ആ ഫോട്ടോ കെണിയായി... നടിക്ക് പൊങ്കാല ഇട്ട് ദേശസ്നേഹികൾ...! ഇത് രണ്ടാമത്തെ പുലിവാൽ...!

By Anamika

Updated: Friday, August 10, 2018, 13:11 [IST]

മുംബൈ: സിനിമാ താരങ്ങളുടെ വിശേഷങ്ങള്‍ക്ക് എന്നും കേള്‍വിക്കാര്‍ കൂടുതലാണ്. സ്വകാര്യ വിശേഷങ്ങള്‍ ആയാലും ഗോസിപ്പുകള്‍ ആയാലും വിവാദം ആയാലും കേള്‍വിക്കാര്‍ കൂടും. പ്രസ്താവനകള്‍ കൊണ്ടും പ്രവൃത്തികള്‍ കൊണ്ടും സിനിമാ താരങ്ങള്‍ പുലിവാല്‍ പിടിക്കുന്നത് ആദ്യമല്ല. സ്വാതന്ത്ര്യദിനത്തില്‍ പണി കിട്ടിയിരിക്കുന്നത് ഒരു സൂപ്പര്‍ ഹോട്ട് നടിക്കാണ്. എന്താണെന്നല്ലേ..

പ്രിയങ്ക വിവാദത്തിൽ

ബോളിവുഡില്‍ നിന്നും ഹോളിവുഡിലെത്തി രാജ്യത്തിന്റെ അഭിമാനമുയര്‍ത്തിയ താരമാണ് പ്രിയങ്ക ചോപ്ര. നടിയായും ഗായികയായും ഒക്കെ തിളങ്ങുന്നു പ്രിയങ്ക. ഇടയ്ക്കിടെ താരത്തിനെ പക്ഷേ വിവാദങ്ങള്‍ പിടികൂടുന്നുമുണ്ട്.

പണി ഇൻസ്റ്റഗ്രാം വഴി

നമ്മുടെ രാജ്യത്ത് അടുത്ത കാലത്തായി കാണുന്ന ഒരു പ്രതിഭാസമാണ് രാജ്യസ്‌നേഹവും ദേശസ്‌നേഹവുമൊക്കെ ചിലര്‍ കുത്തകയാക്കി വെച്ചിരിക്കുന്നതും അതിന്റെ സര്‍ട്ടിഫിക്കറ്റുകള്‍ വിതരണം ചെയ്യുന്നതും. ഈ വകുപ്പില്‍ തന്നെയാണ് പ്രിയങ്ക ചോപ്രയ്ക്കും പണി കിട്ടിയിരിക്കുന്നത്.

ദുപ്പട്ടയാണ് വില്ലൻ

താരം തന്റെ ഇന്‍സ്റ്റഗ്രാമില്‍ ഒരു ഫോട്ടോ പോസ്റ്റ് ചെയ്തതില്‍ നിന്നാണ് തുടക്കം. ത്രിവര്‍ണ്ണത്തിലുള്ള ഒരു ദുപ്പട്ട കഴുത്തില്‍ ചുറ്റിയുള്ളതാണ് പ്രിയങ്കയുടെ ചിത്രം. ഇതാകട്ടെ വന്‍ വിമര്‍ശനങ്ങള്‍ക്കാണ് വഴിവെച്ചത്.

അപമാനിച്ചുവെന്ന്

പ്രിയങ്ക ചോപ്ര ദേശീയ പതാകയെ അപമാനിച്ചു എന്നാണ് ഒരു കൂട്ടര്‍ വിമര്‍ശിക്കുന്നത്. ദേശീയ പതാക വസ്ത്രമാക്കി ഉപയോഗിച്ചുവെന്ന് ആരോപിച്ച് കമന്റുകളുടെ പെരുമഴയാണ് പ്രിയങ്കയുടെ ചിത്രത്തിന് താഴെ.

പിന്തുണയുമുണ്ട്

പ്രിയങ്കയെ പിന്തുണയ്ക്കുന്നവരും രംഗത്തുണ്ട്. താരം ഉപയോഗിച്ചത് പതാക അല്ലെന്നും ത്രിവര്‍ണ്ണമുള്ള തുണി മാത്രമാണെന്നും വാദിക്കുന്നവരുണ്ട്. പ്രധാനമന്ത്രി നരേന്ദ്ര മോദി ത്രിവര്‍ണ്ണത്തിലുള്ള തുണി ഉപയോഗിച്ച് മുഖം തുടച്ചതും ചിലര്‍ ഓര്‍മ്മിപ്പിക്കുന്നു.

വിവാദം പുത്തരിയല്ല

നേരത്തെയും പ്രിയങ്ക ഇത്തരത്തില്‍ വിവാദത്തില്‍ അകപ്പെട്ടിരുന്നു. ജര്‍മ്മനിയില്‍ വെച്ച് മോദിയെ കണ്ടപ്പോള്‍ പ്രിയങ്ക ധരിച്ച വസ്ത്രത്തെച്ചൊല്ലിയായിരുന്നു അന്ന് വിവാദം. നഗ്നമായ കാലുകളായിരുന്നു വിവാദം വിഷയം.

കലക്കൻ മറുപടി

കപട സദാചാരബോധവും കൊണ്ട് തനിക്ക് ക്ലാസ്സ് എടുക്കാന്‍ വന്നവര്‍ക്ക് മുന്നില്‍ താരം പക്ഷേ ചൂളിയതേ ഇല്ല. നല്ല കലക്കനൊരു മറുപടിയും കൊടുത്തു. അമ്മയ്‌ക്കൊപ്പം കാലു കാണുന്ന വസ്ത്രമിട്ട് ഫോട്ടോയായിരുന്നു പ്രിയങ്കയുടെ ആ കിടിലന്‍ മറുപടി.