയുടെ സുവർണ നിമിഷമായിരുന്നുവെന്ന് പ്രധാനമന്ത്രി നരേന്ദ്ര മോദി

Sep 21, 2023, 10:10 am IST

മറ്റ് സുപ്രധാനമായ ചില ബില്ലുകളും ഇന്ന് ലോക്സഭയില്‍ എത്തിയേക്കും

Sep 21, 2023, 9:11 am IST

കേന്ദ്ര ധനമന്ത്രി നിർമല സീതാരാമനും ബിജെപി അധ്യക്ഷൻ ജെപി നദ്ദയും ഉൾപ്പെടെയുള്ള നേതാക്കൾ രാജ്യസഭയിൽ വനിതാ സംവരണ ബില്ലിനെ കുറിച്ച് ചർച്ച ചെയ്യും

Sep 21, 2023, 8:28 am IST

കഴിഞ്ഞ ദിവസം ലോക്സഭ പാസാക്കിയ വനിത സംവരണ ബില്ല് ഇന്ന് രാജ്യസഭ ചർച്ച ചെയ്യും

Sep 21, 2023, 8:26 am IST

ചന്ദ്രയാൻ-3 ദൗത്യത്തിന്റെ നേട്ടങ്ങളെ കുറിച്ച് ലോക്‌സഭ ഇന്ന് ചർച്ച നടത്തും.

Sep 20, 2023, 9:03 pm IST

പാർലമെന്റ് പ്രത്യേക സമ്മേളനം; സെൻസസും മണ്ഡലപുനഃർനിർണയവും നടത്തുമെന്ന് അമിത് ഷാ

വനിതാ സംവരണം ബിൽ നടപ്പാക്കാൻ 2024 ലെ ലോക്സഭ തിരഞ്ഞെടുപ്പിന് ശേഷം സെൻസസും മണ്ഡലപുനഃർനിർണയവും നടത്തുമെന്ന് കേന്ദ്ര ആഭ്യന്തര മന്ത്രി അമിത് ഷാ. ബിൽ പ്രധാനമന്ത്രി നരേന്ദ്ര മോദിയുടെ ഇച്ഛാശക്തിയുടെ തെളിവാണെന്നും കേന്ദ്ര ആഭ്യന്തര മന്ത്രി അമിത് ഷാ പറഞ്ഞു.

Sep 20, 2023, 7:37 pm IST

പ്രത്യേക പാർലമെന്റ് സമ്മേളനം; വനിത സംവരണ ബിൽ ലോക്സഭയിൽ പാസായി

വനിതാ സംവരണ ബില്ല് ലോക്‌സഭയില്‍ പാസായി.454 എംപിമാര്‍ ബില്ലിനെ അനുകൂലിച്ചു വോട്ട് ചെയ്തു.ബില്ല് നാളെ രാജ്യസഭയില്‍ അവതരിപ്പിക്കും

Sep 20, 2023, 7:31 pm IST

പാർലമെന്റ് പ്രത്യേക സമ്മേളനം; വനിതാ ബില്ലിൽ വോട്ടെടുപ്പ്

വനിതാ ബില്ലിൽ ലോക്സഭയിൽ വോട്ടെടുപ്പ്.ഭരണഘടനാ ഭേദഗതിയിലാണ് വോട്ടെടുപ്പ്

Sep 20, 2023, 4:27 pm IST

മണ്ഡല പുനർനിർണായ നീക്കത്തിൽ ആശങ്കയുണ്ടെന്ന് തമിഴ്നാട് മുഖ്യമന്ത്രി എം കെ സ്റ്റാലിൻ. തെക്കേ ഇന്ത്യയുടെ പ്രാധിനിത്യം വെട്ടി കുറയ്ക്കാനുള്ള ശ്രമമാണോയെന്ന് സംശയമുണ്ട്. ഇതു മുളയിലേ നുള്ളണമെന്നും സ്റ്റാലിന്‍

Sep 20, 2023, 4:26 pm IST

എഎപി പ്രതികരണം

വനിതാസംവരണ ബില്ല് വനിതകളെ വിഡ്ഢികളാക്കുന്ന ബില്ലാണെന്ന് എഎപി നേതാവ് സഞ്ജയ് സിംഗ്

8:57 AM, 18 Sep

ഒരു രാജ്യം ഒരു തിരഞ്ഞെടുപ്പ്, രാജ്യത്തിന്റെ പേര് മാറ്റല്‍ തുടങ്ങിയ വിവാദ വിഷയങ്ങളുടെ പശ്ചാത്തലത്തിലാണ് പ്രത്യേക സമ്മേളനം ചേരുന്നത്

8:58 AM, 18 Sep

ഇന്ന് പാര്‍ലമെന്റിന്റെ 75 വര്‍ഷത്തെ പ്രയാണം ലോക്‌സഭയിലും രാജ്യസഭയിലും ചര്‍ച്ച ചെയ്യും.

