മ്യൂസിക് സിസ്റ്റം സൂക്ഷിച്ച പെട്ടി പരിശോധിച്ച സിഐഎസ്എഫ് ഞെട്ടി, 27കാരി പിടിയില്‍!!! ലക്ഷ്യം ദുരൂഹം..

ദില്ലി മെട്രോ സ്റ്റേഷനില്‍ മ്യൂസിക് സിസ്റ്റം സൂക്ഷിട്ട പെട്ടിക്കുള്ളില്‍ തോക്കുമായി യുവതി പിടിയില്‍

ദില്ലി: മ്യൂസിക്ക് സിസ്റ്റം സൂക്ഷിച്ച പെട്ടിക്കകത്തു തോക്കുമായി യുവതിയെ പിടികൂടി. ദില്ലിയിലെ ചാന്ദ്‌നിചൗക്ക് മെട്രോ സ്‌റ്റേഷനില്‍ വച്ചാണ് സിഐഎ എസ്എഫ് 27കാരിയായ യുവതിയെ നാടന്‍ തോക്കുമായി അറസ്റ്റ് ചെയ്തത്. കൂടുതല്‍ ചോദ്യം ചെയ്യലിനായി ഇവരെ ദില്ലി പോലിസിനു കൈമാറിയിട്ടുണ്ട്. സ്റ്റേഷനില്‍ നടത്തിയ പരിശോധനയിലാണ് എക്‌സ്‌റേ മെഷീനില്‍ മ്യൂസിക്ക് സിസ്റ്റം സൂക്ഷിച്ച പെട്ടിക്കകത്ത് തോക്ക് ഒളിപ്പിച്ചിരിക്കുന്നതായി കണ്ടത്തിയത്.

ടിസ് ഹസാരിയില്‍ നിന്നു 300 രൂപയ്ക്ക് താന്‍ മറ്റൊരാളില്‍ നിന്നു വാങ്ങിയ മ്യൂസിക്ക് സിസ്റ്റമാണിതെന്നും പെട്ടിക്കുള്ളില്‍ തോക്ക് എങ്ങനെ വന്നുവെന്ന തിനെക്കുറിച്ച് അറിയില്ലെന്നുമാണ് യുവതി പോലിസിനോട് പറഞ്ഞത്. ദില്ലി പോലിസും സിഐഎസ്എഫും ചേര്‍ന്നു മണിക്കൂറുകളോളം യുവതിയെ ചോദ്യം ചെയ്തു.

ജഹാന്‍ഗിര്‍പുരി ഏരിയയിലുള്ള ആളുടെ പക്കല്‍ നിന്നാണ് മ്യൂസിക് സിസ്റ്റം വാങ്ങിയതെന്നു യുവതി പോലിസിനെ അറിയിച്ചു. ഇയാള്‍ക്കായി പോലിസ് തിരച്ചില്‍ ആരംഭിച്ചിട്ടുണ്ട്. യുവതി മ്യൂസിക്ക് സിസ്റ്റം വാങ്ങിയതെന്നു പറയപ്പെടുന്ന സ്ഥലത്തെ സിസിടിവി ദൃശ്യങ്ങള്‍ പരിശോധിക്കാനൊരുങ്ങുകയാണ് പോലിസ്. ഇതിലൂടെ ഇതു നല്‍കിയ ആളെ തിരിച്ചറിയാനാവുമെന്നും പോലിസ് കണക്കുകൂട്ടുന്നു.

English summary

A 27-year-old woman was detained by CISF personnel at Chandni Chowk metro station for carrying a country-made pistol inside the packaging of a music system. She was handed over to Delhi Police by CISF personnel for further questioning.