കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ആട്ട നൂഡില്‍സ് മാഗിയെ കടത്തിവെട്ടി ഒന്നാമതാകുമെന്ന് ബാബ രാംദേവ്

  • By Anwar Sadath
Google Oneindia Malayalam News

ഹരിദ്വാര്‍: ഇന്ത്യന്‍ നൂഡില്‍സ് വിപണിയില്‍ ഒന്നാംസ്ഥാനത്തുള്ള മാഗിയെ, പതഞ്ജലിയുടെ ആട്ട നൂഡില്‍സ് കടത്തിവെട്ടുമെന്ന് യോഗ ഗുരു രാംദേവ്. പതഞ്ജലിയുടെ മറ്റ് ഉതപന്നങ്ങളെല്ലാം ഇന്ത്യന്‍ വിപണിയില്‍ ഒന്നാമതാകുമെന്നും രാംദേവ് പത്രസമ്മേളനത്തില്‍ പറഞ്ഞു.

പതഞ്ജലി കുറഞ്ഞ വര്‍ഷത്തിനുള്ളില്‍ തന്നെ മാഗിയെ മറികടക്കും. 100 ടണ്‍ ആണ് ഇപ്പോള്‍ ഉത്പാദിപ്പിക്കുന്നത്. ഇത് 300-500 ടണ്‍ ആയി ഉടന്‍ ഉയര്‍ത്തും. വിപണിയില്‍ ആട്ട നൂഡില്‍സിനുള്ള ഡിമാന്റ് വര്‍ധിക്കുകയാണ്. യാതൊരുവിധ മായങ്ങളും ചേര്‍ക്കാത്തതാണ് പതഞ്ജലിയുടെ ആട്ട നൂഡില്‍സ് എന്നും രാംദേവ് പറഞ്ഞു.

ramdev

ഹിന്ദുസ്ഥാന്‍ ലിവര്‍ ഒഴിച്ച് മറ്റു കമ്പനികളെല്ലാം ഇന്ത്യയില്‍ നിന്നും ബിസിനസ് വഴി പണം വിദേശ രാജ്യത്തേക്ക് കടത്തുകയാണ്. അതികൊണ്ടുതന്നെ വിദേശ കമ്പനികളുടെ ഉത്പന്നങ്ങളെ മറികടക്കുകയാണ് പതഞ്ജലിയുടെ ലക്ഷ്യം. പതുക്കെയാണെങ്കിലും മാര്‍ക്കറ്റില്‍ പതഞ്ജലിയുടെ ഉതപന്നങ്ങള്‍ മുന്നേറുകയാണ്. ബഹുരാഷ്ട്ര കമ്പനികളെ അപേക്ഷിച്ച് പതഞ്ജലിയുടെ ഉത്പന്നങ്ങള്‍ വില താരതമ്യേന കുറവാണെന്നും രാംദേവ് ചൂണ്ടിക്കാട്ടി.

അടുത്ത അഞ്ച്, ഏഴ് വര്‍ഷത്തിനുള്ളില്‍ പതഞ്ജലിലുടെ ലാഭം 5,000 കോടിയില്‍ നിന്നും 10,000 കോടി രൂപയായി ഉയരും. വിപണിയില്‍ നിന്നും ലഭിക്കുന്ന ലാഭം മുഴുവന്‍ ചാരിറ്റി പ്രവര്‍ത്തനത്തിനായാണ് പതഞ്ജലി ചെലവഴിക്കുന്നതെന്നും രാംദേവ് പറയുന്നു. കള്ളപ്പണത്തിനെതിരായ കാമ്പയില്‍ തുടര്‍ന്നും നടത്തുമെന്നും അദ്ദേഹം കൂട്ടിച്ചേര്‍ത്തു.

English summary
Ramdev Patanjali’s noodles, Patanjali’s noodles will soon oust Maggi as top brand
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X