8:58 AM, 18 Sep

പാർലമെന്റ് പ്രത്യേക സമ്മേളനം: പ്രധാനമന്ത്രി സംസാരിക്കും

ലോക്‌സഭയെ പ്രധാനമന്ത്രി നരേന്ദ്ര മോദി അഭിസംബോധന ചെയ്ത് സംസാരിക്കും. രാജ്യസഭയിലെ ചര്‍ച്ച ആരംഭിക്കുന്നത് കേന്ദ്രമന്ത്രി പിയൂഷ് ഗോയല്‍.

8:59 AM, 18 Sep

പാർലമെന്റ് പ്രത്യേക സമ്മേളനം: പുതിയ കെട്ടിടത്തിലേക്ക്‌

നാളെ മുതല്‍ സഭാ നടപടികള്‍ പുതിയ മന്ദിരത്തില്‍. സെന്‍ട്രല്‍ ഹാളില്‍ സംയുക്ത യോഗം ചേര്‍ന്നാണ് പുതിയ കെട്ടിടത്തിലേക്ക് മാറുക. അംഗങ്ങളുടെ ഫോട്ടോ സെഷനും നാളെ നടക്കും

9:38 AM, 18 Sep

പാര്‍ലമെന്റ് പ്രത്യേക സമ്മേളനം: ചര്‍ച്ചയാകുക ഈ വിഷയങ്ങള്‍

അഭിഭാഷക ഭേദഗതി നിയമവും പോസ്റ്റ് ഓഫീസ് ബില്ലും ഉള്‍പ്പെടെ എട്ട് ബില്ലുകള്‍ സമ്മേളനത്തില്‍ അവതരിപ്പിച്ചേക്കും. ചൈനയുടെ കടന്നുകയറ്റം, അദാനി വിഷയം, വിലക്കയറ്റം, മണിപ്പൂര്‍ കലാപം എന്നിവ ചര്‍ച്ച ചെയ്യണമെന്ന് പ്രതിപക്ഷം

10:02 AM, 18 Sep

പാര്‍ലമെന്റ് പ്രത്യേക സമ്മേളനം: 11 മണിക്ക് മോദി അഭിസംബോധന ചെയ്യും

പാര്‍ലമെന്റിന്റെ പ്രത്യേക സമ്മേളനത്തിന്റെ ആദ്യ ദിവസമായ ഇന്ന് രാവിലെ 11 മണിക്ക് പ്രധാനമന്ത്രി നരേന്ദ്ര മോദി ലോക്സഭയില്‍ സംസാരിക്കും.

10:28 AM, 18 Sep

പാര്‍ലമെന്റ് പ്രത്യേക സമ്മേളനം: ആശങ്കയുണ്ടെന്ന് കോണ്‍ഗ്രസ്

പാര്‍ലമെന്റിന്റെ പ്രത്യേക സമ്മേളനത്തിലെ അജണ്ടയില്‍ ആശങ്കയുണ്ടെന്ന് കോണ്‍ഗ്രസ് എംപി അധീര്‍ രഞ്ജന്‍ ചൗധരി. എന്തുകൊണ്ടാണ് ഈ പ്രത്യേക സമ്മേളനത്തില്‍ ഇത്രയധികം ബില്ലുകള്‍ പാസാക്കാന്‍ സര്‍ക്കാര്‍ തീരുമാനിച്ചതെന്ന് അവര്‍ വ്യക്തമാക്കണം. സര്‍ക്കാരിന്റെ യഥാര്‍ത്ഥ ഉദ്ദേശ്യത്തെക്കുറിച്ച് തങ്ങള്‍ ആശങ്കാകുലരാണ്.

