കാശ്മീരില്‍ തിരഞ്ഞെടുപ്പ് നടത്തും, സംസ്ഥാന പദവിയില്‍ തീരുമാനമായില്ല; സര്‍വ്വകക്ഷിയോഗം അവസാനിച്ചു

ദില്ലി: കശ്മീരിന്റെ ഭാവി ചര്‍ച്ച ചെയ്യാന്‍ പ്രധാനമന്ത്രി നരേന്ദ്ര മോദിയുടെ നേതൃത്വത്തില്‍ ഇന്ന് ദില്ലിയില്‍ യോഗം ചേരും. കശ്മീരില്‍ നിന്നുള്ള സര്‍വകക്ഷികളുടെ യോഗമാണ് പ്രധാനമന്ത്രി വിളിച്ചിരിക്കുന്നത്. കോണ്‍ഗ്രസ് അടക്കമുള്ള പാര്‍ട്ടികള്‍ യോഗത്തില്‍ പങ്കെടുക്കും. അതേസമയം സംസ്ഥാന പദവി കശ്മീരിന് നല്‍കുന്ന കാര്യം ചര്‍ച്ചയാവും. അങ്ങനൊരു നീക്കം നടക്കുന്നുണ്ടെന്ന് നേരത്തെ റിപ്പോര്‍ട്ടുകളുമുണ്ടായിരുന്നു.

ആര്‍ട്ടിക്കിള്‍ 370 റദ്ദാക്കിയ ശേഷമുള്ള കേന്ദ്രത്തിന്റെ ആദ്യ അനുനയ നീക്കമാണിത്. പ്രധാനമന്ത്രി നരേന്ദ്ര മോദിയില്‍ നിന്ന് കശ്മീരിലെ പ്രധാന നേതാക്കള്‍ക്കെല്ലാം ക്ഷണം ലഭിച്ചിട്ടുണ്ട്. കശ്മീരിനുള്ള പ്രത്യേക പദവി പുനസ്ഥാപിക്കണമെന്ന നിര്‍ദേശം ഉറപ്പായും ഗുപ്കര്‍ സഖ്യത്തിലെ പാര്‍ട്ടികള്‍ ഉന്നയിക്കും. ഇതിനിടെ കശ്മീരില്‍ അടക്കം കനത്ത സുരക്ഷയും ഏര്‍പ്പെടുത്തിയിട്ടുണ്ട്. തീവ്രവാദികള്‍ ആക്രമണത്തിന് ലക്ഷ്യമിട്ടേക്കുമെന്നും സൂചനയുണ്ട്.

English summary

PM Narendra Modi All-Party Meeting With Jammu & Kashmir Leaders Live Updates In Malayalam