പ്രകാശ് സിങ് ബാദലിനെ മണ്ടേലയോട് ഉപമിച്ച് നരേന്ദ്ര മോദി
ദില്ലി: പഞ്ചാബ് മുഖ്യമന്ത്രി പ്രകാശ് സിങ് ബാദലിനെ മണ്ടേലയോട് ഉപമിച്ച നരേന്ദ്ര മോദിക്ക് ട്വിറ്ററില് പരിഹാസം. ജയപ്രകാശ് നാരായണന്റെ 113ാമത് ജന്മദിനാഘോഷ വേഷയിലായിരുന്നു പ്രധാനമന്ത്രിയുടെ ഉപമിക്കല്. ദില്ലി വിഗ്യാന് ഭവനില് നടന്ന പരിപാടിയില് ബിജെപി നേതാവ് എല് കെ അദ്വാനി, പ്രകാശ് സിങ് ബാദല്, രാജസ്ഥാന് ഗവര്ണര് കല്യാണ് സിങ്, എന്സിപി നേതാവ് ഡിപി ത്രിപതി തുടങ്ങിയവര് പങ്കെടുത്തിരുന്നു.
പ്രമുഖരായ നേതാക്കള് വേദിയില് ഇരിക്കുമ്പോഴാണ് പ്രകാശ് സിങ് ബാദലിനെ ഇന്ത്യന് മണ്ടേലയെന്ന് നരേന്ദ്ര മോദി വിശേഷിപ്പിച്ചത്. ഇവിടെ ഇരിക്കുന്ന ബാദല് ഇന്ത്യന് നെല്സണ് മണ്ടേലയാണ്. ജയിലില് ഏറെക്കാലം കഴിയേണ്ടിവന്നയാളാണ് അദ്ദേഹം. വ്യത്യസ്ത രാഷ്ട്രീയ ചിന്താഗതികൊണ്ടുമാത്രമാണ് അദ്ദേഹത്തെ ജയിലിലടാന് കാരണമെന്നും അദ്ദേഹം പറഞ്ഞു.
മോദിയുടെ പരാമര്ശം പുറത്തുവന്നയുടന് ഫേസ്ബുക്കിലും ട്വിറ്ററിലും മറ്റും അതിനെതിരെ പരിഹാസവും ഉയര്ന്നുവന്നു. ബാദലില് നിന്നും രാഷ്ട്രീയ നേട്ടത്തിനുവേണ്ടിയാണ് മോദി ഇത്തരം വിലകുറഞ്ഞ പരാമര്ശം നടത്തിയതെന്ന് ചിലര് വിമര്ശിച്ചു. മണ്ടേലയെ അപമാനിക്കുന്നത് തുല്യമാണ് പരാമര്ശമെന്നും ചിലര് വിലയിരുത്തി.
അതേസമയം യോഗസ്ഥലത്തുണ്ടായിരുന്നു ബാദല് മോദിയുടെ പരാമര്ശത്തെ ചിരിച്ചു തള്ളുക മാത്രമാണ് ചെയ്തത്. മണ്ടേലയുമായി ഉപമിച്ചതിനെക്കുറിച്ചുള്ള മാധ്യമ പ്രവര്ത്തകരുടെ ചോദ്യത്തോടും അദ്ദേഹം പ്രതികരിച്ചില്ല.