10:31 AM, 18 Sep

പാര്‍ലമെന്റ് പ്രത്യേക സമ്മേളനം: ഗ്ലോബല്‍ സൗത്തിന്റെ ശബ്ദമായി ഇന്ത്യ മാറിയെന്ന് മോദി

ജി 20 ഉച്ചകോടി വലിയ വിജയമെന്ന് പ്രധാനമന്ത്രി നരേന്ദ്ര മോദി. പ്രത്യേക പാര്‍ലമെന്റ് സമ്മേളനത്തിന് മുന്‍പ് മാധ്യമങ്ങളെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം. ഗ്ലോബല്‍ സൗത്തിന്റെ ശബ്ദമായി ഇന്ത്യ മാറിയെന്നും മോദി. ശാസ്ത്രരംഗത്ത് രാജ്യം അഭിമാനകരമായ നേട്ടങ്ങള്‍ കൈവരിച്ചു

10:59 AM, 18 Sep

പാര്‍ലമെന്റിന്റെ പ്രത്യേക സമ്മേളനം: പങ്കെടുക്കുമെന്ന് ഇന്ത്യാ സഖ്യം

പാര്‍ലമെന്റിന്റെ പ്രത്യേക സമ്മേളനത്തില്‍ പങ്കെടുക്കുമെന്ന് പ്രതിപക്ഷ സഖ്യമായ ഇന്ത്യ. ജനങ്ങളുടെ പ്രശ്‌നങ്ങള്‍ ഉന്നയിക്കാനും തീരുമാനം

11:03 AM, 18 Sep

പാര്‍ലമെന്റിന്റെ പ്രത്യേക സമ്മേളനം: നടപടികള്‍ ആരംഭിച്ചു

പാര്‍ലമെന്റിന്റെ പ്രത്യേക സമ്മേളനത്തില്‍ നടപടിക്രമങ്ങള്‍ ആരംഭിച്ചു. നിയമനിര്‍മാണ സഭയുടെ 75 വര്‍ഷത്തെ യാത്ര ചര്‍ച്ചയാകും

11:05 AM, 18 Sep

പാര്‍ലമെന്റിന്റെ പ്രത്യേക സമ്മേളനം: ലോക്‌സഭയില്‍ ബഹളം

പാര്‍ലമെന്റിന്റെ പ്രത്യേക സമ്മേളനത്തിന്റെ തുടക്കത്തില്‍ തന്നെ പ്രതിപക്ഷ ബഹളം. ലോക്‌സഭയില്‍ ആണ് പ്രതിപക്ഷം ബഹളം വെക്കുന്നത്.

11:27 AM, 18 Sep

പാര്‍ലമെന്റ് പ്രത്യേക സമ്മേളനം: മോദി സംസാരിക്കുന്നു

നിരവധി ചരിത്രസംഭവങ്ങള്‍ക്ക് പഴയ പാര്‍ലമെന്റ് മന്ദിരം വേദിയായി. പുതിയ തലമുറക്കുള്ള ചരിത്ര പഠന മന്ദിരമാകും പഴയ പാര്‍ലമെന്റ് കെട്ടിടമെന്നും മോദി.

11:50 AM, 18 Sep

പാര്‍ലമെന്റ് പ്രത്യേക സമ്മേളനം: 'ജി20 ഉച്ചകോടി വിജയം'

ദല്‍ഹിയില്‍ നടന്ന ജി 20 ഉച്ചകോടി വിജയമെന്ന് ലോക്‌സഭാ സ്പീക്കര്‍ ഓം ബിര്‍ള. സംയുക്ത പ്രമേയത്തിന് അംഗീകാരം ലഭിച്ചത് മോദിയുടെ കാഴ്ചപ്പാടിന്റെ വിജയമെന്നും സ്പീക്കര്‍

12:10 PM, 18 Sep

പാര്‍ലമെന്റ് പ്രത്യേക സമ്മേളനം: 'ഇന്ത്യക്കാരുടെ വിയര്‍പ്പും അധ്വാനവും'

നമ്മുടെ നാട്ടുകാരുടെ വിയര്‍പ്പും അധ്വാനവും പണവും കൊണ്ടാണ് ഈ പഴയ പാര്‍ലമെന്റ് മന്ദിരം നിര്‍മ്മിച്ചത് എന്ന് പ്രധാനമന്ത്രി. സ്വാതന്ത്ര്യത്തിന് മുമ്പ് ഈ പാര്‍ലമെന്റ് സാമ്രാജ്യത്വ നിയമനിര്‍മ്മാണ സമിതിയുടെ സ്ഥലമായിരുന്നു. സ്വാതന്ത്ര്യാനന്തരം അതിന് സന്‍സദ് ഭവന്‍ എന്ന പദവി ലഭിച്ചു. കെട്ടിടം പണിയാനുള്ള തീരുമാനം വിദേശികളുടേതായിരുന്നെങ്കിലും അതിനൊഴുക്കിയ വിയര്‍പ്പ് ഇന്ത്യാക്കാരന്റേതാണെന്നും മോദി

