സുപ്രീം കോടതി ശിക്ഷയായ ഒരു രൂപ പിഴ അടക്കുമെന്ന് പ്രശാന്ത് ഭൂഷൺ, 'സത്യമേവ ജയതേ, ജനാധിപത്യം വാഴട്ടെ'!
ദില്ലി: കോടതിയലക്ഷ്യക്കേസില് സുപ്രീം കോടതി വിധിച്ച ശിക്ഷയായ ഒരു രൂപ പിഴ അടയ്ക്കുമെന്ന് പ്രശാന്ത് ഭൂഷണ്. ദില്ലിയില് വാര്ത്താ സമ്മേളനത്തിലാണ് പ്രശാന്ത് ഭൂഷണ് ഇക്കാര്യം അറിയിച്ചത്. പ്രശാന്ത് ഭൂഷണ് ഒരു രൂപ നാണയവുമായി ഇരിക്കുന്ന ചിത്രം സോഷ്യല് മീഡിയയില് വൈറലായിരുന്നു. കേസ് അദ്ദേഹത്തിന് വേണ്ടി സുപ്രീം കോടതിയില് വാദിച്ച മുതിര്ന്ന അഭിഭാഷകന് രാജീവ് ധവാന് ആണ് കോടതി വിധിക്ക് പിന്നാലെ തനിക്ക് ഒരു രൂപ സംഭാവന ചെയ്തത് എന്ന് പ്രശാന്ത് ഭൂഷണ് ചിത്രത്തിനൊപ്പം ട്വിറ്ററില് കുറിച്ചു.
സുപ്രീം കോടതി വിധിക്കെതിരെ റിവ്യൂ ഹര്ജി സമര്പ്പിക്കുന്നില്ലെന്നും കോടതി പറഞ്ഞത് പ്രകാരം പിഴ ഒടുക്കുമെന്നും പ്രശാന്ത് ഭൂഷണ് വാര്ത്താ സമ്മേളനത്തില് പറഞ്ഞു. തന്റെ ട്വീറ്റുകള് സുപ്രീം കോടതിയെ അപമാനിക്കാനുദ്ദേശിച്ചുളളവ ആയിരുന്നില്ല. സുപ്രീം കോടതിയുടെ മികച്ച റെക്കോര്ഡില് നിന്നുളള വ്യതിചലനം കണ്ടപ്പോഴുണ്ടായ നിരാശയില് നിന്നുളള പ്രതികരണമായിരുന്നു ആ ട്വീറ്റുകള് എന്നും പ്രശാന്ത് ഭൂഷണ് പറഞ്ഞു.
മുതിര്ന്ന അഭിഭാഷകന് രാജീവ് ധവാനും തന്റെ ലീഗല് ടീമിനും നന്ദി പറയുന്നു. തനിക്കിപ്പോള് മുന്പത്തേക്കാളുമധികം ആത്മവിശ്വാസമുണ്ട്. സത്യം വിജയിക്കും എന്ന് തന്നെ താന് വിശ്വസിക്കുന്നു. സത്യമേവ ജയതേ. ജനാധിപത്യം വാഴട്ടെ എന്നും പ്രശാന്ത് ഭൂഷണ് പറഞ്ഞു. ഈ കേസ് നിരവധി ആളുകള്ക്ക് അനീതിക്കെതിരെ ശബ്ദം ഉയര്ത്താനുളള പ്രചോദനമായി മാറിയിരിക്കുകയാണ്. ഒരു പൗരന്റെ ഏറ്റവും വലിയ ഉത്തരവാദിത്തം എന്ന നിലയ്ക്കാണ് താന് ആ ട്വീറ്റുകളെ കാണുന്നത് എന്നും പ്രശാന്ത് ഭൂഷണ് പറഞ്ഞു.
തനിക്ക് സുപ്രീം കോടതിയില് എല്ലാക്കാലവും വിശ്വാസമുണ്ട്. ദുര്ബലരും അടിച്ചമര്ത്തപ്പെട്ടവരുമായ ആളുകളുടെ അവസാനത്തെ പ്രതീക്ഷയാണ് സുപ്രീം കോടതിയെന്നും പ്രശാന്ത് ഭൂഷണ് പറഞ്ഞു. കോടതിയലക്ഷ്യക്കേസില് ഒരു രൂപ പിഴ ശിക്ഷയാണ് ഇന്ന് സുപ്രീം കോടതി പ്രശാന്ത് ഭൂഷണ് വിധിച്ചത്. പിഴ അടച്ചില്ലെങ്കില് പ്രശാന്ത് ഭൂഷണ് മൂന്ന് മാസം തടവ് ശിക്ഷ അനുഭവിക്കേണ്ടതായി വരും. പിഴ അടച്ചില്ലെങ്കില് തടവിന് പിറകെ മൂന്ന് വര്ഷത്തേക്ക് പ്രാക്ടീസ് വിലക്കുമെന്നും സുപ്രീം കോടതി വിധിച്ചു. സെപ്റ്റംബര് 15ന് മുന്പ് പിഴ അടക്കം. പിഴ രജിസ്ട്രിയില് കെട്ടി വെയ്ക്കാനാണ് സുപ്രീം കോടതി നിര്ദേശിച്ചിരിക്കുന്നത്. ജസ്റ്റിസുമായ അരുണ് മിശ്ര, ബിആര് ഗവായ്, കൃഷ്ണ മുരാരി എന്നിവര് അടങ്ങുന്ന മൂന്നംഗ ബെഞ്ചാണ് കോടതിയലക്ഷ്യ കേസില് പ്രശാന്ത് ഭൂഷണ് കുറ്റക്കാരനെന്ന് കണ്ടെത്തിയത്.
-
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ?
Click it and Unblock the Notifications
Sign in with Google