വാഡിയ കൈപിടിച്ച് ഞെരിക്കുന്ന ഫോട്ടോ പ്രീതി സിന്റ പൊലീസിന് നല്കി
മുംബൈ: പരസ്യമായി അപമാനിച്ചെന്നു കാണിച്ച് ബോളിവുഡ് നടി പ്രീതി സിന്റെ മുന് കാമുകനും ബിസ്നസുകാരനുമായ നെസ് വാഡിയയ്ക്കെതിരെ നല്കിയ കേസ് പുതിയ വഴിത്തിരിവിലേക്ക്. നെസ് വാഡിയ ഉപദ്രവിക്കുന്ന ഫോട്ടോ പ്രീതി പൊലീസിന് കൈമാറി.
നെസ് വാഡിയ പ്രീതിയുടെ കൈപിടിച്ച് ഞെരിക്കുന്നതടക്കമുള്ള നാലു ഫോട്ടോകളാണ് താരം മുംബൈ പൊലീസിന് കൈമാറിയത്. കേസിലെ നിര്ണായക തെളിവുകളാണിതെന്നും ചിത്രങ്ങള് വിലയിരുത്തി തെളിവെടുപ്പ് നടത്തുമെന്നും പൊലീസ് പറഞ്ഞു. തുടര്ന്നു വായിക്കൂ...
തെളിവ് കിട്ടി
പീഡിപ്പിച്ചെന്ന് പ്രീതി പരാതി നല്കിയെങ്കിലും നെസ് വാഡിയ അത് നിഷേധിക്കുകയായിരുന്നു. എന്നാല് ഇപ്പോഴുള്ള ഫോട്ടോ കേസിന്റെ നിര്ണായക തെളിവാണ്.
സ്റ്റേറ്റ്മെന്റ് വേണം
അതേ സമയം കേസിലെ സാക്ഷികളുടെ സ്റ്റേറ്റ്മെന്റ് നല്കാന് വാഡിയ ഗ്രൂപ്പ് പൊലീസിനോട് ആവശ്യപ്പെട്ടിട്ടുണ്ട്.
സാക്ഷികള്
ഐ പി എല് ചീഫ് ഓപ്പറേറ്റിങ് ഓഫീസര് സുന്ദര് രാമന്, ബി സി സി ഐ സെക്രട്ടറി സഞ്ജയ് പട്ടേല്, കിങ്സ് ഇലവന് പഞ്ചാബ് ടീമിന്റെ ചീഫ് ഓഫീസര് ഫ്രേസര് കസ്റ്റേലിനോ തുടങ്ങിയവര് കേസിലെ പ്രധാന സാക്ഷികളാണ്
പൊലീസ് വിസ്താരം
ഒമ്പത് സാക്ഷികളെയാണ് ഈ കേസില് പൊലീസ് ഇതുവരെ വിസ്തരിച്ചിരിക്കുന്നത്
പ്രീതിയുടെ ആരോപണം
പരസ്യമായി അപമാനിക്കുക, ഉപദ്രവിക്കുക, പീഡിപ്പിക്കുക എന്നീ ആരോപണങ്ങളാണ് പ്രീതി വാഡിയയ്ക്കെതിരെ പറയുന്നത്.
വാഡിയയ്ക്കെതിരെയുള്ള വകുപ്പ്
ഐ പി സി സെക്ഷന് 354, 504, 506, 509 എന്നീ വകുപ്പുകളിലാണ് നെസ് വാഡിയയ്ക്കെതിരെ പൊലീസ് എഫ് ഐ ആര് രജിസ്റ്റര് ചെയ്തിരിക്കുന്നത്.