ആത്മഹത്യ ചെയ്ത പ്രശസ്ത നടിയുടെ അവസാന ചിത്രം യൂട്യൂബിൽ..!! ഇതൊന്നുമല്ല സത്യമെന്ന് കാമുകൻ..!!

മുംബൈ: ടെലിവിഷന്‍ സീരിയല്‍, റിയാലിറ്റി ഷോ താരം പ്രത്യുഷ ബാനര്‍ജി മരണത്തിന് മുന്‍പ് അഭിനയിച്ച ഷോര്‍ട്ട് ഫിലിം വിവാദത്തിലേക്ക്. പ്രത്യുഷയുടെ കാമുകന്‍ രാഹുല്‍രാജ് ആണ് ചിത്രത്തിനെതിരെ കോടതിയെ സമീപിച്ചിരിക്കുന്നത്. ഹം കുച്ച് കഹ് നാ സകേ എന്ന് പേരിട്ടിരിക്കുന്ന ചിത്രം തന്നെ അപകീര്‍ത്തിപ്പെടുത്തുന്നതാണ് എന്നാണ് രാഹുല്‍ രാജ് ആരോപിക്കുന്നത്. പ്രത്യയുഷയുടെ സുഹൃത്ത് കാമിയ പഞ്ചാബിയാണ് ചിത്രമിപ്പോള്‍ പുറത്തിറക്കിയിരിക്കുന്നത്.

പ്രണയബന്ധത്തിലെ തകര്‍ച്ചയാണ് ഈ ഹ്രസ്വചിത്രത്തിന്റെ പ്രമേയം. പ്രത്യുഷയുടെ ജീവിതവും ഈ ചിത്രവും തമ്മില്‍ സാമ്യമുണ്ടെന്ന് കാമിയ പഞ്ചാബി അവകാശപ്പെടുന്നു. രാഹുലിന്റെ പരാതിയെത്തുടര്‍ന്ന് ചിത്രം റിലീസ് ചെയ്യുന്നത് കോടതി വിലക്കിയിരുന്നു. എന്നാല്‍ പ്രത്യുഷയുടെ ചരമവാര്‍ഷിക ദിനത്തില്‍ ചിത്രം സുഹൃത്ത് കാമിയ യൂട്യൂബ് റിലീസ് ചെയ്യുകയായിരുന്നു.

ആത്മഹത്യ ചെയ്യുന്നതിന് കുറച്ച് ദിവസങ്ങള്‍ക്ക് മുന്‍പാണ് പ്രത്യുഷ ഈ ചിത്രത്തില്‍ അഭിനയിച്ചത്. പ്രത്യുഷയുടെ മരണത്തിന് കാരണം രാഹുല്‍ ആണെന്നും രാഹുലുമായുള്ള പ്രശ്‌നങ്ങളെത്തുടര്‍ന്നാണ് പ്രത്യുഷ ആത്മഹത്യ ചെയ്തതെന്നും കുടുംബം ആരോപിച്ചിരുന്നു. എന്നാല്‍ പ്രത്യുഷ തനിക്കൊപ്പം സന്തോഷവതിയായിരുന്നുവെന്നാണ് രാഹുലിന്റെ വാദം. കാമില പഞ്ചാബി പറയുന്ന കാര്യങ്ങള്‍ അടിസ്ഥാന രഹിതമാണെന്നും രാഹുല്‍ പറയുന്നു. 2016 ഏപ്രില്‍ 1ന് മുംബൈയിലെ വീട്ടിലാണ് പ്രത്യുഷ തൂങ്ങി മരിച്ചത്. ചിത്രം പുറത്ത് വന്നതോടെ പ്രത്യുഷയുടെ മരണം വീണ്ടും ചര്‍ച്ചയാവുകയാണ്.

English summary

Despite of court's stay, Pratyusha Banerjee's last film releases in youtube by friend