Click it and Unblock the Notifications
Just In
Don't Miss
-
T20 World Cup 2024: റിഷഭല്ല, ടീമില് വേണ്ടത് സഞ്ജു തന്നെ! കാരണം പറഞ്ഞ് മഞ്ജരേക്കര് -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
പെണ്‍കുട്ടികളെ കമന്റടിച്ച പ്രിന്‍സിപ്പാള്‍ അടക്കം 5 പേര്‍ക്കെതിരെ കേസ്
കാണ്‍പൂര്‍: പോളിടെക്‌നിക് വിദ്യാര്‍ഥിനികളെ കമന്റടിച്ച 5 പേര്‍ക്കെതിരെ പോലീസ് കേസെടുത്തു. കോളേജ് പ്രിന്‍സിപ്പാളും പെണ്‍കുട്ടികളെ കമന്റടിച്ച സംഘത്തിലുണ്ട്. ശനിയാഴ്ചയാണ് കോളേജ് പ്രിന്‍സിപ്പാള്‍ അടക്കം അഞ്ച് പേര്‍ തങ്ങളെ കമന്റടിച്ചതായി പെണ്‍കുട്ടികള്‍ പരാതിപ്പെട്ടത്. ഇവര്‍ക്കെതിരെ നടപടി എടുക്കണമെന്ന് ആവശ്യപ്പെട്ട് ഹോസ്റ്റലില്‍ ഇവര്‍ പ്രതിഷേധിക്കുകയും ചെയ്തു.
വെള്ളിയാഴ്ച രാത്രിയിലാണ് പരാതിക്ക് ആസ്പദമായ സംഭവം നടന്നത്. പെണ്‍കുട്ടികളുടെ മുറികള്‍ പരിശോധിക്കാനായി എത്തിയ പ്രിന്‍സിപ്പാള്‍ എഫ് ആര്‍ ഖാന്‍, സ്‌റ്റെനോഗ്രാഫര്‍ സി കെ ഉപാദ്ധ്യായ, കൂടെയുണ്ടായിരുന്ന മറ്റ് മൂന്ന് പേര്‍ എന്നിവരാണ് പെണ്‍കുട്ടികളോട് അസഭ്യം പറഞ്ഞത്. നവാബ് ഗഞ്ചിലെ ഗവണ്‍മെന്റ് പോളിടെക്‌നിക് കോളേജിലാണ് സംഭവം.
കോളേജ് കോമ്പൗണ്ടിനുള്ളില്‍ നടന്ന ഈ സംഭവത്തിനെതിരെ പ്രതിഷേധിച്ച് പെണ്‍കുട്ടികള്‍ പ്രകടനന നടത്തി. പ്രിന്‍സിപ്പാളിനെതിരെ പ്രതിഷേധക്കാര്‍ മുദ്രാവാക്യം വിളിച്ചു. പ്രിന്‍സിപ്പാള്‍ അടക്കം അഞ്ച് പേരെയും ഉടന്‍ അറസ്റ്റ് ചെയ്യണമെന്നും ഇവര്‍ ആവശ്യപ്പെട്ടു. പെണ്‍കുട്ടികളുടെ പരാതിയെ തുടര്‍ന്ന് പോലീസ് ഇവര്‍ക്കെതിരെ കേസെടുക്കുകയായിരുന്നു.
ഐ പി സി 354, 511 എന്നീ വകുപ്പുകള്‍ പ്രകാരമാണ് കേസെടുത്തിരിക്കുന്നത് എന്ന് സ്വരൂപ് നഗര്‍ സര്‍ക്കിള്‍ ഓഫീസര്‍ ആതിഷ് കുമാര്‍ സിംഗ് പറഞ്ഞു. ഇതുവരെ ആരെയും അറസ്റ്റ് ചെയ്തതായി റിപ്പോര്‍ട്ടില്ല. സംഭവത്തില്‍ പ്രതികരിക്കാന്‍ കോളേജ് പ്രിന്‍സിപ്പാള്‍ എഫ് ആര്‍ ഖാന്‍ തയ്യാറായിട്ടില്ല.