12:38 PM, 18 Sep

പാര്‍ലമെന്റ് പ്രത്യേക സമ്മേളനം: രാജ്യസഭയിലും ജി20 ഉച്ചകോടി

ജി20 ഉച്ചകോടി വിജയത്തെ അഭിനന്ദിച്ച് രാജ്യസഭാ ചെയര്‍മാനും വൈസ് പ്രസിഡന്റുമായ ജഗ്ദീപ് ധന്‍ഖര്‍. ഭിന്നതകള്‍ നിറഞ്ഞ ലോകത്ത് സമാധാനത്തിന്റെയും മിതത്വത്തിന്റെയും ശബ്ദമാണ് ഇന്ത്യയെന്ന തിരിച്ചറിവ് നല്‍കാന്‍ ഉച്ചകോടിക്കായെന്ന് ധന്‍ഖര്‍

12:59 PM, 18 Sep

പാര്‍ലമെന്റ് പ്രത്യേക സമ്മേളനം: നെഹ്‌റുവിനെ പറഞ്ഞ് മോദിയെ കൊട്ടി അധീര്‍ രഞ്ജന്‍ ചൗധരി

പഴയ പാര്‍ലമെന്റ് മന്ദിരത്തിലെ അവസാന ദിനം തീര്‍ത്തും വൈകാരിക നിമിഷമാണ് എന്ന് കോണ്‍ഗ്രസ് എംപി അധീര്‍ രഞ്ജന്‍ ചൗധരി. പാര്‍ലമെന്ററി ജനാധിപത്യം നിരവധി ഗുണങ്ങള്‍ ആവശ്യപ്പെടുന്നു. അതിന് കഴിവും ജോലിയോടുള്ള അര്‍പ്പണബോധവും സ്വയം അച്ചടക്കവും ആവശ്യമാണെന്ന് പണ്ഡിറ്റ് നെഹ്റു പറഞ്ഞിട്ടുണ്ട്. അദ്ദേഹം പാര്‍ലമെന്റില്‍ വന്‍ ഭൂരിപക്ഷത്തില്‍ എത്തിയപ്പോഴും പ്രതിപക്ഷത്തിന്റെ ശബ്ദം കേള്‍ക്കുന്നതില്‍ മടുപ്പ് കാണിച്ചിട്ടില്ലെന്നും അധീര്‍ രഞ്ജന്‍ ചൗധരി.

1:50 PM, 18 Sep

പാര്‍ലമെന്റ് പ്രത്യേക സമ്മേളനം: മോദിയ്‌ക്കെതിരെ ഖാര്‍ഗെ

'അടല്‍ ബിഹാരി വാജ്പേയി തന്റെ ഭരണകാലത്ത് 21 തവണ പാര്‍ലമെന്റിനെ അഭിസംബോധന ചെയ്തു. മന്‍മോഹന്‍ സിംഗ് പാര്‍ലമെന്റില്‍ 30 തവണയും. എന്നാല്‍ നരേന്ദ്ര മോദി പതിവ് പ്രസ്താവനകള്‍ കൂടാതെ രണ്ട് പ്രസ്താവനകള്‍ മാത്രമാണ് നടത്തിയത്. ഇതാണോ ജനാധിപത്യം?', മല്ലികാര്‍ജുന്‍ ഖാര്‍ഗെ

2:05 PM, 18 Sep

പാര്‍ലമെന്റ് പ്രത്യേക സമ്മേളനം: 'മോദി സര്‍ക്കാര്‍ പ്രതിപക്ഷത്തെ വേട്ടയാടുന്നു'

ശക്തമായ പ്രതിപക്ഷത്തിന്റെ അഭാവം വ്യവസ്ഥയിലെ പോരായ്മയാണ് എന്ന് നെഹ്‌റു വിശ്വസിച്ചിരുന്നു എന്ന് മല്ലികാര്‍ജ്ജുന്‍ ഖാര്‍ഗെ. എന്നാല്‍ ഇപ്പോള്‍ ഇഡി വഴി പ്രതിപക്ഷത്തെ ഇല്ലാതാക്കാനാണ് ശ്രമിക്കുന്നത് എന്നും ഖാര്‍ഗെ

2:39 PM, 18 Sep

പാര്‍ലമെന്റ് പ്രത്യേക സമ്മേളനം: ഇന്ത്യയെ അഴിമതിരഹിത രാഷ്ട്രമാക്കണമെന്ന് ഗോയല്‍

ഇന്ത്യയെ അഴിമതിരഹിതവും വികസിതവുമായ രാജ്യമാക്കാന്‍ ആഹ്വാനം ചെയ്ത് സഭാ നേതാവും കേന്ദ്രമന്ത്രിയുമായ പിയൂഷ് ഗോയല്‍.

