നരേന്ദ്ര മോദിയും 'ആപ്പ്' ആയി... സോറി, മോദിയ്ക്കും 'ആപ്പ്' ആയി
ദില്ലി: ആപ് എന്ന് കേട്ടാല് പെട്ടെന്ന് അരവിന്ദ് കെജ്രിവാളിന്റ ആം ആദ്മി പാര്ട്ടിയെ ആണ് ഓര്മ വരിക. പ്രധാനമന്ത്രി നരേന്ദ്ര മോദിയ്ക്ക് 'ആപ്' ആയി എന്ന് കേള്ക്കുമ്പോള് ഞെട്ടണ്ട. ഇത് ആ ആപ് അല്ല.
നരേന്ദ്ര മോദിയ്ക്ക് സ്വന്തമായി മൊബൈല്ഫോണ് ആപ്ലിക്കേഷന് തുടങ്ങിയ കാര്യമാണ് പറയുന്നത്. പൊതു ജനങ്ങളുമായി കൂടുതല് സംവദിയ്ക്കുന്നതിന് വേണ്ടിയാണ് ഈ ആപ്പ് തയ്യാറാക്കിയിരിക്കുന്നത്.
നരേന്ദ്ര മോദി തന്നെയാണ് ട്വിറ്ററിലൂടെ ആപ്പിന്റെ കാര്യം ജനങ്ങളെ അറിയിച്ചത്. മോദിയില്നിന്ന് നേരിട്ട് സന്ദേശങ്ങളും ഇ മെയിലുകളും സ്വീകരിയ്ക്കാന് ഇതുവഴി സാധ്യമാകും. വിവരങ്ങള് പ്രധാനമന്ത്രിയെ അറിയിക്കാനുള്ള സൗകര്യവും ഈ ആപ്ലിക്കേഷന് നല്കുന്നുണ്ട്.
Launched 'Narendra Modi Mobile App'. Come, lets stay connected on the mobile! pic.twitter.com/FmHHJSCat8
— Narendra Modi (@narendramodi) June 17, 2015 സര്ക്കാരിന്റെ പ്രവര്ത്തനം മെച്ചപ്പെടുത്തുക എന്നത് തന്നെയാണ് മോദി ലക്ഷ്യം വക്കുന്നത്. സര്ക്കാരുമായി ബന്ധപ്പെട്ട കാര്യങ്ങള് ജനങ്ങളിലേയ്ക്കെത്തിക്കാനും ഈ ആപ്ലിക്കേഷന് സഹായിക്കും.
ഗൂഗിള് പ്ലേ സ്റ്റോറില് നിന്ന് ഈ ആപ്ലിക്കേഷന് ഡൗണ്ലോഡ് ചെയ്യാം. എന്നാല് പ്ലേ സ്റ്റോറില് കയറുമ്പോള് ശ്രദ്ധിയ്ക്കണം മോദിയുടെ പേരില് ഇപ്പോള് തന്നെ ഒരു ഡസണോളം ആപ്ലിക്കേഷനുകള് വേറെയുണ്ട്. മോദിയുടെ മൊബൈല് ആപ്പ് ഡൗണ്ലോഡ് ചെയ്യാം.
Click it and Unblock the Notifications
Sign in with Google