Click it and Unblock the Notifications
Just In
Don't Miss
-
ഷൂട്ടിനിടെ തമിഴ് നടന് മോശമായി ടച്ച് ചെയ്തു, ആരും കൂടെ നിന്നില്ല, വഴക്ക് കേട്ടത് എനിക്ക്: മാല പാര്വ്വതി -
485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...? -
വൃത്തിയുള്ള തലയോട്ടി, മുടി വളര്ച്ച ഉറപ്പ്; ഈ നാച്ചുറല് സ്ക്രബ് നല്കും ഗുണം -
ഫോർഡ് മുസ്താങ്ങിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
നേതാജിയുടെ എല്ലാ രഹസ്യ രേഖകളും പുറത്തുവിടുമെന്ന് നരേന്ദ്ര മോദി
ദില്ലി: ദുരൂഹത അവശേഷിപ്പിച്ച് മാഞ്ഞുപോയ നേതാജി സുഭാഷ് ചന്ദ്രബോസിനെ സംബന്ധിക്കുന്ന എല്ലാ രഹസ്യ രേഖകളും പുറത്തുവിടുമെന്ന് പ്രധാനമന്ത്രി നരേന്ദ്ര മോദി പ്രഖ്യാപിച്ചു. നേതാജിയുടെ കുടുംബാംഗങ്ങളുമായി നടത്തിയ ചര്‍ച്ചയ്ക്കുശേഷം ട്വിറ്ററിലൂടെയാണ് കേന്ദ്ര സര്‍ക്കാരിന്റെ കൈയ്യിലിരിക്കുന്ന രേഖകള്‍ പുറത്തുവിടുമെന്ന് പ്രധാനമന്ത്രി അറിയിച്ചത്.
നേരത്തെ പശ്ചിമ ബംഗാള്‍ സര്‍ക്കാരിന്റെ കൈയ്യിലുണ്ടായിരുന്ന രേഖകള്‍ മമതാ ബാനര്‍ജി പുറത്തുവിട്ടിരുന്നു. ഇതേ തുടര്‍ന്ന് കേന്ദ്ര സര്‍ക്കാറിന്റെ കൈയ്യിലുള്ള രേഖകളും പുറത്തുവിടണമെന്ന് ആവശ്യപ്പെട്ട് നേതാജിയുടെ ബന്ധുക്കള്‍ രംഗത്തെത്തി. ഇതേ തുടര്‍ന്നാണ് 7 റെയ്‌സ്‌കോഴ്‌സ് റോഡിലെ വസതിയില്‍വച്ച് മോദി നേതാജിയുടെ കുടുംബത്തിലെ 35 അംഗങ്ങളുമായി കൂടിക്കാഴ്ച നടത്തിയത്.
അടുത്തവര്‍ഷം ജനുവരി 23ന് ആദ്യഘട്ട രേഖകള്‍ പുറത്തുവിടാമെന്നാണ് നരേന്ദ്ര മോദി ഇവര്‍ക്ക് ഉറപ്പ് നല്‍കിയിരിക്കുന്നത്. സര്‍ക്കാരിന്റെ കൈയില്‍ 130 രഹസ്യ രേഖകളാണുള്ളത്. ഇവയെല്ലാം ഘട്ടംഘട്ടമായി പുറത്തുവിടും. അതോടൊപ്പം വിദേശ രാജ്യങ്ങളുടെ കൈയ്യിലുള്ള രേഖകളും പുറത്തുവിടാന്‍ സമ്മര്‍ദ്ദം ചെലുത്തുമെന്ന് നരേന്ദ്ര മോദി പറഞ്ഞു. ഡിസംബറില്‍ പ്രധാനമന്ത്രി റഷ്യ സന്ദര്‍ശിക്കുന്നുണ്ട്. ഈ അവസരത്തില്‍ രേഖകള്‍ പുറത്തുവിടാന്‍ അഭ്യര്‍ഥിക്കും.
പ്രതിപക്ഷത്തായിരിക്കുമ്പോള്‍ പ്രമുഖ ബിജെപി നേതാക്കള്‍ നേതാജിയുടെ രേഖകള്‍ പുറത്തുവിടണമെന്ന് ആവശ്യപ്പെട്ടിരുന്നു. എന്നാല്‍, ഭരണത്തിലേറിയശേഷം വിദേശരാജ്യങ്ങളുമായുള്ള ബന്ധത്തെ പ്രതികൂലമായി ബാധിക്കുമെന്ന കാരണം പറഞ്ഞൊഴിയുകയായിരുന്നു.
