പ്രശസ്ത നടന് ദണ്ഡപാണി അന്തരിച്ചു
ചെന്നൈ: പ്രശസ്ത തമിഴ് നടന് ദണ്ഡപാണി അന്തരിച്ചു. 71 വയസ്സായിരുന്നു. ഹൃദയാഘാതത്തെ തുടര്ന്ന് ഇന്ന് (20-07-2014- ഞായര്) രാവിലെ ചെന്നൈയിലെ സ്വകാര്യ ആശുപത്രിയിലാണ് അന്ത്യം.
2004-ല് പുറത്തിറങ്ങിയ കാതല് എന്ന തമിഴ് ചിത്രത്തിലൂടെയാണ് വെള്ളിത്തിരയിലേക്കെത്തിയത്. ചിത്രത്തിലെ അഭിനയം ശ്രദ്ധിക്കപ്പെട്ടതോടെ കാതല് ദണ്ഡപാണി എന്നാണ് അദ്ദേഹം പിന്നീട് അറിയപ്പെട്ടത്. വില്ലന് വേഷങ്ങളിലാണ് ദണ്ഡപാണി തിളങ്ങിയത്.
മമ്മൂട്ടി നായകനായ രാജമാണിക്യം, പോക്കിരി രാജ എന്നീ ചിത്രങ്ങളിലൂടെ മലയാളികള്ക്കും ദണ്ഡപാണി പരിചിതനാണ്. പുതിയ ചിത്രമായ 'ശണ്ടമാരുതലി'ന്റെ ചിത്രീകരണം പുരോഗമിക്കുന്നതിനിടെയാണ് മരണം സംഭവിച്ചത്.
തമിഴിനു പുറമെ തെലുങ്കിലും ദണ്ഡപാണിയുടെ വില്ലന് വേഷങ്ങള് ശ്രദ്ധിക്കപ്പെട്ടിരുന്നു. ഇംഗ്ലീഷുകാരന്, സിത്തിരം പേശുതടി, മുനി, കൃഷ്ണ, വരുത്തപ്പടാത വാലിഭര് സംഘം തുടങ്ങിയ ചിത്രങ്ങളില് അദ്ദേഹം തന്റെ അഭിനയ പാടവം തെളിയിച്ചു.