റീസൈക്കിൾ ചെയ്ത പ്ലാസ്റ്റിക് കുപ്പികളാൽ നിർമ്മിച്ച ജാക്കറ്റണിഞ്ഞ് പാർലമെന്റിൽ മോദി...
പാർലമെന്റ് സമ്മേളനത്തിനായി അദ്ദേഹം ഇന്ന് ധരിച്ച ജാക്കറ്റ് തിങ്കളാഴ്ച ബെംഗളൂരുവിൽ നടന്ന ഇന്ത്യ എനർജി വീക്കിൽ ഇന്ത്യൻ ഓയിൽ കോർപ്പറേഷൻ അദ്ദേഹത്തിന് സമ്മാനിച്ചതാണ്.
ഇന്ന് പാർലമെന്റിൽ എത്തിയ പ്രധാനമന്ത്രി നരേന്ദ്ര മോദി ധരിച്ച വസ്ത്രത്തിന് ഒരു പ്രത്യേകതയുണ്ടായിരുന്നു. വലിയൊരു സന്ദേശം പകരുന്നതായിരുന്നു അദ്ദേഹം ഇന്ന് ധരിച്ച ജാക്കറ്റ്. കാലാവസ്ഥാ വ്യതിയാനത്തിനെതിരായ പോരാട്ടം ജനകീയ മുന്നേറ്റമാക്കാൻ ബോധവത്ക്കരിക്കുന്നതിന് വേണ്ടി പ്രധാനമന്ത്രി നരേന്ദ്ര മോദി ഇന്ന് റീസൈക്കിൾ ചെയ്ത പ്ലാസ്റ്റിക് കുപ്പികൾ കൊണ്ട് നിർമ്മിച്ച പ്രത്യേക ജാക്കറ്റ് ധരിച്ചാണ് എത്തിയത്. സുസ്ഥിരതയെക്കുറിച്ചുള്ള സന്ദേശമായാണ് ഈ നീക്കത്തെ കാണുന്നത്.
കാലാവസ്ഥാ വ്യതിയാനത്തിന്റെ വിപത്തിനെ നേരിടാൻ സുസ്ഥിര വികസനത്തിനായി ' ഉപയോഗം കുറക്കുക, പുനരുപയോഗം ചെയ്യുക, പുനരുപയോഗിക്കുക' എന്ന മന്ത്രം പ്രധാനമന്ത്രി നേരത്തെ നൽകിയത് ശ്രദ്ധേയമാണ്. പാർലമെന്റ് സമ്മേളനത്തിനായി അദ്ദേഹം ഇന്ന് ധരിച്ച ജാക്കറ്റ് തിങ്കളാഴ്ച ബെംഗളൂരുവിൽ നടന്ന ഇന്ത്യ എനർജി വീക്കിൽ ഇന്ത്യൻ ഓയിൽ കോർപ്പറേഷൻ അദ്ദേഹത്തിന് സമ്മാനിച്ചതാണ്.
റീട്ടെയിൽ കസ്റ്റമർ അറ്റൻഡന്റർമാർക്കും എൽപിജി ഡെലിവറി ഉദ്യോഗസ്ഥർക്കും റീസൈക്കിൾഡ് പോളിസ്റ്റർ (rPET), കോട്ടൺ എന്നിവയിൽ നിന്ന് നിർമ്മിച്ച യൂണിഫോം ഇന്ത്യൻ ഓയിൽ സ്വീകരിച്ചു. പ്രധാനമന്ത്രിയുടെ ഫോട്ടോ പങ്കിട്ട് കേന്ദ്രമന്ത്രി പ്രഹ്ലാദ് ജോഷി ട്വീറ്റ് ചെയ്തു, "മോദി ജി വെറും സംസാരം മാത്രമല്ല, മുന്നിൽ നിന്ന് നയിക്കുന്നു. കാലാവസ്ഥാ അവബോധം പ്രോത്സാഹിപ്പിക്കുന്നതിനുള്ള മികച്ച മാർഗം."
കാലാവസ്ഥാ വ്യതിയാനത്തിനെതിരായ പോരാട്ടത്തിൽ ലോകത്തെ സഹായിക്കുന്നതിനുള്ള ഇന്ത്യയുടെ ആഗോള സംരംഭമായ 'മിഷൻ ലൈഫ്' സമാരംഭിച്ചപ്പോൾ, സുസ്ഥിര ജീവിതത്തിലേക്ക് പ്രധാനമന്ത്രി മോദി ആളുകളെ പ്രോത്സാഹിപ്പിച്ചു. മിഷൻ ലൈഫ് ജനോപകാരപ്രദമായ ലോകെ എന്ന സങ്കൽപ്പത്തെ ശക്തിപ്പെടുത്തുമെന്ന് പ്രധാനമന്ത്രി പറഞ്ഞിരുന്നു.
ഇന്ത്യാ ഓയിൽ ജീവനക്കാർക്കും സായുധ സേനയ്ക്കും പരിസ്ഥിതി സൗഹൃദ വസ്ത്രങ്ങൾ നിർമ്മിക്കുന്നതിന്, 10 കോടിയിലധികം PET കുപ്പികൾ റീസൈക്കിൾ ചെയ്യും. പ്ലാസ്റ്റിക് കുപ്പികൾ യൂണിഫോമിലേക്ക് റീസൈക്കിൾ ചെയ്യുന്ന പദ്ധതികൾ മിഷൻ ലൈഫിനെ ശക്തിപ്പെടുത്തുമെന്ന് പ്രധാനമന്ത്രി മോദി പറഞ്ഞു.
Click it and Unblock the Notifications
Sign in with Google