• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

പ്രത്യുഷ ബാനര്‍ജിയുടെ പോസ്റ്റുമോര്‍ട്ടം റിപ്പോര്‍ട്ട് പുറത്ത്

  • By Anwar Sadath

മുംബൈ: മുംബൈയിലെ വസതിയില്‍ ആത്മഹത്യ ചെയ്തനിലയില്‍ കണ്ടെത്തിയ നടി പ്രത്യുഷ ബാനര്‍ജിയുടെ പോസ്റ്റുമോര്‍ട്ടം റിപ്പോര്‍ട്ട് ഡോക്ടര്‍മാര്‍ അന്വേഷണ സംഘത്തിന് കൈമാറി. പ്രത്യുഷയുടേത് ആത്മഹത്യയാണെന്നും കൊലപാതകത്തിന്റേതായ യാതൊരു സൂചനയുമില്ലെന്നാണ് റിപ്പോര്‍ട്ടില്‍ വ്യക്തമാക്കിയിരിക്കുന്നത്.

പ്രത്യുഷ ശ്വാസംമുട്ടിയാണ് മരിച്ചത്. കൂടാതെ കഴുത്തില്‍ മുറുകിയ പാടുണ്ടായിരുന്നെന്നും റിപ്പോര്‍ട്ടില്‍ പറയുന്നു. പ്രത്യുഷയുടെ മരണം കൊലപാതകമാണെന്ന വാര്‍ത്തകള്‍ തള്ളുന്നതാണ് പോസ്റ്റുമോര്‍ട്ടം റിപ്പോര്‍ട്ട്. മരണം ആത്മഹത്യയാണെന്ന് ബോധ്യമായതോടെ പോലീസ് അന്വേഷണം മറ്റു നടപടികളിലേക്ക് കടന്നു.

ആത്മഹത്യാ പ്രേരണയ്ക്ക് കുറ്റം ചുമത്തി പ്രത്യുഷയുടെ കാമുകന്‍ രാഹുല്‍ രാജ് സിങ്ങിനെതിരെ പോലീസ് കേസെടുക്കും. രാഹുലിനെ ചോദ്യം ചെയ്യാനായി വിളിപ്പിച്ചശേഷം അറസ്റ്റ് രേഖപ്പെടുത്തിയിട്ടുണ്ട്. വിവാഹ വാഗ്ദാനം നല്‍കിയശേഷം രാഹുല്‍ പിന്മാറിയതാണ് ആത്മഹത്യയ്ക്ക് പ്രേരണയായതെന്നാണ് പുറത്തുവരുന്ന വിവരങ്ങള്‍.

അതിനിടെ, രാത്രിയില്‍ പ്രത്യുഷയുടെ ഉച്ചത്തിലുള്ള കരച്ചില്‍ കേട്ടതായി സമീപവാസി പോലീസിന് മൊഴി നല്‍കി. കരച്ചില്‍ അല്‍പസമയത്തിനുശേഷം നിലച്ചതിനാല്‍ കൂടുതല്‍ സംശയം തോന്നിയില്ലെന്ന് അവര്‍ പോലീസിനോട് പറഞ്ഞു. പ്രത്യുഷയുടെ മരണവുമായി ബന്ധപ്പെട്ട് പഴുതടച്ചുള്ള അന്വേഷണമാണ് പോലീസ് നടത്തുന്നത്.

English summary
Pratyusha Banerjee's post mortem report says she died of asphyxiation
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more