ഹൃദയാഘാതം; നടന് വിക്രം ആശുപത്രിയില്, ആയുരാരോഗ്യം നേർന്ന് ആരാധകർ
ചെന്നൈ: നടന് വിക്രമിനെ ആശുപത്രിയില് പ്രവേശിപ്പിച്ചു. ദേഹാസ്വാസ്ഥ്യം അനുഭവപ്പെട്ടതിനെ തുടര്ന്ന് ചെന്നൈയിലെ ആശുപത്രിയില് പ്രവേശിപ്പിക്കുകയായിരുന്നു. ചെന്നൈയിലെ കാവേരി ആശുപത്രിയിലാണ് താരത്തെ പ്രവേശിപ്പിച്ചത്. നെഞ്ചു വേദന അനുഭവപ്പെട്ടതിനെ തുടര്ന്നാണെന്നാണ് റിപ്പോര്ട്ടുകള്.
'സൂപ്പര് താരങ്ങള്ക്ക് 5 മുതല് 15 കോടി, പടം പൊട്ടിയാലും പ്രതിഫലം കൂട്ടുന്നു; ഇനിയും തുടരാനാകില്ല'
വിക്രമിനെ ഹൃദയാഘാതത്തെ തുടര്ന്നാണ് ആശുപത്രിയില് പ്രവേശിപ്പിച്ചതെന്ന് ദേശീയ മാധ്യമങ്ങള് റിപ്പോര്ട്ട് ചെയ്യുന്നു. അദ്ദേഹത്തിന്റെ ആരോഗ്യനില സംബന്ധിച്ച് ആശുപത്രി ഇതുവരെ ഒരു വിവരവും പങ്കുവച്ചിട്ടില്ല പങ്കുവെച്ചിട്ടില്ല. ഇന്ന് വൈകുന്നേരം 6 മണിക്ക് ചെന്നൈയില് നടക്കാനിരിക്കുന്ന തന്റെ വരാനിരിക്കുന്ന ചിത്രമായ പൊന്നിയിന് സെല്വന്റെ ടീസര് ലോഞ്ചില് അദ്ദേഹം പങ്കെടുക്കേണ്ടതായിരുന്നു.
ആശുപത്രിയില് പ്രവേശിപ്പിച്ച വാര്ത്ത പുറത്തുവന്നതോടെ ആരാധകര് ഞെട്ടലിലാണ്. നിരവധി ആരാധകരാണ് അദ്ദേഹത്തിന് ആയുരാരോഗ്യ സൗഖ്യം നേരുന്നത്. മണിരത്നത്തിന്റെ പൊന്നിയിന് സെല്വന്, സംവിധായകന് പാ രഞ്ജിത്തിനൊപ്പമുള്ള ഒരു പുതിയ ചിത്രം എന്നിവയുള്പ്പെടെ നിരവധി സിനിമകള് വിക്രമിന്റെ വരാനിരിക്കുന്നത്. ഇവയൊക്കെ നിര്മ്മാണത്തിന്റെ വിവിധ ഘട്ടങ്ങളിലാണ്.
തന്റെ മകനും നടനുമായ ധ്രുവ് വിക്രം നായകനായി അഭിനയിച്ച കാര്ത്തിക് സുബ്ബരാജ് സംവിധാനം ചെയ്ത മഹാനിലാണ് അദ്ദേഹം ഏറ്റവും ഒടുവിലായി അഭിനയിച്ചത്. ഒടിടി പ്ലാറ്റ്ഫോമായ ആമസോണ് പ്രൈം വീഡിയോയിലാണ് ചിത്രം പ്രദര്ശിപ്പിച്ചത്. അദ്ദേഹത്തിന്റെ വരാനിരിക്കുന്ന ചിത്രം കോബ്ര ഓഗസ്റ്റ് 11 ന് സ്ക്രീനുകളില് എത്തും. ഇമൈക്ക നൊടികള് ഫെയിം അജയ് ജ്ഞാനമുത്തുവാണ് ചിത്രം സംവിധാനം ചെയ്യുന്നത്.
മുന് ഇന്ത്യന് ക്രിക്കറ്റ് താരം ഇര്ഫാന് പത്താന്, ശ്രീനിധി ഷെട്ടി, മിര്ണാളിനി രവി, കെഎസ് രവികുമാര്, മിയ ജോര്ജ്ജ് എന്നിവരും ചിത്രത്തില് പ്രധാന വേഷത്തിലെത്തുന്നുണ്ട്. ഐശ്വര്യ റായ് ബച്ചന്, കാര്ത്തി, ജയം രവി, ശരത് കുമാര്, തൃഷ എന്നിവര് അണിനിരക്കുന്ന പൊന്നിയിന് സെല്വന്: ഭാഗം 1 സെപ്റ്റംബര് 30 ന് റിലീസ് ചെയ്യും.
Recommended Video
അഹാന...ഈ ചിരി..അതാണ് ഞങ്ങളെ മയക്കുന്നത് ; ദുബായില് അടിച്ചുപൊളിച്ച് താരം