• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

എന്തൊരു ടൈമിംഗ്, വരുന്നൂ നമോ വേദനസംഹാരി!

പ്രധാനമന്ത്രി നരേന്ദ്ര മോദിയുടെ പേരില്‍ വേദന സംഹാരിയും. ഹരിയാനയിലെ ഒരു ഫാര്‍മസ്യൂട്ടിക്കല്‍ കമ്പനിയാണ് നമോ പെയിന്‍ കില്ലറുകളും ബാമുകളും പുറത്തിറക്കിയിരിക്കുന്നത്. പ്രധാനമന്ത്രി നരേന്ദ്ര മോദിയുടെ ജനപ്രീതി മുതലെടുക്കാനാണ് കമ്പനിയുടെ നീക്കം. നമോ പെയിന്‍ കില്ലര്‍ രാജ്യം മൊത്തം എത്തിക്കാനാണ് ശ്രമമെന്ന് ഹള്‍ദ്വാനി ആസ്ഥാനമായിട്ടുള്ള മരുന്ന് കമ്പനിയുടമ പ്രേം മദന്‍ പറഞ്ഞു.

റെയില്‍വേ നിരക്ക് കൂടി നടുവൊടിഞ്ഞ് നില്‍ക്കുന്ന ജനങ്ങള്‍ക്ക് ഭയങ്കര ആശ്വാസമായിരിക്കും ഈ വേദന സംഹാരി എന്നാണ് ആളുകള്‍ വാര്‍ത്തയോട് പ്രതികരിക്കുന്നത്. ഭരണം ഏറ്റെടുത്ത് ഒരു മാസം പോലും തികയുന്നതിന് മുന്‍പ് മോദി സര്‍ക്കാര്‍ റെയില്‍ ചാര്‍ജ് കൂട്ടിയത് വന്‍ പ്രതിഷേധത്തിന് ഇടയാക്കിയിട്ടുണ്ട്.

മുന്‍പ് യു പി എ സര്‍ക്കാരിന്റെ കാലത്ത് റെയില്‍ ചാര്‍ജ് കൂട്ടിയപ്പോള്‍ മോദി ഇതിനെ എതിര്‍ത്ത് പോസ്റ്റ് ചെയ്ത ട്വീറ്റുകളാണ് സോഷ്യല്‍ മീഡിയയില്‍ ആളുകള്‍ കളിയാക്കാനായി ഉപയോഗിക്കുന്നത്. റെയില്‍ ബഡ്ജറ്റിന് മുന്‍പ് ചാര്‍ജ്ജ് കൂട്ടിയ യു പി എ സര്‍ക്കാരിനെതിരെ കത്തെഴുതാന്‍ മോദി അന്ന് ട്വിറ്ററിലൂടെ ആളുകളോട് പറഞ്ഞിരുന്നു.

ഇതാദ്യമായല്ല നരേന്ദ്രമോദിയുടെ പേരില്‍ സാധനങ്ങള്‍ ഇറങ്ങുന്നത്. ബി ജെ പിയുടെ തിരഞ്ഞെടുപ്പ് ക്യാംപയിനിലെ ചൂടന്‍ കഥാപാത്രമായ നമോ ചായ, നമോ ലാപ്‌ടോപ്പ്, നമോ ടീ ഷര്‍ട്ട്, നമോ ബാം തുടങ്ങിയവയും ബി ജെ പി പ്രവര്‍ത്തകര്‍ പുറത്തിറക്കിയിരുന്നു. എന്നാല്‍ നമോ വേദനസംഹാരി പാര്‍ട്ടിയല്ല പുറത്തിറക്കുന്നത് എന്ന വ്യത്യാസമുണ്ട്.

നമോ ബ്രാന്‍ഡ് ഉല്‍പന്നങ്ങള്‍ വാങ്ങാനായി നമോ സ്‌റ്റോര്‍ എന്നൊരു വെബ് സൈറ്റും ഉണ്ട്. മോദിയെ പിന്തുണയ്ക്കുന്ന ഒരു സംഘം വോളന്റിയര്‍മാരാണ് ഇതിന് പിന്നില്‍. 2012 ലാണ് നമോ സ്‌റ്റോര്‍ തുടങ്ങിയത്.

English summary
Pharmaceutical company launches NaMo painkiller.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more