3:10 PM, 18 Sep

പ്രത്യേക പാര്‍ലമെന്റ് സമ്മേളനം: കേന്ദ്രമന്ത്രിസഭാ യോഗം ഇന്ന്?

പാര്‍ലമെന്റ് സമ്മേളനത്തിന് ശേഷം കേന്ദ്രമന്ത്രിസഭാ യോഗം ചേരുമെന്ന് റിപ്പോര്‍ട്ട്. വനിതാ സംവരണ ബില്‍ ഈ സമ്മേളനത്തിന് കൊണ്ടുവരും എന്ന ഊഹാപോഹങ്ങള്‍ക്ക് ഇത് ശക്തി പകര്‍ന്നു

3:41 PM, 18 Sep

പാര്‍ലമെന്റ് പ്രത്യേക സമ്മേളനം: ജെയ്റ്റ്‌ലിയേയും സുഷമയേയും അനുസ്മരിച്ച് സുപ്രിയ

ഭരണം തുടര്‍ച്ചയാണെന്ന് പറഞ്ഞ പ്രധാനമന്ത്രിയെ അഭിനന്ദിക്കുന്നെന്ന് എന്‍സിപി എംപി സുപ്രിയ സുലെ. ഈ രാജ്യം കെട്ടിപ്പടുക്കാന്‍ കഴിഞ്ഞ 7 പതിറ്റാണ്ടുകളായി വിവിധ ആളുകള്‍ സംഭാവന ചെയ്തിട്ടുണ്ട്. നിങ്ങള്‍ അതിനെ ഇന്ത്യയെന്നോ ഭാരതമെന്നോ വിളിച്ചാലും, ഇത് നിങ്ങളുടെ സ്വന്തം രാജ്യമാണ്. ഇന്ന് ബിജെപി പരാമര്‍ശിക്കാത്ത, പാര്‍ലമെന്ററി പ്രവര്‍ത്തനങ്ങളില്‍ എന്നെ വളരെയധികം സ്വാധീനിച്ച, രണ്ട് ബിജെപി നേതാക്കളെ അടയാളപ്പെടുത്താന്‍ ഞാന്‍ ആഗ്രഹിക്കുന്നു, സുഷമ സ്വരാജും അരുണ്‍ ജെയ്റ്റ്ലിയും. അസാധാരണമായ പാര്‍ലമെന്റേറിയന്മാരായിരുന്നു രണ്ട് പേരും എന്നും സുപ്രിയ പറഞ്ഞു.

4:01 PM, 18 Sep

പാര്‍ലമെന്റ് പ്രത്യേക സമ്മേളനം: 'വനിതാ സംവരണ ബില്‍ പഴയ പാര്‍ലമെന്റില്‍ പാസാക്കണം'

ഒരു വിടവാങ്ങല്‍ എന്ന നിലയില്‍, വനിതാ സംവരണ ബില്‍ പാസാക്കിയതിന്റെ ബഹുമതി പഴയ പാര്‍ലമെന്റിന് നല്‍കണമെന്ന് ത്തരാഖണ്ഡ് മുന്‍ മുഖ്യമന്ത്രിയും മുതിര്‍ന്ന കോണ്‍ഗ്രസ് നേതാവുമായ ഹരീഷ് റാവത്ത്. സാധിക്കുമെങ്കില്‍ സംവരണത്തിന്റെ ശതമാനം വര്‍ധിപ്പിക്കണമെന്നും അദ്ദേഹം ആവശ്യപ്പെട്ടു.

