Click it and Unblock the Notifications
Just In
Don't Miss
-
ദാമ്പത്യത്തിന്റെ ഒന്നാമത്തെ നിയമം: വിവാഹജീവിതത്തിലേക്ക് കുടുംബക്കാരെ പ്രവേശിപ്പിക്കാതിരിക്കുക -
ഞാന് ഗെയിം കളിക്കുന്നില്ലേ? സിജോയോട ജാസ്മിന്; നാണം കെടുത്തി ബിഗ് ബോസും കൂകി വിളിച്ച് വീട്ടുകാരും -
IPL 2024: ഹാര്ദിക് അല്ല, ലോകകപ്പ് കളിക്കേണ്ടത് ശിവം ദൂബെ; താരത്തിന് പിന്നില് അണിചേര്ന്ന് ആരാധകര് -
വെറും 2.99 ലക്ഷം മാത്രം! വർക്കിലും ലുക്കിലും നിഞ്ചയെ തൂക്കും മാക് 2 പതിപ്പുമായി അൾട്രാവയലറ്റ് -
സ്ത്രീകൾക്ക് സാമ്പത്തിക സുരക്ഷിതത്വം ഉറപ്പാക്കാൻ 4 പോസ്റ്റ് ഓഫീസ് പദ്ധതികൾ -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
സോണിയാ ഗാന്ധിക്ക് പിറന്നാള്‍, ആശംസകളുമായി മോദി
ദില്ലി: കോണ്‍ഗ്രസ് അധ്യക്ഷ സോണിയാ ഗാന്ധിക്ക് ഇന്ന് (ഡിസംബര്‍ 9, ബുധനാഴ്ച) അറുപത്തിയൊമ്പതാം പിറന്നാള്‍. 1946 ഡിസംബര്‍ 9ന് ഇറ്റലിയിലെ ലൂസിയാനയിലാണ് സോണിയാ ഗാന്ധി ജനിച്ചത്. ഭര്‍ത്താവ് രാജീവ് ഗാന്ധിയുടെ വധത്തിന് പിന്നാലെ രാഷ്ട്രീയത്തില്‍ സജീവമായ സോണിയാ ഗാന്ധി വൈകാതെ കോണ്‍ഗ്രസ് പ്രസിഡണ്ടുമായി. ആരോഗ്യപ്രശ്‌നങ്ങളെ തുടര്‍ന്ന് അടുത്തിടെയായി രാഷ്ട്രീയത്തില്‍ സോണിയാ ഗാന്ധി അത്ര സജീവമല്ല.
പ്രധാനമന്ത്രി നരേന്ദ്ര മോദി സോണിയാ ഗാന്ധിക്ക് പിറന്നാള്‍ ആശംസകള്‍ നേര്‍ന്നു. മൈക്രോ ബ്ലോഗിങ് സൈറ്റായ ട്വിറ്ററിലൂടെയാണ് മോദി പിറന്നാള്‍ ആശംസ അറിയിച്ചത്. സോണിയാ ഗാന്ധിക്ക് പിറന്നാള്‍ ആശംസകള്‍, സര്‍വ്വശക്തന്‍ ആരോഗ്യവും ദീര്‍ഘായുസ്സും നല്‍കട്ടെ - മോദി ട്വിറ്ററില്‍ കുറിച്ചു.ബി ജെ പി നേതാവും പാര്‍ലമെന്ററി കാര്യ മന്ത്രിയുമായ വെങ്കയ്യ നായിഡുവും സോണിയാ ഗാന്ധിയെ ഫോണില്‍ വിളിച്ച് ആശംസകള്‍ അറിയിച്ചു.
നാഷണല്‍ ഹെറാള്‍ഡ് കേസില്‍ കോണ്‍ഗ്രസും ബി ജെ പിയും എതിര്‍ചേരികളില്‍ നില്‍ക്കുമ്പോളാണ് പ്രമുഖ നേതാക്കള്‍ സോണിയാ ഗാന്ധിക്ക് പിറന്നാള്‍ ആശംസകളുമായി എത്തിയത് എന്നതും ശ്രദ്ധേയമാണ്. നാഷണല്‍ ഹെറാള്‍ഡ് പത്രത്തിന്റെ അയ്യായിരം കോടി രൂപയുടെ വസ്തുവകകള്‍ സ്വന്തമാക്കി എന്ന ആരോപണത്തില്‍ സോണിയാ ഗാന്ധിക്കും മകന്‍ രാഹുല്‍ ഗാന്ധിക്കും എതിരെ അന്വേഷണം നടക്കുകയാണ്.
ബി ജെ പി തങ്ങളോട് രാഷ്ട്രീയവൈരാഗ്യം തീര്‍ക്കുകയാണ് എന്നാണ് കോണ്‍ഗ്രസ് ആരോപിക്കുന്നത്. ഇന്ദിരാ ഗാന്ധിയുടെ മരുമകളാണ് താനെന്നും തനിക്ക് ആരെയും പേടിയില്ല എന്നുമാണ് സോണിയാ ഗാന്ധി കഴിഞ്ഞ ദിവസം പറഞ്ഞത്. ആരുടെ മരുമകളായാലും നിയമതത്തിന് അതൊന്നും പ്രശ്‌നമല്ല എന്ന് ബി ജെ പി നേതാവും കേന്ദ്ര മന്ത്രിയും ആയ രവിശങ്കര്‍ പ്രസാദ് ഇതിനോട് പ്രതികരിച്ചു.
