Click it and Unblock the Notifications
Just In
-
-
-
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
രാഹുല്‍ അല്ല, ഇപ്പോള്‍ പ്രിയങ്കയാണ് താരം
ദില്ലി: നരേന്ദ്ര മോദി, രാഹുല്‍ ഗാന്ധി - ഇവര്‍ രണ്ട് പേര് മാത്രമായിരുന്നു ഇത്രനാളും രാജ്യത്തെ മാധ്യമങ്ങളുടെ പ്രധാന ശ്രദ്ധാ കേന്ദ്രം. ദില്ലി തിരഞ്ഞെടുപ്പിന് ശേഷം അരവിന്ദ് കെജ്രിവാളും മുഖ്യധാരയിലെ പ്രധാന ചര്‍ച്ചയായി. എന്നാലും കോണ്‍ഗ്രസില്‍ നിന്ന് രാഹുല്‍ ഗാന്ധി എന്നൊരു പേര് മാത്രമേ ഉയര്‍ന്ന് കേട്ടിരുന്നുള്ളൂ.
എന്നാല്‍ ഇപ്പോള്‍ സ്ഥിതിഗതികള്‍ മാറിക്കൊണ്ടിരിക്കുകയാണ്. രാഷ്ട്രീയത്തില്‍ ഔദ്യോഗികമായി രംഗപ്രവേശനം ചെയ്യാത്ത പ്രിയങ്ക ഗാന്ധി വദ്രയാണ് ദേശീയമാധ്യമങ്ങളുടെ ശ്രദ്ധാകേന്ദ്രം. ബിജെപി നേതൃത്വം പോലും ഇപ്പോള്‍ ആക്രമണങ്ങള്‍ അഴിച്ചുവിടുന്നത് പ്രിയങ്കക്ക് നേരെയാണ്.
അമ്മയും സഹോദരനും മത്സരിക്കുന്ന റായ് ബറേലി, അമേത്തി മണ്ഡലങ്ങില്‍ മാത്രമാണ് പ്രിയങ്ക പ്രചാരണത്തിനിറങ്ങുന്നത്. അതിനിടെ നരേന്ദ്ര മോദിക്കെതിരെ രൂക്ഷ വിമര്‍ശനുമായി അവര്‍ രംഗത്തെത്തുകയും ചെയ്തു. വരാണസിയില്‍ മോദിക്കെതിരെ മത്സരിക്കാന്‍ ആഗ്രഹം പ്രകടിപ്പിച്ച പ്രിയങ്കയെ സ്വന്തം പാര്‍ട്ടിക്കാര്‍ തന്നെയാണ് തടഞ്ഞത്.
ഇന്ദിരാ ഗാന്ധിയുടെ രൂപസാദൃശ്യത്തോടെയാണ് പ്രിയങ്ക തിരഞ്ഞെടുപ്പ് പ്രചാരണത്തിനിറങ്ങുന്നത്. ഉത്തരേന്ത്യന്‍ സംസ്ഥാനങ്ങളില്‍ ഇപ്പോഴും ഇത്തരം ഗിമ്മിക്കുകള്‍ക്ക് നല്ല സാധ്യതയാണ്. ഒരു ദിവസം പോലും ഒരു യോഗം പോലും ഒഴിവാക്കാതെ ദേശീയ മാധ്യമങ്ങള്‍ പ്രിയങ്കക്ക് പിറകെയുണ്ടെന്നതാണ് യാഥാര്‍ത്ഥ്യം. ഒരു പക്ഷേ രാഹുല്‍ ഗാന്ധിക്ക് പോലും കിട്ടാത്ത മാധ്യമ ശ്രദ്ധയാണ് ഇപ്പോള്‍ പ്രിയങ്ക ഗാന്ധിക്ക് ലഭിച്ചുകൊണ്ടിരിക്കുന്നത്.
പ്രിയങ്കക്കെതിരെ നേരിട്ട് ഉന്നയിക്കാന്‍ ആക്ഷേപങ്ങളൊന്നും ഇല്ലാത്ത സ്ഥിതിക്ക് ഭര്‍ത്താവ് റോബര്‍ വദ്രയെ കേന്ദ്രീകരിച്ചാണ് ബിജെപിയുടെ ആക്രമണം. തന്റെ ഭര്‍ത്താവിനെ ഇതിലേക്ക് വലിച്ചിടരുതെന്ന് പ്രിയങ്ക ബിജെപിക്കാരോട് ആവശ്യപ്പെടുകയും ചെയ്തു.
രാഹുല്‍ ഗാന്ധിയേക്കാള്‍ രാജ്യത്ത് ചലനം സൃഷ്ടിക്കാന്‍ ഒരു പക്ഷേ പ്രിയങ്കക്ക് കഴിയും എന്നാണ് ബിജെപിക്കാര്‍ പോലും വിലയിരുത്തുന്നത്. നെഹ്‌റു കുടുംബത്തിലെ പുതുതലമുറയില്‍ രഷ്ട്രീയത്തിലിറങ്ങാന്‍ ഏറ്റവും കഴിവുള്ള വ്യക്തി പ്രിയങ്കയാണെന്ന് ചില അണിയറ പ്രചാരണങ്ങളും നടക്കുന്നുണ്ട്.
തിരഞ്ഞെടുപ്പ് കഴിഞ്ഞാല്‍ ഒരു പക്ഷേ പ്രിയങ്ക കോണ്‍ഗ്രസ് സംഘാടനാ നേതൃത്വത്തിലേക്ക് എത്തുമെന്നും പ്രതീക്ഷിക്കപ്പെടുന്നുണ്ട്. പ്രിയങ്കയെ കോണ്‍ഗ്രസിന്റെ ബ്രഹാമാസ്ത്രം എന്നാണ് ചിലര്‍ വിശേഷിപ്പിക്കുന്നത്.
