'അദ്ദേഹം വേ​​ഗത്തിൽ സുഖം പ്രാപിക്കാൻ പ്രാർത്ഥിക്കാം'; എയിംസിൽ ജ​ഗ്ദീപ് ധൻകറെ സന്ദർശിച്ച് മോദി

ഡൽഹി: അസ്വസ്ഥതയും നെഞ്ചുവേദനയും അനുഭവപ്പെട്ടതിനെ തുടർന്ന് ആശുപത്രിയിൽ പ്രവേശിപ്പിച്ച ജ​ഗ്ദീപ് ധൻകറിന്റെ ആരോ​ഗ്യ വിവരം അന്വേഷിക്കൻ പ്രധാനമന്ത്രി നരേന്ദ്ര മോജി ഇന്ന് രാവിലെ എയിംസ് സന്ദർശിച്ചു ( ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് ). ‌
ഉപരാഷ്രപതി എത്രയും വേ​ഗം സുഖം പ്രാപിക്കട്ടേ എന്ന് പ്രധാനമന്ത്രി പറഞ്ഞു.

" എയിംസിൽ പോയി ഉപരാഷ്ട്രപതി ശ്രീ ജ​ഗ്ദീപ് ധൻഖർ ജീയുടെ ആരോ​ഗ്യത്തെക്കുറിച്ച് അന്വേഷിച്ചു. അദദ്ദേഹത്തിന്റെ നല്ല ആരോ​ഗ്യത്തിനും സുഖം പ്രാപിക്കുന്നതിനും ഞാൻ പ്രാർത്ഥിക്കുന്നു, " പ്രധാനമന്ത്രി ട്വീറ്റ് ചെയ്തു. കേന്ദ്ര ആരോ​ഗ്യമന്ത്രി ജെ പി നദ്ദയും ഉപരാഷ്ട്രപതിയുടെ ആരോ​ഗ്യനിലയെക്കുറിച്ച് അന്വേഷിക്കാൻ രാവിലെ എംയിസിൽ എത്തിയിരുന്നു.

ഇന്ന് പുലർച്ചെ രണ്ട് മണിയോടെയാണ് ധൻകറിനെ എയിംസിലേക്ക് കൊണ്ടുപോയത്. കാർഡിയോളജി വിഭാഗം മേധാവി ഡോ. രാജീവ് നാരം​ഗിന്റെ കീഴിലുള്ള ക്രിട്ടിക്കൽ കെയർ യൂണിറ്റിൽ ( സി സി യു ) പ്രവേശിപ്പിച്ചതായി വാർത്ത ഏജൻസിയായ പി ടി ഐ റിപ്പോർട്ട് ചെയ്യുന്നു. അദ്ദേഹത്തിന്റെ ആരോ​ഗ്യനില ഇപ്പോൾ തൃപ്തികരമാണെന്നാണ് ലഭിക്കുന്ന വിവരം. 73 കാരനായ ദൻകർ ഡോക്ടർമാരുടെ നിരീക്ഷണത്തിലാണ്.