Click it and Unblock the Notifications
Just In
Don't Miss
-
കുതിപ്പിലേക്ക് തിരിച്ചെത്തി സെല്ലോ വേൾഡ് ഓഹരി, വാങ്ങാൻ ബ്രോക്കറേജ് ശുപാർശ, നോക്കുന്നോ -
കൊളസ്ട്രോള് കൂടിയാല് പെട്ടെന്ന് തിരിച്ചറിയാം; ആരും ശ്രദ്ധിക്കാത്ത ഈ ലക്ഷണങ്ങളിലൂടെ -
മാരുതി ഏരിയയിലേ ഇല്ല, ഇന്ത്യയില് ഏറ്റവും കൂടുതല് വിറ്റഴിക്കുന്ന എസ്യുവികള് രണ്ടും ടാറ്റയുടേത് -
മിന്നല് അടിച്ച് ഒരു പയ്യന് ശക്തി കിട്ടുന്നതായിരുന്നു ഐഡിയ, വില്ലനെ കിട്ടിയില്ല; സെറ്റായത് ഇങ്ങനെ; ബേസില് -
IPL 2024: എല്ലാം തിരക്കഥ? 17ാം സീസണിലെ തട്ടിപ്പിന് തെളിവുണ്ട്? സഞ്ജുവിന്റെ രാജസ്ഥാനും പങ്ക്! -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും.. -
എതിരാളികളെ വിറപ്പിച്ചും നാട്ടുകാരെ സന്തോഷിപ്പിച്ചും ഒരു 5ജി ഫോൺ; ഇപ്പോൾ 10000 രൂപയ്ക്ക് വാങ്ങാം
രാജീവ് ഗാന്ധി വധക്കേസിലെ പ്രതി പേരറിവാളന് ഒരു മാസത്തെ പരോള്‍ അനുവദിച്ചു
ചെന്നൈ: രാജീവ് ഗാന്ധി വധക്കേസിലെ പ്രതി എ ജി പേരറിവാളനെ ഒരു മാസത്തെ പരോളില്‍ വിട്ടയച്ചു. ചികിത്സയിലിരിക്കുന്ന അച്ഛനെ കാണാനും ഒരു കല്യാണത്തില്‍ പങ്കെടുക്കാനുമാണ് പരോള്‍. ജോലാര്‍പേട്ടിലെ വീട്ടിലേക്കാണ് അദ്ദേഹം പോയത്. വെല്ലൂര്‍ സെന്‍ട്രല്‍ ജയിലില്‍ നിന്നാണ് പേരറിവാളന് പരോള്‍ ലഭിച്ചത്. മുന്‍ പ്രധാനമന്ത്രി രാജീവ് ഗാന്ധി കൊല്ലപ്പെട്ട കേസില്‍ 1991 മുതല്‍ ജീവപര്യന്തം തടവിലാണ് പേരറിവാളന്.
ചൊവ്വാഴ്ച രാവിലെ അദ്ദേഹത്തെ പുഴാല്‍ ജയിലില്‍ നിന്ന് വെല്ലൂര്‍ ജയിലിലേക്ക് മാറ്റി. അതിനുശേഷമാണ് പരോളില്‍ വിട്ടയച്ചതെന്ന് ജയില്‍ വകുപ്പിലെ ഒരു ഉദ്യോഗസ്ഥന്‍ പറഞ്ഞു. രാവിലെ 10.40 ഓടെ പേരറിവാളനെ 15 അംഗ പോലീസ് സംഘം പോലീസ് വാനില്‍ ജോലാര്‍പേട്ടിലേക്ക് കൊണ്ടുപോയി. വെല്ലൂരില്‍ നിന്നുള്ള പോലീസ് ഉദ്യോഗസ്ഥര്‍ അകമ്പടി നല്‍കേണ്ടതിനാലാണ് പുഴാല്‍ ജയിലില്‍ നിന്ന് അങ്ങോട്ടേക്ക് മാറ്റിയത്. പരോള്‍ കാലാവധി അവസാനിച്ചുകഴിഞ്ഞാല്‍ അദ്ദേഹത്തെ വെല്ലൂര്‍ ജയിലിലേക്ക് കൈമാറും. ചെന്നൈയിലെ രാജീവ് ഗാന്ധി സര്‍ക്കാര്‍ ജനറല്‍ ആശുപത്രിയില്‍ ചികിത്സ ലഭിക്കുന്നതിനായാണ് പേരറിവാളനെ പുഴാല്‍ ജയിലിലേക്ക് മാറ്റിയത്.
76 കാരനായ പിതാവ് ജ്ഞാനശേഖരന്റെ ആരോഗ്യസ്ഥിതി ചൂണ്ടിക്കാട്ടിയാണ് ഒരാഴ്ച മുമ്പ് അറിവ് പരോള്‍ അപേക്ഷ നല്‍കിയത്. അപേക്ഷയെ തുടര്‍ന്ന് 1982ലെ തമിഴ്നാട് സസ്‌പെന്‍ഷന്‍ ഓഫ് സെന്റ്‌സ് റൂള്‍സ് അനുസരിച്ച് ജയില്‍ വകുപ്പ് അവധി അനുവദിച്ചു. 2017 ആഗസ്റ്റിലും പേരറിവാളന് സമാനമായ അവധി നല്‍കിയിരുന്നു. 1991 ന് ശേഷം ആദ്യമായാണ് അന്ന് പരോള്‍ ലഭിക്കുന്നത്. അന്നും പിതാവിന്റെ ചികിത്സയുമായി ബന്ധപ്പെട്ടായിരുന്നു പരോള്‍.
