പ്രിയങ്കയുടെ റാലിയിലെ ആള്ക്കൂട്ടം.. പൊളിച്ചടുക്കി വീഡിയോ.. വൈറല്
കോണ്ഗ്രസിന്റെ സ്റ്റാര് കാമ്പെയ്നര് ആയി മാറിയിരിക്കുകയാണ് എഐസിസി ജനറല് സെക്രട്ടറി പ്രിയങ്ക ഗാന്ധി. കിഴക്കന് ഉത്തര്പ്രദേശിന്റെ ചുമതലയാണ് അവര്ക്കുള്ളതെങ്കിലും രാജ്യം മുഴുവന് ഓടി നടന്ന് റാലികളിലും പൊതുയോഗങ്ങളിലും പ്രവര്ത്തകരെ അഭിസംബോധന ചെയ്യുകയാണവര്.
ഉത്തര്പ്രദേശിലെ ഗാസിയാബാദിലും കോണ്ഗ്രസ് സ്ഥാനാര്ത്ഥിയായ ഡോളി ശര്മ്മയ്ക്ക് വേണ്ടി പ്രിയങ്ക പ്രചരണത്തിന് എത്തിയിരുന്നു. പ്രത്യേക റോഡ് ഷോ നടത്തിയായിരുന്നു പ്രിയങ്ക ഗാസിയാബാദില് എത്തിയത്. പ്രവര്ത്തകരുടെ കുത്തൊഴുക്കായിരുന്നു പരിപാടിയില്. എന്നാല് പരിപാടിയില് ആവേശത്തോടെ പങ്കെടുത്ത 'പ്രവര്ത്തകരുടെ" കള്ളി വെളിച്ചത്തായിരിക്കുകയാണിപ്പോള്. പണം കൊടുത്താണ് പരിപാടി ആളുകളെ എത്തിച്ചതെന്ന് തെളിയിക്കുന്ന വീഡിയോ ദേശീയ മാധ്യമമായ ദി പ്രിന്റ് ആണ് പുറത്തുവിട്ടത്. പ്രവര്ത്തകരുടെ പ്രതികരണം തേടുന്നതിനിടയിലാണ് രസകരമായ ചില കാര്യങ്ങള് റിപ്പോര്ട്ടര് പങ്കുവെച്ചത്.
ആവേശത്തോടെ
എഐസിസി ജനറല് സെക്രട്ടറിയായ പ്രിയങ്ക ഗാന്ധി ഉത്തര്പ്രദേശിലെ സ്റ്റാര് കാമ്പെയ്നറാണ്. പ്രധാന സ്ഥാനാര്ത്ഥികള്ക്കായി അവര് മണ്ഡലങ്ങളില് റോഡ് ഷോ ഉള്പ്പെടെയുള്ള പ്രചരണ പരിപാടികളില് പങ്കെടുക്കുന്നുണ്ട്. ഏപ്രില് ആറിന് അവര് ഗാസിയാബാദിലും റോഡ് ഷോ നടത്തിയിരുന്നു.
രണ്ട് കിമി റാലി
ഗാസിയാബാദ് സ്ഥാനാര്ത്ഥിയായ ഡോളി ശര്മ്മയുടെ പ്രചരണ പരിപാടിക്കാണ് പ്രിയങ്ക എത്തിയത്. രണ്ട് കിലോമീറ്ററോളം റോഡ് ഷോ നടത്തിയാണ് പ്രിയങ്ക മണ്ഡലത്തില് എത്തിയത്. വന് ജനാവലിയായിരുന്നു പരിപാടിയില്.
പാര്ട്ടി പ്രവര്ത്തകര് അല്ല
എന്നാല് പരിപാടിയില് പങ്കെടുക്കാന് എത്തിയവര് യഥാര്ത്ഥ പാര്ട്ടി പ്രവര്ത്തകര് ആയിരുന്നില്ലെന്നും മറിച്ച് പാര്ട്ടി പണം കൊടുത്ത് എത്തിച്ചതാണെന്നുമാണ് ദി പ്രിന്റ് റിപ്പോര്ട്ട് ചെയ്തത്. വോട്ടോര്മാരുടെ പ്രതികരണം തേടിയ റിപ്പോര്ട്ടറോടാണ് 'പ്രവര്ത്തകരായി' എത്തിയവര് ഇക്കാര്യം വെളിപ്പെടുത്തിയത്.
