തൂക്കിലേറ്റുന്നതിന്റെ ഡെമോയ്ക്കിടെ പണി പാളി; പോലീസുകാരന് പിന്നീട് സംഭവിച്ചത്!!!

മുംബൈ: കുറ്റവാളികളെ തൂക്കിലേറ്റുന്നതിന്റെ മാതൃക കാണിച്ച പോലീസ് കോണ്‍സ്റ്റബിള്‍ ഗുരുതരാവസ്ഥയില്‍. ഭാര്യയെ കാണിക്കുന്നതിനായിജയിലുകളില്‍ കുറ്റവാളികളെ തൂക്കിലേറ്റുന്നത് എങ്ങനെയെന്ന് ചെയ്തു കാണിക്കുന്നതിനിടെ അബദ്ധത്തില്‍ കഴുത്തില്‍ കയര്‍ മുറുകുകയായിരുന്നു. തിങ്കളാഴ്ച വൈകിട്ട് 4.30 ഓടെ മുംബൈയിലെ ബന്ദുപ്പ് ഗ്രാമത്തിലായിരുന്നു സംഭവം.

മുംബൈ പോലീസിലെ ലോക്കല്‍ ആംസ് ഡിവിഷനിലെ പോലീസ് കോണ്‍സ്റ്റബിളായ ഗോവിന്ദ് ബാലാജി ദേവ്‌ഡെയ്ക്കാണ് പരിക്കേറ്റതെന്ന് തിരിച്ചറിഞ്ഞിട്ടുണ്ട്. വൈകിട്ട് ജോലി കഴിഞ്ഞ് വീട്ടില്‍ തിരിച്ചെത്തിയ ഗോവിന്ദ് മഴയില്‍ നനഞ്ഞ തുണി ഉണക്കുന്നതിനായി അഴ കെട്ടുന്നതിനിടെയാണ് ഭാര്യയുടെ സാരി ഉപയോഗിച്ച് കുരുക്കുണ്ടാക്കി തൂക്കിലേറ്റുന്നതിന്റെ മാതൃക കാണിച്ചതെന്ന് പോലീസ് പറയുന്നു.

കഴുത്തില്‍ കുരുക്കിട്ടതും ഗോവിന്ദ് നിന്നിരുന്ന സ്റ്റൂള്‍ അബദ്ധത്തില്‍ തെന്നിമാറിയതാണ് അപകടകാരണം. ഉടന്‍ തന്നെ ഇയാളെ ആശുപത്രിയില്‍ പ്രവേശിപ്പിച്ചെങ്കിലും ഗുരുതരാവസ്ഥയില്‍ തന്നെ തുടരുകയാണ്.

English summary

Mumbai police constable who hanged self accidently whe do demo for wife.