മോദി ബ്രസീലിലേക്ക് പറന്നു
ദില്ലി: ബ്രിക്സ് ഉച്ചകോടിയില് പങ്കെടുക്കന് ഇന്ത്യന് പ്രധാനമന്ത്രി നരേന്ദ്ര മോദി ബ്രസീലിലേക്ക്. തിങ്കള്, ചൊവ്വ ദിവസങ്ങളില് നടക്കുന്ന സമ്മേളനത്തില് ബ്രിക്സ് രാഷ്ട്രങ്ങളുമായി (ബ്രസീല്, ചൈന, റഷ്യ, ദക്ഷിണാഫ്രിക്ക) മോദി ചര്ച്ച നടത്തും.
പ്രധാനമമന്ത്രിയായി അധികാരമേറ്റതിന് ശേഷം മോദി പങ്കെടുക്കുന്ന ആദ്യ ബഹുമുഖ പരിപാടിയാണിത്. ബ്രസീല് പ്രസിഡന്റ് ദില്മ റൂസഫ്, ചൈനീസ് പ്രസിഡന്റ് സി ജിന്പിങ്, റഷ്യന് പ്രസിഡന്റ് വ്ളാഡിമര് പുടിന് തുടങ്ങിയവരുമായാണ് ചര്ച്ച നടത്തുന്നത്.
ലോകബാങ്കിന്റെ കണ്ണാടി എന്നറിയപ്പെടുന്ന ബ്രിക്സ് ബാങ്ക് സ്ഥാപിക്കുന്നതിനുള്ള കരാറും ഉച്ചകോടിയില് ഒപ്പിടും. ബ്രിക്സിനു കീഴില് വരുന്ന രാജ്യങ്ങളുടെ അടിസ്ഥാന സൗകര്യ വികസനത്തിനും സുസ്ഥിര വികസനത്തിനും സാമ്പത്തിക സഹായം ലഭ്യമാക്കുകയാണ് ബ്രിക്സ് ബാങ്ക് കൊണ്ട് ഉദ്ദേശിക്കുന്നത്.
കേന്ദ്ര വാണിജ്യ മന്ത്രി നിര്മലാ സീതാരാമന്, ദേശീയ സുരക്ഷാ ഉപദേഷ്ടാവ് അജിത് ദോവല്, വിദേശകാര്യ സെക്രട്ടറി സുജാത സിംഗ്, ധനകാര്യ സെക്രട്ടറി അരവിന്ദ് മായാറാം എന്നിവരും മോദിയെ അനുഗമിക്കുന്നുണ്ട്.
ബ്രസീലില് വരെ എത്തിയിട്ടും മോദി വേള്ഡ് കപ്പ് ഫൈനല് കാണാതെ മടങ്ങും. വേള്ഡ് കപ്പ് കാണാന് മോദിയ്ക്ക് ക്ഷണമുണ്ടായിരുന്നു. ഫൈനല് കാണണമെങ്കില് രണ്ടു ദിവസം മുമ്പേ പ്രധാനമന്ത്രി ബ്രസീലിലെത്തേണ്ടതുണ്ടായിരുന്നു. ഈ തടസ്സമുള്ളതുകൊണ്ടാണ് ലോകകപ്പ് കാണാന് നില്ക്കാത്തത്.