പണത്തിന് വേണ്ടി
പരിപാടിയില് കോണ്ഗ്രസ് തൊപ്പിയും രാഹുലിന്റെ മുഖം മൂടിയും ധരിച്ചയാളോടായിരുന്നു റിപ്പോര്ട്ടറുടെ ചോദ്യം. എവിടെ നിന്നാണ് വരുന്നതെന്ന ചോദ്യത്തിന് ജാര്ഖണ്ഡില് നിന്നാണെന്നായിരുന്നു മറുപടി. കൗതുകം തോന്നി കൂടുതല് തിരക്കിയപ്പോഴാണ് പണത്തിന് വേണ്ടിയാണ് വന്നതെന്ന് അയാള് റിപ്പോര്ട്ടറോട് പറഞ്ഞത്.
ഭക്ഷണവും വെള്ളവും
വൈകീട്ട് പണം തരാമെന്ന കരാറിലാണ് എത്തിയത്. എന്നാല് കുടിക്കാന് വെള്ളമോ ഭക്ഷണമോ ലഭിച്ചിട്ടില്ലെന്ന് അയാള് വീഡിയോയില് പറയുന്നുണ്ട്. പരിപാടിയില് ട്രെക്ക് ഓടിച്ചിരുന്ന കോണ്ഗ്രസ് തൊപ്പി ധരിച്ചയാളോടും റിപ്പോര്ട്ടര് ചോദ്യം ഉന്നയിച്ചു.
സമാജ്വാദി പാര്ട്ടിക്ക്
ആര്ക്ക് വോട്ട് ചെയ്യും എന്ന ചോദ്യത്തിന് താന് സമാജ്വാദി പാര്ട്ടിക്കാണ് വോട്ട് നല്കുകയെന്നായിരുന്നു അയാളുടെ മറുപടി. കോണ്ഗ്രസ് തൊപ്പിയും ചിഹ്നവും ധരിച്ചിട്ടുണ്ടല്ലോയെന്ന ചോദ്യത്തിന് തന്റെ മാലിക് തന്ന ജോലിയാണിതെന്നായിരുന്നു അയാളുടെ പ്രതികരണം.
ബിജെപി ചതിച്ചു
കര്ഷകര്ക്ക് വേണ്ടി യാതൊന്നും ബിജെപി സര്ക്കാര് ചെയ്തിട്ടില്ലെന്ന് പരിപാടിയില് പങ്കെടുക്കാന് എത്തിയ ഒരാള് പ്രതികരിച്ചു. മുന്പ് തങ്ങള് ബിജെപിയെയാണ് പിന്തുണച്ചത് എന്നാല് ബിജെപി തങ്ങള് കര്ഷകരെ ചതിച്ചെന്നുമായിരുന്നു ഇയാളുടെ പ്രതികരണം.
പ്രകടന പത്രിക
കര്ഷക സൗഹൃദ നയങ്ങളാണ് കോണ്ഗ്രസ് സ്വീകരിക്കുന്നതെന്നായിരുന്നു പരിപാടിയില് പങ്കെടുത്ത ചിലരുടെ പ്രതികരണം. അതേസമയം കോണ്ഗ്രസിന്റെ പ്രകടന പത്രിക വായിച്ചിട്ടുണ്ടോയെന്ന റിപ്പോര്ട്ടറുടെ ചോദ്യത്തിന് പത്രിക കണ്ടിട്ടേ ഇല്ലെന്നായിരുന്നു പലരുടേയും പ്രതികരണം.
വീഡിയോ
വീഡിയോ
-
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
യുഎഇയിൽ ശക്തമായ മഴ വരുന്നു; പ്രവാസികൾ ജാഗ്രത പാലിക്കുക, സുരക്ഷാ നിർദ്ദേശങ്ങൾ ഇങ്ങനെ -
'മത്സരിക്കാന് രാഹുല് അനുവദിച്ചു.. എന്നിട്ടും അത് മുടക്കി, ആളെ എനിക്കറിയാം'; തുറന്നടിച്ച് സുധാകരന് -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല് -
ഇറാനെ ചുട്ടെരിക്കാൻ അമേരിക്ക; വൈദ്യുത നിലയങ്ങൾ തകർക്കും, ട്രംപിന്റെ അന്ത്യശാസനം -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ഇസ്രായേലില് രൂക്ഷമായ മിസൈലാക്രമണവുമായി ഇറാന്; ഡിമോണും അറാദും ആക്രമിക്കപ്പെട്ടു -
13000 രൂപയുടെ ഇടിവില് സ്വര്ണം.. വെള്ളിയ്ക്ക് കുറഞ്ഞത് 32000 രൂപ! അടുത്ത ആഴ്ചയിലും വില കുറയും?
Click it and Unblock the Notifications
Sign in with Google