കൊവിഡ് ഭേദമാവാനോ മരണനിരക്ക് കുറക്കാനോ പ്ലാസ്മ ചികിത്സ സഹായിക്കില്ലെന്ന് ഐസിഎംആര്
ദില്ലി: കൊവിഡ് മരണ നിരക്ക് കുറക്കാനോ രോഗം ഭേദമാവാനോ പ്ലാസ്മ തെറാപ്പിയിലൂടെ കഴിയില്ലെന്ന് ഇന്ത്യന് കൗണ്സില് ഓഫ് മെഡിക്കല് റിസര്ച്ച്. കൊവിഡ്-19 ചികിത്സക്ക് പ്ലാസ്മ തെറാപ്പിയിലൂടെ സാധിക്കുമോയെന്ന പഠനത്തിലാണ് കണ്ടെത്തല്. ഇന്ത്യയിലെ 39 സ്വകാര്യ-സര്ക്കാര് ആശുപത്രികളിലായി ഏപ്രില് 22 മുതല് ജൂലൈ 14 വരെയാണ് പഠനം നടത്തിയത്.
കോണ്ഗ്രസിന്റെ മെഗാ യുപിഎ ഒരുങ്ങുന്നു, രാജ്യസഭാ ഉപാധ്യക്ഷ പദവി ഡിഎംകെയ്ക്ക്, ഒരൊറ്റ വെല്ലുവിളി!!
കൊവിഡ് മുക്തി നേടിയ ഒരാളുടെ രക്തത്തില് നിന്നും ആന്റിബോഡി ശേഖരിച്ച് കൊവിഡ് രോഗിയായ ഒരാളിലേക്ക് കൈമാറുകയില് അവരില് അണുബാധയെ ചെറുക്കുന്നതിനുള്ള പ്രതിരോധ സംവിധാനം മെച്ചപ്പെടുത്തുകയുമാണ് പ്ലാസ്മ തെറാപ്പിയിലൂടെ ചെയ്യുന്നത്.
39 ട്രയലുകളിലായി 1210 രോഗികളെ പരിശോധനക്ക് വിധേയമാക്കിയിരുന്നു. ഇതില് 29 എണ്ണം സര്ക്കാര് ആശുപത്രികളിലേയും 10 എണ്ണം സ്വകാര്യ ആശുപത്രികളിലേയും 25 എണ്ണം കേന്ദ്ര ഭരണ പ്രദേശങ്ങളില് നിന്നുമാണ്.
ആദ്യഘട്ടത്തില് ദില്ലിയിലും പിന്നീട് കേരളത്തില് അടക്കം പ്ലാസ്മ തെറാപ്പി പരീക്ഷിച്ചിരുന്നു. ദില്ലിയില് കൊറോണ രോഗിയില് പ്ലാസ്മ തെറാപ്പി ഫലം കണ്ടതോടെയായിരുന്നു കേരളത്തിലും മുംബൈയിലും ബീഹാറിലും അടക്കം പരീക്ഷണം നടത്തിയത്.
Recommended Video
ജൂണ് 27 ന് കേന്ദ്ര ആരോഗ്യമന്ത്രാലയം പുറത്തിറക്കിയ കൊവിഡ്-19 നുള്ള ക്ലിനിക്കല് മാനേജ്മെന്റ് പ്രോട്ടോകോളുകളില് കൊവിഡ് രോഗികളില് പ്ലാസ്മ തെറാപ്പി നടത്താന് അനുമതി നല്കിയിരുന്നു. എന്നാല് കൊറോണ വൈറസ് ചികിത്സക്കായി പ്ലാസ്മ തെറാപ്പി ഫലം കാണുമെന്നതിന് ശാസ്ത്രീയമായ തെളിവുകളില്ലെന്നും ആദ്യഘട്ടത്തില് മന്ത്രാലയം വ്യക്തമാക്കിയിരുന്നു. മുമ്പ് എബോള, എച്ച്1 എന് 1 ചികിത്സക്ക് പ്ലാസ്മ തെറാപ്പി ഫലം കണ്ടിരുന്നു.
ഓക്സ്ഫഡ് വാക്സിന് കുത്തിവെച്ചയാള്ക്ക് അജ്ഞാത രോഗം; പരീക്ഷണം നിര്ത്തി; തിരിച്ചടി
വെഞ്ഞാറമൂട് കൊലപാതകം; സിബിഐ അന്വേഷിക്കേണ്ടെന്ന് കോടിയേരി; അന്വേഷിക്കട്ടെയെന്ന് അടൂര് പ്രകാശ്