36 മണിക്കൂർ, 7 പരിപാടികൾ, 8 നഗരങ്ങൾ; വിശ്രമമില്ലാതെ തിരക്കിട്ട ഷെഡ്യൂളുമായി പ്രധാനമന്ത്രി മോദി

Updated: Saturday, April 22, 2023, 21:05 [IST]

36 മണിക്കൂറിനുള്ളിൽ പ്രധാനമന്ത്രി സഞ്ചരിക്കാൻ പോകുന്നത് ഏഴ് നഗരങ്ങളാണ്. ഈ ഏഴ് നഗരങ്ങളിലൂടെ അദ്ദേഹം 5300 കിലോമീറ്ററിലധികമാണ് സ‍ഞ്ചരിക്കാൻ പോവുന്നത്, എട്ട് പരിപാടികളിലാണ് പ്രധാനമന്ത്രിക്ക് സ‍ഞ്ചരിക്കേണ്ടത്. രണ്ട് സംസ്ഥാനങ്ങളിലും ഒരു കേന്ദ്രഭരണ പ്രദേശത്തും നിരവധി വികസന പദ്ധതികൾ ആരംഭിക്കുന്നതിനായി പ്രധാനമന്ത്രി നരേന്ദ്ര മോദി തിങ്കളാഴ്ച മുതൽ 36 മണിക്കൂറിനുള്ളിൽ ഏഴ് നഗരങ്ങളിലൂടെ 5,300 കിലോമീറ്ററിലധികം സഞ്ചരിച്ച് എട്ട് പരിപാടികളിൽ പങ്കെടുക്കും.

പ്രധാനമന്ത്രി മോദി ഡൽഹിയിൽ നിന്ന് മധ്യ ഇന്ത്യയിലെ മധ്യപ്രദേശിലേക്കും പിന്നീട് തെക്കൻ കേരളത്തിലേക്കും തുടർന്ന് കേന്ദ്രഭരണ പ്രദേശമായ ദാദ്ര നാഗർ ഹവേലിയിലേക്കും പടിഞ്ഞാറ് ദാമൻ ദിയുവിലേക്കും യാത്ര ചെയ്യും. ചൊവ്വാഴ്ച അദ്ദേഹം ഡൽഹിയിലേക്ക് മടങ്ങും. ദേശീയ പഞ്ചായത്തീരാജ് ദിന പരിപാടിയിൽ പങ്കെടുക്കാൻ പ്രധാനമന്ത്രി ഡൽഹിയിൽ നിന്ന് ഖജുരാഹോയിലേക്ക് പുറപ്പെടും.

500 കിലോമീറ്റർ ദൂരം സഞ്ചരിച്ചാണ് ഇവിടേക്ക് പോകേണ്ടത്. തുടർന്ന് രേവയിലേക്ക് പ്രധാനമന്ത്രി പോകും. ഇതിനുശേഷം, അങ്ങോട്ടും ഇങ്ങോട്ടും ഉള്ള യാത്രയിൽ ഏകദേശം 280 കിലോമീറ്റർ ദൂരം പിന്നിട്ട് അദ്ദേഹം ഖജുരാഹോയിലേക്ക് മടങ്ങും, തുടർന്ന് യുവം കോൺക്ലേവിൽ പങ്കെടുക്കാൻ ഏകദേശം 1,700 കിലോമീറ്റർ ആകാശ മാർഗം കൊച്ചിയിലേക്ക് പോകും.

ചൊവ്വാഴ്ച രാവിലെ കൊച്ചിയിൽ നിന്ന് തിരുവനന്തപുരത്തേക്ക് അദ്ദേഹം 190 കിലോമീറ്റർ സഞ്ചരിച്ച് പോവും. അവിടെ വന്ദേ ഭാരത് എക്‌സ്പ്രസ് ട്രെയിൻ ഫ്ലാഗ് ഓഫ് ചെയ്യുകയും വിവിധ പദ്ധതികളുടെ സമർപ്പണവും തറക്കല്ലിടുകയും ചെയ്യും. അവിടെ നിന്ന് സൂറത്ത് വഴി പ്രധാനമന്ത്രി സിൽവാസയിലേക്ക് 1,570 കിലോമീറ്റർ സഞ്ചരിക്കുമെന്നും ഉദ്യോഗസ്ഥർ പറയുന്നു. സിൽവാസയിൽ പ്രധാനമന്ത്രി മോദി നമോ മെഡിക്കൽ കോളേജ് സന്ദർശിക്കുകയും വിവിധ പദ്ധതികളുടെ സമർപ്പണവും തറക്കല്ലിടലും നിർവഹിക്കുകയും ചെയ്യും.

ഇതിന് ശേഷം , ദേവ്ക കടൽത്തീരത്തിന്റെ ഉദ്ഘാടനത്തിനായി അദ്ദേഹം ദാമനിലേക്ക് പോകും, തുടർന്ന് അദ്ദേഹം 110 കിലോമീറ്റർ പിന്നിട്ട് സൂറത്തിലേക്ക് പോകും. സൂറത്തിൽ നിന്ന്, പ്രധാനമന്ത്രി മോദി ഡൽഹിയിലേക്ക് മടങ്ങുമെന്ന് അധികൃതർ അറിയിച്ചു. ഇതോടെ 940 കിലോമീറ്റർ കൂടി അദ്ദേഹം സഞ്ചരിക്കേണ്ടി വരും. തിരക്കേറിയ ഷെഡ്യൂളിൽ പ്രധാനമന്ത്രി ഏകദേശം 5,300 കിലോമീറ്റർ ആകാശദൂരം സഞ്ചരിക്കും. ഈ കണക്ക് നോക്കുകയാണെങ്കിൽ, വടക്ക് നിന്ന് തെക്ക് വരെയുള്ള ഇന്ത്യയുടെ നീളം നോക്കാം, അതായത് ഏകദേശം 3,200 കിലോമീറ്റർ.

പ്രധാനമന്ത്രിയുടെ മുഴുവൻ യാത്രകളും മറ്റ് പരിപാടികളും 36 മണിക്കൂറിനുള്ളിൽ ആണ്. ആഭ്യന്തരവും അന്തർദ്ദേശീയവുമായ യാത്രകളിൽ പ്രധാനമന്ത്രി മോദിയുടേത് തിരക്കേറിയ ഷെഡ്യൂൾ ആണെന്ന് റിപ്പോർട്ടുകൾ, കൂടാതെ തന്റെ യാത്രകൾ പ്രധാനപ്പെട്ട മീറ്റിംഗുകളും പ്രോഗ്രാമുകളും കൊണ്ട് നിറഞ്ഞതാണെന്ന് പ്രധാനമന്ത്രി എങ്ങനെ ഉറപ്പാക്കുന്നുവെന്ന് ഉദ്യോഗസ്ഥർ പലപ്പോഴും എടുത്തുകാണിക്കുന്നു.