• search

യോഗിയുടെ റാലിയിൽ മുസ്ലീം സ്ത്രീയുടെ പർദ്ദ അഴിപ്പിച്ചു, അതും പരസ്യമായി! സുരക്ഷാ ഭീഷണിയെന്ന്...

  • By
Subscribe to Oneindia Malayalam
For Quick Alerts
ALLOW NOTIFICATIONS
For Daily Alerts
    cmsvideo
      യോഗിയുടെ റാലിയില്‍ പങ്കെടുക്കാനെത്തിയ മുസ്ലിം സ്ത്രീയുടെ ബുര്‍ഖയഴിപ്പിച്ചു, വീഡിയോ വൈറല്‍‌

      ലഖ്നൗ: ഉത്തർപ്രദേശിൽ ബിജെപിയെ വെട്ടിലാക്കി പുതിയ വിവാദം. മുഖ്യമന്ത്രി യോഗി ആദിത്യനാഥിന്റെ റാലിയിൽ പങ്കെടുത്ത മുസ്ലീം സ്ത്രീയുടെ പർദ്ദ അഴിപ്പിച്ചതാണ് വിവാദമായിരിക്കുന്നത്. സ്ഥലത്തുണ്ടായിരുന്ന വനിതാ പോലീസുദ്യോഗസ്ഥരാണ് മുസ്ലീം സ്ത്രീയുടെ പർദ്ദ അഴിപ്പിച്ചത്.

      34 ശതമാനം മലയാളികളും സ്ഥിരം കുടിയന്മാർ! പക്ഷേ, വീടും ബാറും മലയാളിക്ക് ഇഷ്ടമല്ല, പിന്നെ?

      സൈനബയുടെ മലപ്പുറത്തെ വീട്ടിൽ എൻഐഎ സംഘം! പോപ്പുലർ ഫ്രണ്ട് വനിതാ നേതാവിനെ ചോദ്യം ചെയ്തു...

      ഉത്തർപ്രദേശിലെ ബാലിയയിൽ കഴിഞ്ഞദിവസമായിരുന്നു സംഭവം. മുഖ്യമന്ത്രിയുടെ റാലിയിൽ പങ്കെടുക്കാനെത്തിയ സൈറ എന്ന യുവതിക്കാണ് പരസ്യമായി പർദ്ദ അഴിച്ചുമാറ്റേണ്ടി വന്നത്. ഈ സമയത്ത് മുഖ്യമന്ത്രി യോഗി ആദിത്യനാഥടക്കമുള്ള ബിജെപി നേതാക്കൾ വേദിയിലുണ്ടായിരുന്നു. പരിപാടിക്കെത്തിയ മാധ്യമപ്രവർത്തകരാണ് പോലീസ് ഉദ്യോഗസ്ഥർ പർദ്ദ അഴിപ്പിക്കുന്ന സംഭവം ക്യാമറയിൽ പകർത്തിയത്. ഈ ദൃശ്യങ്ങൾ പിന്നീട് സോഷ്യൽ മീഡിയയിൽ വൈറലാകുകയും ചെയ്തു.

      റാലിയിൽ...

      റാലിയിൽ...

      ഉത്തർപ്രദേശ് മുഖ്യമന്ത്രി യോഗി ആദിത്യനാഥിന്റെ റാലിയിലാണ് വിവാദമായ സംഭവമുണ്ടായത്. യോഗിയുടെ റാലിക്ക് ബാലിയയിൽ സംഘടിപ്പിച്ച സ്വീകരണത്തിലായിരുന്നു വനിതാ പോലീസ് ഉദ്യോഗസ്ഥർ മുസ്ലീം സ്ത്രീയുടെ പർദ്ദ അഴിപ്പിച്ചത്. റാലിയിൽ പങ്കെടുക്കാനെത്തിയ സൈറ എന്ന ബിജെപി പ്രവർത്തകയ്ക്കാണ് പരസ്യമായി പർദ്ദ അഴിച്ചുമാറ്റേണ്ടി വന്നത്.

      അഴിപ്പിച്ചു...

      അഴിപ്പിച്ചു...

      കറുത്ത നിറത്തിലുള്ള പർദ്ദയണിഞ്ഞാണ് സൈറ റാലിയിൽ പങ്കെടുക്കാനെത്തിയത്. സ്വീകരണ സമ്മേളനം പുരോഗമിക്കുന്നതിനിടെ ഏതാനും ചില വനിതാ പോലീസ് ഉദ്യോഗസ്ഥർ സൈറയുടെ അടുത്തെത്തി. തുടർന്ന് സൈറയോട് പർദ്ദ അഴിച്ചുമാറ്റാൻ ആവശ്യപ്പെട്ടു. ഉടൻതന്നെ സൈറ പരസ്യമായി പർദ്ദ അഴിച്ചുമാറ്റി.

      വൈറൽ...

      വൈറൽ...

      എന്നാൽ പോലീസ് ഉദ്യോഗസ്ഥർ നിർബന്ധിപ്പിച്ച് പർദ്ദ അഴിപ്പിക്കുന്ന ദൃശ്യങ്ങൾ മാധ്യമപ്രവർത്തകർ ക്യാമറയിൽ പകർത്തിയിരുന്നു. പിന്നീട് ഈ ദൃശ്യങ്ങൾ സോഷ്യൽ മീഡിയയിലടക്കം വൈറലായി. പോലീസ് നടപടി വിവാദമായതോടെ സംഭവത്തെക്കുറിച്ച് അന്വേഷണം നടത്തുമെന്ന് ബാലിയ എസ്പി വ്യക്തമാക്കിയിട്ടുണ്ട്.

      സുരക്ഷ...

      സുരക്ഷ...

      സുരക്ഷാ ഭീഷണി മുൻനിർത്തിയാണ് പർദ്ദ അഴിപ്പിച്ചതെന്നാണ് പോലീസ് ഭാഷ്യം. നേരത്തെ, മുഖ്യമന്ത്രിയുടെ റാലി മീററ്റിൽ എത്തിയപ്പോൾ ഏതാനും യുവാക്കൾ കരിങ്കൊടി കാണിച്ചിരുന്നു. ഇക്കാരണത്താൽ ബാലിയയിലെ സ്വീകരണ പരിപാടിയിൽ കറുപ്പ് നിറത്തിലുള്ള വസ്ത്രങ്ങൾക്ക് നിയന്ത്രണം ഏർപ്പെടുത്തി. എന്നാൽ സൈറയെന്ന ബിജെപി പ്രവർത്തക കറുപ്പ് നിറത്തിലുള്ള പർദ്ദ അണിഞ്ഞാണ് പരിപാടിക്കെത്തിയത്. തുടർന്ന് അവരോട് നിയന്ത്രണത്തെക്കുറിച്ച് സൂചിപ്പിച്ചപ്പോൾ സ്വമേധയാ പർദ്ദ അഴിച്ചുമാറ്റുകയായിരുന്നു എന്നാണ് വനിതാ പോലീസ് ഉദ്യോഗസ്ഥർ പറഞ്ഞത്.

      English summary
      police removed muslim woman's burga at yogi's rally.

      Oneindia യില് നിന്നും തല്സമയ വാര്ത്തകള്ക്ക്
      ഉടനടി വാര്ത്തകള് ദിവസം മുഴുവന് ലഭിക്കാന്

      X
      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more