കൊറോണ നീങ്ങുന്നതോടെ പുതിയ ഇന്ത്യയ്ക്ക് തുടക്കമാകുമെന്ന് മോദി; ആഘോഷത്തിനും പുതിയ രീതി
ദില്ലി: കൊറോണ വൈറസ് മൂലമുള്ള പ്രതിസന്ധി നീങ്ങുന്നതോടെ പുതിയ ഇന്ത്യയ്ക്ക് തുടക്കമാകുമെന്ന് പ്രധാനമന്ത്രി നരേന്ദ്ര മോദി. രോഗം വ്യാപിച്ച ഘട്ടത്തില് നമ്മുടെ ഒട്ടേറെ ധാരണകള് മാറി. പോലീസിനോടുള്ള നമ്മുടെ ധാരണയില് വന് മാറ്റം സംഭവിച്ചു. പോലീസുകാരുടെ മനുഷ്യത്വ മുഖം നാം കണ്ടു. ആരോഗ്യ പ്രവര്ത്തകരെ അഭിനന്ദിക്കാന് നാം തയ്യാറായി. ഇതിന് വേണ്ടി സോഷ്യല് മീഡിയ പ്ലാറ്റ്ഫോമുകള് ഉപയോഗിക്കാനും ആരംഭിച്ചു. ഇന്ത്യ മൊത്തത്തില് മാറുകയാണെന്നും മോദി പറഞ്ഞു.
എല്ലാദിവസവും ഈ മാറ്റം എല്ലാവരും അറിയുന്നു. നമ്മുടെ ധാരണകളില് വന്ന മാറ്റം ഭാവിയില് മികച്ച രീതിയില് സ്വാധീനിക്കും. മാസ്ക് ധരിക്കുക എന്നത് ജീവിതത്തിന്റെ ഭാഗമാകണം. മുമ്പ് ഇങ്ങനെ സംഭവിച്ചിട്ടില്ല. പുതിയ യാഥാര്ഥ്യത്തെ ഇന്ത്യക്കാര് സ്വീകരിക്കുകയാണ്. പുരാതന അധ്യാപനങ്ങളിലേക്ക് ഇന്ത്യ തിരിച്ചുപോകണം. ഒട്ടേറെ രാജ്യങ്ങളെ പ്രതിസന്ധി വേളയില് നാം സഹായിച്ചു. വിദേശത്ത് നടക്കുന്ന പഠനത്തിനും കണ്ടെത്തലുകള്ക്കുമാണ് യുവജനങ്ങള് കൂടുതല് പ്രാധാന്യം നല്കുന്നത്. ഇന്ത്യയുടെ അധ്യാപനങ്ങളോട് താല്പ്പര്യമില്ലാത്ത സമീപനം മാറണമെന്നും മോദി ആവശ്യപ്പെട്ടു.
പ്രതിസന്ധി വേളയില് നമുക്ക് മറ്റുള്ള എല്ലാവരെയും സഹായിക്കണമെന്നില്ല. പക്ഷേ സൗഹൃദരാജ്യങ്ങളെ നാം ഓര്ത്തു, അവരെ സഹായിച്ചു. മരുന്നുകള് എത്തിച്ചുനല്കി. ഇന്ത്യയുടെ സഹായത്തിന് ഒട്ടേറെ വിദേശരാജ്യങ്ങള് അഭിനന്ദനം അറിയിച്ചു. ലോകം മൊത്തം ആയുര്വേദത്തിലേക്കും യോഗയിലേക്കും തിരിച്ചുവരികയാണ്. ഇന്ത്യയുടെ അധ്യാപനങ്ങളില് കൂടുതല് വിശ്വാസം നമുക്കുണ്ടാവണമെന്നും മോദി അഭ്യര്ഥിച്ചു.
പുതിയ സാഹചര്യത്തില് ആഘോഷങ്ങള് എങ്ങനെ വേണമെന്ന് നാം മനസിലാക്കി. റംസാന് മാസം തുടങ്ങിയിരിക്കുന്നു. കഴിഞ്ഞ റംസാനില് ആരെങ്കിലും കരുതിയോ, അടുത്ത റംസാന് ഇത്തരത്തലാകുമെന്ന്. ഇനി പെരുന്നാള് വരുമ്പോഴും നാം അതിന്റേതായ രീതിയില് ആഘോഷിക്കും. നമ്മുടെ ആഘോഷം, ജീവിതം തുടങ്ങി എല്ലാം കൊറോണ മാറ്റിമറിച്ചു. ക്രിസ്ത്യാനികള് ഈസ്റ്റര് അവരുടെ വീടുകളില് ആഘോഷിച്ച കാര്യവും മോദി ചൂണ്ടിക്കാട്ടി.
Click it and Unblock the Notifications
Sign in with Google