മൂത്ത മകളുടെ വിവാഹം നടത്താന്‍ മൂന്ന് മക്കളെ വിറ്റു

നാഗപട്ടണം: ബാധ്യതകള്‍ കൂടിയപ്പോള്‍ മൂന്ന് പെണ്‍മക്കളെ പണത്തിന് വിറ്റ അച്ഛനും അമ്മയും പിടയില്‍. തമിഴ്‌നാട്ടില്‍ നാഗപട്ടണം ജില്ലയിലെ കാരയ്ക്കലാണ് സംഭവം. ഓരോരുത്തരെയും 20,000 യ്ക്കാണ് വിറ്റത്. ഈ തുകകൊണ്ട് ദമ്പതികള്‍ തങ്ങളുടെ മൂത്ത മകളുടെ വിവാഹം നടത്തി. സംഭവത്തില്‍ പെണ്‍കുട്ടികളുടെ മാതാപിതാക്കളെ കൂടാതെ ആറ് പേര്‍ പിടിയിലായി.

ഗുണശേഖരന്‍- കലൈരാശി ദമ്പതികളുടെ പത്തും പന്ത്രണ്ടും പതിമൂന്നും വയസ്സുള്ള മക്കളെയാണ് ഒരു മാസം മുമ്പ് കാരയ്ക്കല്‍ സ്വദേശികളായ അമീര്‍ അലി, ജിന്നത്ത് നിഷ എന്നിവര്‍ക്ക് വിറ്റത്. കുട്ടികളെ വാങ്ങിയവരില്‍ ഒരാള്‍ ഒരു പെണ്‍കുട്ടിയെ തങ്ങളുടെ പലചരക്കു കടയില്‍ ജോലിക്ക് നിര്‍ത്തി. മറ്റയാള്‍ ഒരു പെണ്‍കുട്ടിയെ തന്റെ വീട്ടിലും മൂന്നമത്തെയാളെ ഒരു ബന്ധുവിന്റെ വീട്ടിലും ജോലിക്ക് നിര്‍ത്തി.

ഒടുവില്‍ പെണ്‍കുട്ടികളില്‍ ഒരാള്‍ മറ്റ് രണ്ട് പേരെയും അറിയ്ച്ച് മൂന്നിടത്തുനിന്നും രക്ഷപ്പെട്ടു. അസമയത്ത് മൂന്ന് പെണ്‍കുട്ടികള്‍ ബാഗുമായി കാരയ്ക്കല്‍ ബസ്റ്റാന്റില്‍ നില്‍ക്കുന്നതുകണ്ട നാട്ടുകാര്‍ വിവരം പൊലീസില്‍ അറയിക്കുകയായിരുന്നു. പൊലീസ് എത്തി ചോദ്യം ചെയ്തപ്പോഴാണ് വിവരം പുറത്തറിഞ്ഞത്.

കേരളത്തിലെ ഒരു ഇഷ്ടിക കമ്പനിയില്‍ ജോലി ചെയ്യുന്ന ദമ്പതികള്‍ക്ക് ആറ് പെണ്‍മക്കളും രണ്ട് ആണ്‍മക്കളുമാണുള്ളത്. മൂത്ത മകളുടെ വിവാഹം നടത്തനാണത്രെ മറ്റ് മൂന്ന് പേരെയും വിറ്റത്. ദമ്പതികള്‍ക്കെതിരെ പൊലീസ് കേസ് രജിസ്റ്റര്‍ ചെയ്തിട്ടുണ്ട്. കുട്ടികളെ ശാരീരികമായി പീഡിപ്പിച്ചിട്ടില്ലെന്ന് പൊലീസ് അറിയിച്ചു.

English summary

Social welfare officials and police on Wednesday rescued three minor girls, who were sold by their parents for Rs 20,000 each to a couple in Karaikal. Police arrested six people in this connection, including the victims' parents.