4:19 PM, 18 Sep

'ജനാധിപത്യത്തിന്റെ യഥാർത്ഥ ചൈതന്യത്തിന്റെ പ്രതിഫലനം': തേജസ്വി സൂര്യ

"ഇന്നും നാളെയും രാജ്യത്തിന് ചരിത്രമാണ്... പാർലമെന്റിൽ എല്ലാവർക്കും തുല്യാവകാശമുണ്ട്. ഇത് നമ്മുടെ ജനാധിപത്യത്തിന്റെ യഥാർത്ഥ ചൈതന്യത്തിന്റെ പ്രതിഫലനമാണ്... നാളെ മുതൽ ഈ പുതിയ യാത്രയ്ക്ക് കൂടുതൽ ഊർജം ലഭിക്കും " ബി ജെ പി എംപി തേജസ്വി സൂര്യ

5:09 PM, 18 Sep

വനിതാ സംവരണ ബില്ലിനെ തങ്ങൾ അനുകൂലിക്കുന്നുവെന്ന് തൃണമൂൽ എംപി ശത്രുഘ്നൻ സിൻഹ. അതേസമയം വർഷകാല സമ്മേളനത്തിൽ അവതരിപ്പിക്കാമായിരുന്നിട്ടും പ്രത്യേക സമ്മേളനത്തിൽ ബിൽ അവതരിപ്പിക്കാനുള്ള നീക്കത്തെ സിൻഹ ചോദ്യം ചെയ്തു. പ്രത്യേക സമ്മേളനത്തിന്റെ അജണ്ട സർക്കാർ ഇപ്പോഴും നിശ്ചയിച്ചിട്ടില്ലെന്നും സിൻഹ പറഞ്ഞു.

5:24 PM, 18 Sep

പാർലമെന്റ് പ്രത്യേക സമ്മേളനം;വനിതാ സംവരണ ബിൽ മറ്റന്നാൾ? വനിതാ സംവരണ ബിൽ മറ്റന്നാൾ പാർലമെന്റിൽ അവതരിപ്പിച്ചേക്കുമെന്ന് സൂചന

6:16 PM, 18 Sep

രാജ്യസഭ വൈസ് ചെയർപേഴ്സൺ പാനൽ പുനഃസംഘടിപ്പിച്ചു. ഇനി മുതൽ 50 ശതമാനം സ്ത്രീ പ്രാതിനിധ്യം

8:00 PM, 18 Sep

പാർലമെന്റ് പ്രത്യേക സമ്മേളനം; കേന്ദ്രമന്ത്രിസഭ യോഗം തുടങ്ങി

നിർണായക കേന്ദ്രമന്ത്രി സഭ യോഗം തുടങ്ങി. സുപ്രധാന പ്രഖ്യാപനങ്ങളുണ്ടായേക്കുമെന്ന് സൂചന.

8:41 PM, 18 Sep

വൈകീട്ട് 6.30ന് ആരംഭിച്ച യോഗം പ്രധാനമന്ത്രിയുടെ അധ്യക്ഷതയില്‍ പാര്‍ലമെന്റ് അനെക്‌സ് മന്ദിരത്തില്‍ തുടരുകയാണ്

8:42 PM, 18 Sep

പാര്‍ലമെന്റ് സ്‌പെഷല്‍ സെഷനില്‍ പാസ്സാക്കേണ്ട നിര്‍ണായക ബില്ലുകളെ കുറിച്ച് മന്ത്രിസഭാ യോഗം ചർച്ച ചെയ്യുന്നുവെന്നാണ് റിപ്പോർട്ടുകള്‍ വ്യക്തമാക്കുന്നത്

8:43 PM, 18 Sep

മന്ത്രിസഭ യോഗത്തിന് മുന്നോടിയായി പ്രധാനമന്ത്രിയും ആഭ്യന്തര മന്ത്രി അമിത് ഷായും മന്ത്രിമാരെ കണ്ടിരുന്നു. ബിജെപി ദേശീയ അധ്യക്ഷന്‍ ജെപി നഡ്ഡയും ഇവരോടൊപ്പമുണ്ടായിരുന്നു.

ന്യൂദല്‍ഹി: പാര്‍ലമെന്റിന്റെ പ്രത്യേക സമ്മേളനത്തിന് ഇന്ന് തുടക്കം. അഞ്ച് ദിവസത്തെ സമ്മേളനമാണ് നടക്കാന്‍ പോകുന്നത്. ഒരു രാജ്യം ഒരു തിരഞ്ഞെടുപ്പ്, രാജ്യത്തിന്റെ പേര് മാറ്റല്‍ തുടങ്ങിയ വിവാദ വിഷയങ്ങളുടെ പശ്ചാത്തലത്തില്‍ നടക്കുന്ന പ്രത്യേക സമ്മേളനത്തെ ആകാംക്ഷയോടെയാണ് രാജ്യം ഉറ്റുനോക്കുന്നത്.