Click it and Unblock the Notifications
Just In
Don't Miss
-
IPL 2024: ധോണിയുഗം അവസാനിക്കില്ല, അടുത്ത സീസണിലും കളിക്കും; തലയുടെ തീരുമാനം വെളിപ്പെടുത്തി റെയ്ന -
ഥാർ 5-ഡോറിനേക്കാൾ ഹൈപ്പ്; അടിമുടി പരിഷ്ക്കാരിയായി ഇന്ത്യയുടെ സ്വന്തം 'ദേസി ജി-വാഗൺ' -
ദോഷങ്ങള് വഴിമുടക്കും, വീട് മുഴുവന് നെഗറ്റീവ് എനര്ജി; വാസ്തുദോഷം വരുത്തും ഈ വസ്തുക്കള് -
സരിഗമ അടക്കം മൂന്ന് ഓഹരികൾ, 13 ശതമാനം വരെ കുതിക്കും, ഇപ്പോൾ തന്നെ വാങ്ങാം -
ഷാരൂഖ് ഖാനെ പ്രണയിച്ച് അഭിനയിക്കണമെന്നാണ് ആഗ്രഹം! മുന്പ് നടക്കാതെ പോയതിനെ പറ്റി നടി വിദ്യ ബാലന് -
'അഴിച്ചുവിട്ട' മുതലിനെ ഏറ്റുവാങ്ങാൻ സമയമായി! നേരേ ഫ്ലിപ്പ്കാർട്ടിലേക്ക് വിട്ടോ, ദേ ഇത് വാങ്ങിക്കോ -
മധുര, ശ്രീരംഗം, തഞ്ചാവൂർ; ഒറ്റദിവസ യാത്ര, ചെലവ് വെറും 1000 രൂപ! പോയാലോ
ചില്ലറ സ്വീകരിക്കില്ലെന്ന് പമ്പ് ജീവനക്കാര്‍,മാധ്യമ പ്രവര്‍ത്തകരെ പെട്രോളൊഴിച്ച് കത്തിക്കാന്‍ ശ്രമം
ഹിന്ദി ദിനപ്പത്രത്തിലെ നാല് മാധ്യമ പ്രവര്‍ത്തകര്‍ക്ക് നേരെയാണ് ആക്രമണമുണ്ടായത്.
ഫൈസാബാദ്: പെട്രോള്‍ പമ്പില്‍ ചില്ലറ നല്‍കിയതുമായി ബന്ധപ്പെട്ട തര്‍ക്കത്തില്‍ പമ്പ് ജീവനക്കാര്‍ മാധ്യമ പ്രവര്‍ത്തകരെ ജീവനോടെ കത്തിക്കാന്‍ ശ്രമിച്ചു. ഉത്തര്‍പ്രദേശിലെ ഫൈസാബാദിലാണ് മാധ്യമ പ്രവര്‍ത്തകരെ പെട്രോളൊഴിച്ച് കത്തിക്കാന്‍ ശ്രമിച്ചത്. ഒരു ഹിന്ദി ദിനപ്പത്രത്തിലെ നാല് മാധ്യമ പ്രവര്‍ത്തകര്‍ക്ക് നേരെയാണ് ആക്രമണമുണ്ടായത്.
ആക്രമണത്തെ തുടര്‍ന്ന് തൊട്ടടുത്തുള്ള പത്ര ഓഫീസിലേക്ക് ഓടി രക്ഷപ്പെട്ട മാധ്യമ പ്രവര്‍ത്തകരെ പമ്പ് ജീവനക്കാര്‍ ക്രൂരമായി മര്‍ദിക്കുകയും ചെയ്തു. പോലീസെത്തിയ ശേഷമാണ് ഇവരെ ആക്രമണത്തില്‍ നിന്ന് രക്ഷപ്പെടുത്തിയത്. മാധ്യമ പ്രവര്‍ത്തകനായ കൃഷ്ണകാന്ത് വാഹനത്തില്‍ 200 രൂപയ്ക്ക് പെട്രോളടിച്ചതിന് ശേഷം 10 രൂപയുടെ 20 നാണയങ്ങള്‍ നല്‍കിയതോടെയാണ് പ്രശ്‌നങ്ങളുടെ തുടക്കം. ചില്ലറ സ്വീകരിക്കില്ലെന്ന് പറഞ്ഞ പമ്പ് ജീവനക്കാരും വിവരമറിഞ്ഞെത്തിയ മറ്റു മാധ്യമ പ്രവര്‍ത്തകരും തമ്മില്‍ വാക്കേറ്റമുണ്ടാകുകയും, ജീവനക്കാര്‍ ഇവരുടെ ദേഹത്തേക്ക് പെട്രോളൊഴിച്ച് കത്തിക്കാന്‍ ശ്രമിക്കുകയുമായിരുന്നു.
പെട്രോളടിച്ചു, ചില്ലറ നല്‍കി...
വെള്ളിയാഴ്ച പെട്രോള്‍ പമ്പിലെത്തിയ കൃഷ്ണകാന്ത് 200 രൂപയ്ക്ക് തന്റെ വാഹനത്തില്‍ പെട്രോളടിച്ചു. തുടര്‍ന്ന് 10 രൂപയുടെ 20 നാണയങ്ങള്‍ നല്‍കിയതോടെയാണ് പ്രശ്‌നങ്ങള്‍ ആരംഭിച്ചത്.
നോട്ട് നല്‍കാന്‍ ആവശ്യം...
എന്നാല്‍ 10 രൂപയുടെ 20 നാണയങ്ങള്‍ സ്വീകരിക്കില്ലെന്നും, പകരം നോട്ട് നല്‍കണമെന്നും പമ്പ് ജീവനക്കാര്‍ ആവശ്യപ്പെട്ടു. ഇതിനെ കൃഷ്ണകാന്ത് ചോദ്യം ചെയ്തതോടെ ജീവനക്കാര്‍ കൃഷ്ണകാന്തിനെ അക്രമിക്കുകയായിരുന്നു.
ദേഹത്ത് പെട്രോളൊഴിച്ചു...
വിവരമറിഞ്ഞെത്തിയ കൃഷ്ണകാന്തിന്റെ സഹപ്രവര്‍ത്തകരായ മറ്റു മാധ്യമ പ്രവര്‍ത്തകരെയും പമ്പ് ജീവനക്കാര്‍ ആക്രമിച്ചു. തുടര്‍ന്ന് ഇവരുടെ ദേഹത്തേക്ക് പെട്രോളൊഴിക്കുകയും കത്തിക്കാന്‍ ശ്രമിക്കുകയുമായിരുന്നു.
പോലീസെത്തി രക്ഷപ്പെടുത്തി...
പമ്പ് ജീവനക്കാരുടെ ആക്രമണത്തെ തുടര്‍ന്ന് മാധ്യമ പ്രവര്‍ത്തകര്‍ തൊട്ടടുത്ത പത്ര ഓഫീസിലേക്ക് ഒടി രക്ഷപ്പെടാന്‍ ശ്രമിച്ചെങ്കിലും പിന്നാലെയെത്തിയ ജീവനക്കാര്‍ ഇവരെ ഓഫീസില്‍ വെച്ചും മര്‍ദിച്ചു. പോലീസെത്തിയാണ് മാധ്യമ പ്രവര്‍ത്തകരെ രക്ഷപ്പെടുത്തിയത്.
