കേന്ദ്രമന്ത്രിയുടെ സുഹൃത്തായ ബിജെപി നേതാവിന്റെ പെട്രോള് പമ്പില് വന് തട്ടിപ്പ്; പോലീസ് റെയ്ഡ്
നാഗ്പൂര്: കേന്ദ്രമന്ത്രി നിതിന് ഗഡ്കരിയുടെ അടുത്ത സുഹൃത്തും ബിജെപി നേതാവുമായ നാഗ്പൂരിലെ നവനീത് സിങ് തുലിയുടെ പെട്രോള് പമ്പില് വന് തട്ടിപ്പ് കണ്ടെത്തി. നാഗ്പൂര് സിറ്റി ബിജെപി വൈസ് പ്രസിഡന്റ് ആണ് തുലി. പെട്രോള് വെന്ഡിങ് മെഷീനില് മൈക്രോചിപ്പ് ഘടിപ്പിച്ചായിരുന്നു തുലി തട്ടിപ്പ് നടത്തിയതെന്ന് പോലീസ് പറഞ്ഞു.
പെട്രോള് പമ്പുകളില് മൈക്രോ ചിപ്പ് വിതരണം ചെയ്ത വമ്പന് സംഘത്തെ കഴിഞ്ഞമാസം പോലീസ് അറസ്റ്റ് ചെയ്തിരുന്നു. പത്തുവര്ഷത്തോളമായി രാജ്യത്തിന്റെ പല ഭാഗത്തും പെട്രോള് പമ്പുകളില് ചിപ്പ് വിതരണം ചെയ്യുന്ന വിവേക്, അവിനാശ് എന്നിവരാണ് പിടിയിലായത്. ഇവരില് നിന്നും ലഭിച്ച സൂചന പ്രകാരമായിരുന്നു തുലിയുടെ രബ്ജ്യോത് ഓട്ടോമൊബൈല്സ് പെട്രോള് പമ്പില് പരിശോധന നടത്തിയത്.
പരിശോധനയില് പമ്പിലെ രണ്ട് മെഷീനുകളിലും ചിപ്പ് ഘടിപ്പിച്ചതായി കണ്ടെത്തി. പമ്പുകളില് പെട്രോള് അടിക്കാനെത്തുന്നവരെ കബളിപ്പിക്കുന്നതാണ് ചിപ്പ്. മെഷീനില് കൃത്യമായ അളവ് കാണിക്കുമെങ്കിലും വാഹനത്തില് അരലിറ്ററോളം കുറച്ചുമാത്രമേ പെട്രോള് അടിക്കുകയുള്ളൂ. അതായത്, അഞ്ച് ലിറ്റര് പെട്രോള് അടിക്കാനെത്തിയയാളുടെ വാഹനത്തില് 4.5 ലിറ്റര് പെട്രോള് മാത്രമേ അടിക്കുകയുള്ളൂ. എന്നാല്, മെഷീനില് 5 ലിറ്റര് കാണിക്കുകയും ചെയ്യും.
പരിശോധനയില് തട്ടിപ്പ് വ്യക്തമായതോടെ തുലിയുടെ രണ്ട് പെട്രോള് പമ്പുകളും സീല് ചെയ്തു. ഇതോടെ നഗരത്തിലെ മറ്റു പമ്പുകടമകളും കുടുക്കിലായേക്കുമെന്നാണ് റിപ്പോര്ട്ട്. പിടിയിലായ സംഘത്തെ ചോദ്യം ചെയ്യുന്നതോടെ ഇവര് ഏതൊക്കെ പമ്പുകളില് ചിപ്പ് വിതരണം ചെയ്തിട്ടുണ്ടെന്ന് വ്യക്തമാകുമെന്ന് പോലീസ് അറിയിച്ചു.
-
സുഖസൗകര്യം വര്ധിക്കും; സാമ്പത്തിക വഞ്ചന സൂക്ഷിക്കണം, വിദേശത്തുള്ളവര്ക്കു ഭാഗ്യാനുഭവം, നാൾഫലം -
ബെംഗളൂരു നിവാസികൾക്ക് ആശങ്ക; യെലഹങ്ക പവർ പ്ലാന്റ് അടച്ചു, നഗരത്തിലെ വൈദ്യുതി വിതരണത്തെ ബാധിച്ചേക്കും -
അവസാന ശ്രമമായി പിണറായിയുടെ വിളി, സുധാകരനെ അനുനയിപ്പിക്കാൻ സിപിഎം നേതാക്കൾ വീണ്ടും വീട്ടിലെത്തി -
മോണാലിസയ്ക്ക് പ്രായം പതിനേഴോ പതിനെട്ടോ? സോഷ്യല് മീഡിയയില് ചര്ച്ച: മറുപടിയുമായി ദമ്പതികള് -
'രസികനി'ലെ ആ വികൃതിപ്പയ്യൻ; നടൻ ഹരിമുരളിയെ മരിച്ച നിലയിൽ കണ്ടെത്തി -
വെള്ളാപ്പള്ളി തെറിച്ചു..! എസ്എന്ഡിപി ജനറല് സെക്രട്ടറി സ്ഥാനത്തുനിന്ന് മാറ്റി ഹൈക്കോടതി -
സ്വർണ വില ഉച്ചയ്ക്കും ഇടിഞ്ഞു; മഞ്ഞലോഹത്തിൻ്റെ കുതിപ്പ് തീർന്നോ? ഇനി വിലക്കുറവിൻ്റെ നാളുകളോ? -
"രാജ്യം സുരക്ഷിതമായ കൈകളിൽ"; പ്രധാനമന്ത്രിയെ പുകഴ്ത്തി മോഹൻലാൽ -
പാചകവാതക ക്ഷാമത്തില് നില്ക്കില്ല.. ഇനി പെട്രോളും ഡീസലും കിട്ടില്ല! കാരണം മോദിയുടെ നയമെന്ന് ഐസക് -
അമ്പലപ്പുഴയിൽ വിഎസിന്റെ മകൻ വിഎ അരുൺ കുമാറിനെ ഇറക്കാൻ സിപിഎം; ലക്ഷ്യം ജി സുധാകരനോ? -
ദേശീയപാത 66; ചർക്കള-നീലേശ്വരം, നീലേശ്വരം-തളിപ്പറമ്പ് റീച്ചുകളുടെ പ്രവർത്തനം അന്തിമഘട്ടത്തിലേക്ക് -
ജി സുധാകരൻ സിപിഎം വിട്ടു, സ്വതന്ത്രനായി മത്സരിക്കും; 'കോൺഗ്രസിന്റെയോ ബിജെപിയുടെയോ പിന്തുണ തേടില്ല'
Click it and Unblock the Notifications
Sign in with Google