അഞ്ചുവയസുകാരിയെ പീഡിപ്പിച്ച പിസ വിതരണക്കാരന് അറസ്റ്റില്
ദില്ലി: അഞ്ചു വയസുകാരിയെ പീഡിപ്പിച്ചെന്ന കുറ്റത്തിന് പിസ വിതരണത്തിനെത്തിയ യുവാവിനെ പോലീസ് അറസ്റ്റ് ചെയ്തു. സൗത്ത് ദില്ലിയില് ഞായറാഴ്ചയാണ് സംഭവം. ഡൊമിനോ പിസ എന്ന സ്ഥാപനത്തിലെ ജീവനക്കാരനാണ് അറസ്റ്റിലായത്. ഇയാളുടെ കൂടുതല് വിവരങ്ങള് പുറത്തുവിട്ടിട്ടില്ല.
സൗത്ത് ദില്ലിയിലെ ഒരു ഫ് ളാറ്റ് താമസക്കാരാണ് പിസയ്ക്ക് ഓര്ഡര് ചെയ്തത്. മൂന്നാം നിലയിലുള്ള ഫ് ളാറ്റില് പിസ വിതരണം ചെയ്തശേഷം തിരിച്ചു പോവുകയായിരുന്ന പിസ വിതരണക്കാരന് ഗ്രൗണ്ട് ഫ് ളോറില് ഒരു കുട്ടി തനിച്ച് കളിക്കുന്നതുകണ്ട് പീഡനത്തിന് ഇരയാക്കുകയായിരുന്നു. ഫ് ളോറിലെ ലൈറ്റുകള് ഓഫ് ചെയ്തശേഷമായിരുന്നു പീഡനം.
ഭയന്നുപോയെ കുട്ടി അലറിക്കരയുകയും അലാറം ഓണ് ചെയ്യുകയും ചെയ്തതോടെ പിസ വിതരണക്കാന് ഓടി രക്ഷപ്പെട്ടു. കുട്ടി സംഭവം അറിയിച്ചതിനെ തുടര്ന്ന് മാതാപിതാക്കള് ഉടന് ഡൊമിനോ പിസയുമായി ബന്ധപ്പെട്ടു. ജീവനക്കാരനെ ഉടന് പുറത്താക്കാമെന്നും പോലീസില് പരാതി പറയരുതെന്നും പിസ അധികൃതര് പറഞ്ഞു.
എന്നാല്, ഉടന് തന്നെ കുട്ടിയുടെ കുടുംബം പോലീസില് പരാതി നല്കുകയായിരുന്നു. പരാതിക്കു പിന്നാലെ പോലീസ് അന്വേഷണം നടത്തുകയും പ്രതിയെ അറസ്റ്റ് ചെയ്യുകയും ചെയ്തു. കഴിഞ്ഞ ദിവസം ദില്ലിയിലെ ഒരു എഎസ്ഐയും ബലാത്സംഗത്തിന്റെ പേരില് അറസ്റ്റിലായിരുന്നു. സുഹൃത്തിന്റെ വേലക്കാരിയെ ബലാത്സംഗം ചെയ്തതിനായിരുന്നു അറസ്റ്റ്.