പ്രീതി സിന്‍റെ തിരിച്ചെത്തി ഉടന്‍ മൊഴിയെടുക്കും

മുംബൈ: മുന്‍ കാമുകനും വ്യവസായിയുമായ നെസ് വാഡിയയ്‌ക്കെതിരായ പീഡന കേസില്‍ ബോളിവുഡ് താരം പ്രീതി സിന്റ മൊഴി നല്‍കിയേക്കും. യുഎസിലായിരുന്ന താരം മടങ്ങി മുംബൈയില്‍ എത്തി. തിങ്കളാഴ്ചയോ, ചൊവ്വാഴ്ചയോ കേസില്‍ പ്രീതിയുടെ മൊഴി രേഖപ്പെടുത്തുമെന്നാണ് സൂചന.

ജൂണ്‍ പതിമൂന്നിനാണ് മുന്‍ കാമുകന്‍ വാഡിയയ്‌ക്കെതിരെ മറൈന്‍ ഡ്രൈവ് പൊലീസില്‍ പ്രീതി സിന്റെ പരാതി നല്‍കിയത്. എന്നാല്‍ കേസില്‍ പ്രീതി.യുടെ മൊഴി രേഖപ്പെടുത്താന്‍ ഇവര്‍ വിദേശത്തായതിനാല്‍ സാധിച്ചിരുന്നില്ല.

എന്നാല്‍ പ്രീതിയുടെ മൊഴി രേഖപ്പെടുത്തുന്നത് എവിടെ വച്ചാണെന്ന് വ്യക്തമായ സൂചനയില്ല. മൊഴിയെടുക്കുന്നതിനായി പരാതിക്കാരിയായ സ്ത്രീയെ സ്റ്റേഷനിലേയ്ക്ക് വിളിച്ച് വരുത്തേണ്ടതില്ലാത്തതിനാല്‍ പ്രീതിയുടെ വീട്ടിലെത്തി മൊഴിയെടുക്കാനാകും സാധ്യത.

വിദേശത്തായിരുന്ന പ്രീതിയോട് മടങ്ങിയെത്താനും കേസുമായി സഹകരിയ്ക്കാനും മൊഴി രേഖപ്പെടുത്താനും മുംബൈ പൊലീസ് കമ്മീഷണര്‍ രാകേഷ് മരിയ ആവശ്യപ്പെട്ടിരുന്നു. മെയ് മുപ്പതിമ് വാങ്കഡെ സ്റ്റേഡിയത്തില്‍ ഐപിഎല്‍ മത്സരത്തിനിട വാഡിയ തന്നോട് അപമര്യാദയായി പെരുമാറിയെന്നാണ് പ്രീതി പറയുന്നത്.

English summary

Preity Zinta returns from US to record her statement